二人世界食乜鬼 - 2014年11月份 (附食譜)

11月份跟Mr.T 南下出trip 2次， 比較少煮飯.........

11月6日: 南瓜雞肉飯; 韓式炒魚板; 蒜蓉蒸白飯魚乾 + 魷魚仔乾

眼大過胃既一餐......



南瓜雞肉飯食譜click here~

韓式炒魚板Eomuk Bokkeum 食譜click here~

其實依個可以唔整...不過屋企實在太多海味! 要清清貨.......

11月18日: 瑞士汁乾炒牛肉烏冬

好耐無食過宵夜...是晚晚餐食完烏冬，臨瞓前再來一人一份鹹牛肉炒蛋三文治做宵夜!

11月20日: 又係乾炒牛肉烏冬

究竟主角係牛肉烏冬定係余均益辣椒醬呢?

乾炒牛肉烏冬(參考乾炒牛河食譜)click here~

11月21日係Mr.T 生日! 是日Mr.T 喺Glasgow 見客早放工，
所以我請Mr.T 食飯，去佢一直好想試既巴西燒烤餐廳Viva Brazil~
不過依餐真係好失望! 價錢貴不特止，食物唔好味，連待應都反應遲鈍! 無下次!!

11月22日: 蕃茄飯; 素家常豆腐

是日初一食齋........

早輪FB被蕃茄飯頻頻洗板! 有人形容出奇地好食...有人話好食到感動云云.......
好奇 + 八卦驅使下我又要試吓! 屋企咁啱有車厘茄，就用車厘茄啦!!

出奇地好味!!?!? 好食到感動!!?!??
erm...sorry......對我來講只係預期中既味道 - 平平無奇!

好彩有個惹味既素家常豆腐送一送! 素家常豆腐食譜click here~

11月24日: 打邊爐

越來越鍾意喺屋企打邊爐! 價錢平過出街打邊爐一半; 鍾意食乜就食乜; 一路打可以一路睇電視........

因為第二日要南下，唔想有食剩，所以今次特登預備少d食物.......

終於買到唐蒿菜嘞! ❤

11月28日: 港式鐵板黑椒雞扒飯

是晚Mr.T office Christmas staff night out，我就乘機用62餐館攞既鐵板來玩港式鐵板一人前!

港式鐵板黑椒雞扒飯食譜click here~ 

11月30日: 黑椒雞扒碟頭飯

Mr.T 見到我個鐵板一人前口水大流又話要食!

不過我嫌果2塊鐵板size 太細! 今次用碟上~

瑤柱蠔豉鹹瘦肉粥

自從買咗燜燒罐之後，鍾意食粥既我幾乎日日一壺粥做午餐!
燜燒罐的確係偉大發明! 買遲咗呢..... =P

今日加埋白花膠 + 陳腎...白花膠瑤柱蠔豉陳腎鹹瘦肉粥...正! ❤

燜燒罐瑤柱蠔豉鹹瘦肉粥食譜click here~

早排買既泰國馬努拉蝦片........

用AirFryer 炸出來脆卜卜，好香蝦味又帶微辣，同泰國餐廳食到既味道一模一樣呢! ❤

AirFyer 氣炸蝦片方法click here~