Bye Bye Bonnie~ (2009年1月8日)

幾個鐘頭前，Janet + 佢爸爸來接咗Bonnie 返屋企......

短短2個半星期，我唔捨得Bonnie 既程度，竟然超出我預算好多!

睇到Bonnie 見返Janet + Janet 爸爸時個緊張興奮樣，一方面燉Bonnie 高興; 不過另一方面，我心裡面有少少酸溜溜既感覺~~~~

二人世界的三餸一湯 - 2009年1月7日 (附食譜)

魚翅瓜雜錦粒粒湯; 蕃茄牛肉; 鮮蜆肉煎蛋 & XO醬炒椰菜

又來V媽媽美食 - 鮮蜆肉煎蛋~  

蕃茄牛肉

鮮蜆肉煎蛋

二人世界的四餸一湯 - 2009年1月6日 (附食譜)

魚翅瓜雜錦粒粒湯; 家鄉南乳鴨; 鮮露筍炒火腿; 玫瑰豉油雞 & 蒜茸菠菜

唔知係咪因為返完香港冇耐呢??? 最近特別掛住V媽媽手勢!!!  

家鄉南乳鴨

魚翅瓜雜錦粒粒湯

又一騎呢意外 (2009年1月5日)

大家估唔估到我件褸上面既係乜野來????

尋晚(1月5日)同老公去Tesco 買野，因為我有成張list 既野要買，所以叫老公去睇雜誌等我，咁我就可以慢慢行......

生命最後一個月的花嫁

好耐冇寫過睇咗咩野新書......

星期日(1月4日)返6299度食飯，言談間得知老公有一個cousin S患上胃癌第4期...S今年只得35歲，本來打算今年同未婚夫結婚，不過而家佢只認得自己媽媽......

老公話我知，我其實同S有數面之緣，佢亦有出席我地英國既婚宴，不過我對佢並冇印象~ 無論識唔識，我都好怕聽到睇到，原本值得高興既喜事突然其來變成不幸既事!

2009第一擊

Boxing Day 果日開始大減價，同老公出去行咗成日，完全冇收穫~ 因為我睇啱既衫 + 鞋，通通太大冇我size!!!!

自從Bonnie 來暫住後，少咗行街shopping......一來成日落雨，帶埋Bonnie 出街的話，佢污糟時又會整污糟架車~ 而且我一行街就要行全日，要留低Bonnie 自己一個咁耐，我又唔於心不忍! 加上Bonnie 要定時定候食野，行到興高采烈時，要返屋企餵佢，真係好掃興 + 冇癮......

之前都心大心細想養隻西施...不過我而家決定都係唔養狗嘞!!!!

依個weekend 返咗6299度食飯，返親去食飯都要幾粒鐘，所以帶埋Bonnie 去~ 食完飯已經成3點幾，又要趕住5pm 前去圖書館還書...9千幾樣野要做!!!!

不過我真係忍唔住嘞!!!! 於是老公先車我去City Centre，放低我後就帶埋Bonnie 趕去還書，而我就爭取時間大減價作戰~~~~

短短唔夠2粒鐘，收穫已經好豐富!!!

本來仲想行耐d...不過得我一個人，再買野都冇手攞!!!

Boxing Day 果日一件衫都買唔到，而家補返數......

 Mango 買既半價褸~ £90 減到£45!  一著上身我已經好鐘意  仲要細碼只得返一千零一件!!