台灣 - 珍珠奶茶 (附自製黑糖珍珠粉圓 + 燜燒罐煮粉圓方法)

早於阿V來英國之前，台式奶茶店喺香港已經開到成行成市，
不過以前阿V一直只飲茉香綠茶少甜走珍珠......
直至3年前倫敦台灣小食節，我先第一次飲有珍珠既珍珠奶茶~ =P
近幾年Glasgow 珍珠奶茶店越開越多，但大部份都係迎合洋人口味偏勁甜，
最啱阿V口味果間老闆係正宗台灣人，不過逢星期日休息.......
要隨時想飲都有得飲，最好就係自己沖! (廢話!!)

日本 - 相撲火鍋 Chanko Nabe

顧名思義係日本相撲手食既火鍋! ^^就咁睇相材料同普通火鍋完全無分別......
(事實上都係自己鍾意食乜就落乜，反正我又唔係相撲手! 呵呵~~~)
傳統正宗既相撲火鍋材料主要係蔬菜、豆腐 + 雞肉，
並唔會有四腿著地既肉類e.g. 豬牛，原因係相撲比賽中相撲手雙手著地就輸，
時移世易，而家唔會再拘泥依d舊傳統，所以相撲手火鍋都好常見雞以外既肉類~
而相撲火鍋有一個好重要又好好味既關鍵，少咗佢就會完全失色.......
佢就係 - 雞~~ 肉~~~ 丸~~~~~~~

日本 - 秋葵納豆生雞蛋拌飯

高木直子最新既圖文書"一個人好想吃"裡面有講納豆飯，睇完之後口水大流忍唔住整返個!

韓國 - 紫菜飯卷 Gimbap

一直都有個疑問 - 韓國紫菜飯卷同日本壽司卷究竟有乜分別呢?
疑問還疑問，但又無的起心肝去搵答案，
直至早前喺FB見到朋友食gimbap 食得津津有味，順口問吓......
主要分別在於飯既調味方面 - 壽司飯用米醋調味; 而紫菜飯卷既飯用麻油 + 鹽調味~

台灣 - 大腸蚵仔麵線

第一次食麵線喺台北士林夜市，當時根本唔知麵線係咩來，
只係樣樣夜市小食都試吓......結果一試麵線就愛上咗! ❤
晚晚都要去夜市整一碗先安樂，食到連檔主都認得我 + Mr.T，
檔主問我地: 你們每晚都來不厭嗎? XDDDD
好味既食物，當然多多都唔會厭! ^^

泰國 - 泰式香辣蕃茄魚煲

舊年年尾買咗隻Denby 上火碟，足足4個月先攞來開光用來整魚煲....... =P

台灣 - 烏魚子炒飯

朋友之前送比我既烏魚子一直放喺冰格深處，
早幾日冰格搵食材時摷咗一孖出來解凍，
孤寒鬼阿V唔捨得咁奢侈就咁成塊燒來食...咁用來炒飯啦! ^^

日本 - 自製醬油麴 Homemade Shoyu-Koji

早前V媽媽寄來半打鹽麴 + 半打米麴，用咗1包米麴自製味噌，
鹽麴只食咗1包，仲有5包暫時唔需要自家製，咁今次整醬油麴啦! ^^

韓國 - 涼拌茄子 Gaji-namul

依個其實正宗應該用幼長既紫長茄，不過紫長茄要中國超市先買得到......

韓國 - 泡菜炒飯 Kimchi Bokkeumbap

日本 - 自製手工味噌

米麴除咗可以用來自製鹽麴 + 醬油麴之外，仲可以用來自製手工味噌! ^^
上面依樽只係"半成品"，顏色同一般喺街買既味噌比較，明顯淺色好多，
至於最後完成品...要1年之後先有得睇啊! =P
而家先記低材料份量 + 做法，1年之後再睇成果~

韓國 - 韓式蔘雞湯 Samgyetang

多年前聖誕同V媽媽、V阿姨 + V表妹去首爾旅行，第一次食到蔘雞湯，當時我心裡面既反應係...吓!!?!?!? 依兜無色無味無香味，雞肉鞋霎霎既野竟然係韓國名菜!!?!?! 大受打擊!!

後來喺香港既韓國菜館聞到隔離枱果兜蔘雞湯好鬼香，我又忍唔住點一兜...終於扭轉咗我對依道經典韓國菜既印象! 同時我得出一個結論 - 跟旅行團，食得最好果幾餐，總係要自費!!

韓國人鍾意夏天時會食用蔘雞湯，佢地認為食完出一身汗，身體裡面唔好既野會隨汗水排出; 不過中國人就認為冬天先係進補季節......

阿V唔理夏天冬天 / 進唔進補...我只係知道冬天凍冰冰，蔘雞湯熱辣辣，有肉有湯又有飯，食完成身暖笠笠好舒服! ^^

韓國 - 韓式小魚乾 Myeolchi Bokkeum (前菜)

另一道我 + V媽媽都好鍾意既韓式前菜，每次去食韓燒必定encore 又encore! ^^

韓國 - 醬煮馬鈴薯 Gamjajorim (前菜)

Gamjajorim 係其中一個我最鍾意既韓式前菜~
做法簡單好味好下飯，而且冷熱佳宜，一個字...正!! ❤

韓國 - 生醃辣魷魚 Ojingeojeot

Ojingeojeot 係一道生鮮既韓式前菜，口感味道集鹹、辣、爽口、滑劣劣於一身，
一小口生醃辣魷魚配一啖熱辣辣白飯...一次就食上癮直吞兩大碗白飯!
好食到唔停得口!!! 超讚~ ❤

韓國 - 炒魚板 Eomuk Bokkeum

Eomuk Bokkeum 其實係一道韓式前菜~ 不過好味既食物...細細碟又點夠喉呢?

台灣 - 客家小炒

一道簡單快手，香噴噴又好味超好送飯既開胃菜! ❤

韓國 - 涼拌菠菜 Sigeumchi Namul

好味、有益、做法超簡單!

韓國 - 韓式辣醬烤豬肉 Dwaeji Bulgogi

韓國 - 辣豆腐海鮮湯 Haemul Sundubu Jjigae (偷懶方便版)

點解叫做"偷懶方便版"呢? 
因為本來我打算make from scratch 既........