3rd Customer's Order (2012年11月29日) 同場加映: 我的忌廉蛋糕回顧

前日朋友接咗客人第3個蛋糕order，
尋日(11月29日)做起後即時新鮮送貨!

20cm 蜜桃忌廉蛋糕 (雜果餡)

Ti Lounge@Hilton Glasgow (2012年11月25日)

一星期一Tea!
剛過去既星期日(11月25日)，
我地去咗位於Hilton 裡面，
8月尾開張既Ti Loungh~

我覺得"Ti Loungh"依個名真係改得非常之好!
"Ti"係蘇格蘭方言Gaelic (蓋爾語)茶既意思......
一個位於蘇格蘭最大城市既嘆茶地方，
叫做"Ti Loungh"真係最貼切不過!!

鸚鵡也Gangnam Style!

雖然我到而家都唔明點解"Gangnam Style"會咁紅?紅到American Music Awards、MTV Europe Music Awards、
The X-Factor Australia......輪流請PSY做表演嘉賓，騎呢既舞姿連Madonna + 德國名模Heidi Klum 都跳埋一份;

紅到果日我去Asda買餸，咁啱播緊Gangnam Style，
有個唔夠10歲既0靚仔即時PSY上身顯身手!
直至佢撞到其他客人，0靚仔阿媽厲咗佢一眼，
佢先乖乖停落來.......;

唔用殺蟲水既盆栽去蚊滋方法 + 廚房通告2則

先來兩則廚房通告.......

(1) 唔知各位blog友最近有無收唔齊回應電郵通知既問題呢?
好不幸.......我有! 而且情況已經幾個星期都完全無改善過.......
加上欄位"最近的回應"顯示有限，
只要我睇到既，我都會盡量回覆大家既留言，
但亦有極高可能會漏覆你/妳果個!
請大家多多包涵啊~

(2) 為免除閒雜人等，小妹已將Facebook setting 全面轉做private!
我仍然歡迎各位blog友add 小妹吹吹水，
想add 我FB既blog友們可以喺blog 依度私回留個email 比小妹~

好! 入正題~

話說幾年前62比咗棵"發財樹"過我地，
(即Jade Plant~ 又名Money Tree、翡翠木、吸財樹、玉樹、燕子掌、八寶樹!)不過我嫌62個原裝花盆太過老土得滯，
所以我換咗個懶靚既白色花盆.......

日子耐咗，棵發財樹越生越大棵，開始太重斜埋一邊!
今年4月我已開始意識到要換一個大d既花盆.......

龍蝦沙律 Lobster Salad

三杯鱈魚

My MIP's Birthday 2012年11月21日 (附朱古力海綿蛋糕食譜)

尋日係我至愛既MIP (Most Important Person)Mr.T 牛一!
上星期一連兩日整咗2個比客人既蛋糕，
Mr.T望住成品既相只有流口水既份兒怪可憐啊......
一年一度牛一，當然唔少得整返個生日蛋糕比佢啦~

第一次整朱古力味既蛋糕，味道好好，算係大成功啊!
唯獨唧花技巧仍然要改善.......

首要解決既係我果套48款忌廉唧花咀，究竟唧出來係咩樣呢?
曾經有網友比過唧花咀圖解我，
不過之前電腦壞咗reformat 時無鬼咗!

雞絲炒銀針粉 (附銀針粉做法)

記得細個時喺屋企整過銀針粉放湯煮，
不過我地唔叫做佢銀針粉，叫做"老鼠仔"~
搗蛋既我除咗搓老鼠仔之外，
仲搓咗幾個(粒)"波"比d老鼠仔玩.......
結果果煲變咗"老鼠仔踢波"!
炒既，今次我都係第一次食~
而Mr.T就係成世人第一次食銀針粉!

Hugh's Champagne Bar@House of Fraser Glasgow + Dinner@The Living Room (2012年11月18日)

上癮鳥! 真係上癮鳥!!!!!!!!
自從上星期同Mr.T afternoon tea 完後 (網誌)，
我地決定每個星期都去試一個唔同既地方!

尋日我地原本打算去Rogano afternoon tea，
不過因為我掛住行街行到過哂鐘，
去到餐廳佢地已經唔再serve 下午茶.......
突然想起朋友推介House of Fraser 裡面既tea 唔錯，
就去試吓啦!

開張大吉 (2012年11月16日)

2012年11月16日係一個好值得紀念既日子........

朋友之前收過我親手整比佢既生日蛋糕，
大約2、3個月前，朋友向我提議合作網上賣我整既蛋糕，
我負責整蛋糕，佢就負責宣傳送貨~ 我都幾有興趣試吓!
自此講就講足幾個月，但實際行動就無乜.......

不過朋友就將我之前整過既蛋糕相放上一個英國留學生討論區，
早個零月已有3、4個人想訂蛋糕，
但因為各種原因，最終都無接到order!
e.g. 太short notice / 未有心理準備 / 我唔得閒 / 朋友唔得閒.......星期三11月14日最終落實接咗我地第一個order嘞!
客人訂咗一個23cm 既士多啤梨忌廉蛋糕，星期五16號朝早送貨........

依個就係我地第一單生意既完成品嘞!
士多啤梨忌廉蛋糕(客人指定菠蘿忌廉餡~)

蛋糕完成後，我同朋友們一齊去送貨比客人~
之前我只整過蛋糕比老公、家人 + 朋友，
今次第一次整比完全陌生既客人，仲要收人地既錢.......
心情非常緊張~~~~~~