快手.......

今日好開心! 因為我收到一個朋友既email，佢話喺香港行街時見到一樣野而唸到我...所以買咗送比我!!!  

不過佢買咗之後先記得冇我地址喎....呵呵~~~~ 咁佢問我攞地址，我緊係即回啦! 唔知係乜來呢??? (好期待啊~~~~) 

P.S. 冇錯~ 係講緊妳!  見字好快手寄比我!!!!!!! (放心~ 無論係乜野來，我都一定會鍾意! 因為我係貪心鬼來!!! 就算未收到 - 我已經感受到果份心意!  Thanks S~~~)

烏冬廚神 (7月2日)

親戚來訪好鬼攰....幾日冇煮飯，尋晚同老公一路食住印度外賣，一路睇老公喺香港帶返來既"烏冬廚神"VCD~ 之前我都知日本最出名既烏冬係產自"讚岐"，不過就唔知點解? 睇完"烏冬廚神"之後........都唔知點解!!!  只係知道讚岐依個地方有大約900間烏冬製麵廠 / 麵店! (好西利啊~~ 東京都只係得500間麥當勞左右......)

Food as medicine... Health Tips!!! (附中文解釋)

朋友email 比我既食療健康貼士~ 好似幾有用.......

Food as medicine... Health Tips!!  

HEADACHE? EAT FISH!  頭痛? 食魚!Eat plenty of fish -- fish oil helps prevent headaches. 食多d魚 - 魚油幫助防止頭痛~
So does ginger, which reduces inflammation and pain. 薑都係, 可以減少炎症 + 痛楚~

HAY FEVER? EAT YOGURT!  花粉症? 食乳酪! Eat lots of yogurt! before pollen season. 花粉季節前食多d乳酪~Also-eat honey from your area (local region) daily. 每日食你周遭地區出產既蜜糖~

Always - 幸福之三丁目

06年10月同老公、Jeff + CJ 一齊返香港註冊行禮，Jeff + CJ 既媽咪可以book 到平機票 - Qatar Airline~ 本來我一聽到要喺Doha 轉機，就唔係好想搭Qatar...不過Jeff + CJ 為咗去我地香港既婚禮，自己出機票錢，我都唔好意思阿之阿左~~~

就係因為我搭咗Qatar，有幸睇到一齣令我2分30秒就感動到流得出眼淚既戲......

喺回程飛機上面，我剛瞓醒無意中見到老公睇緊"Always - 幸福之三丁目"~

雪梨蘋果排骨湯

1 Take OK!

今朝一早老公請咗半日假車我去做"Life in the UK Test"~ 雖然我一早都覺得自己唔會肥...入到門口接待處職員又好鬼nice 咁叫我good luck~ 仲話我一定會pass....壓力就開始有d嘞! 因為通常咁就係一個唔好預兆.......仲有 - 我一向好鬼憎考試!!!!

上次篇blog 列咗幾條問題例子，都係當中比較白痴既例子...但其實400幾條問題裡面有好多係關於英國 + 歐洲歷史，有好多年份 + 資料數據要記! 冇可能一d準備都唔做，只靠打天材波就合格~~~~ 老公見我成個星期咁鬼懶都好鬼担心我會肥佬!!!!

400幾條問題random 24條選擇題出來，有45分鐘時間 + 要合格既話最少要做啱18條~ 同我同一時間考既仲有另外5個人......

我由開始至完成，加埋重新check 一次答案只用咗5分鐘~ (電腦上會顯示時間!) 即時有結果~~~~ 我係第一個完成 + 可以走人!  

出到門口唔見老公...打比佢扮肥咗~~~ 不過佢唔信!  今次一條白痴問題都冇~ 而且當中有幾題問得幾陰濕!!! 不過講真 - 都真係幾易囉!!! 我都好想知究竟有冇人肥過呢?????

之前老公見我咁懶...所以利誘我 - 如果合格我會有禮物...要乜野好呢???? 呵呵~~~

笑到想嘔~~~~ (兒童不宜!)

世界上有千千萬萬種唔同既語言...其中一d語言某d字既發音可能同另一種語言相似~ 但出來既意思就可能差天共地!

早排喺YouTube 無意中睇到一個好跟Michael Jackson "Thriller" 既印度MV (歌者當然係唱印度文啦~)，不過就有人根據歌者既發音，用英文重新"演繹"出來......我地雖然唔知印度文歌詞既真正意思，但英文misheard 歌詞就睇到我同老公笑到痴肺!  因為歌詞完全唔make sense + 好stupid!!

孖T漫畫遊記

 我地有一本紅色真皮封面既日記簿  係我特別買來記錄我同老公去旅行!

二人世界的四餸一湯 - 6月19日 (附食譜)

花旗參無花果百合湯; 冬蔭雞翼; 馬拉盞蒸豬肉; 蕃茄煮魚柳 & 蒜茸白菜仔

點解得2個人食都要煮4個餸呢? 因為老公一向對蝦膏鹹魚馬拉盞...之類既食物相當抗拒~ 老公試過喺雪櫃搵到舊馬拉盞，同我講: 依舊咩野來架? 好臭呀~~~ 妳快d揼咗佢啦!!! 所以"馬拉盞蒸豬肉"佢係掂都唔會掂既!! 但我又真係好鬼想食喎~~~~ 一向煮開3個餸，好似對老公好唔公平咁......所以唯有整多個餸啦!

冬蔭雞翼