Lunch Buffet@Morblas Hilton Glasgow (2012年12月2日)

剛過去既星期日(12月2日)無afternoon tea，
因為我地去咗食lunch buffet!
上星期去Ti Lounge afternoon tea 時......

見到我地一向去開食自助餐既Minsky's無咗!
全新裝修變咗一間叫做Morblas Seafood & Grill 餐廳.......

即時問侍應 - 新餐廳仲有無自助餐食?
侍應回答，新餐廳只會星期日下午做自助午餐!
簡直晴天霹靂~~~~~~~~~~

於是剛過去既星期日，
我地決定暫停一星期唔去tea 住，
拿拿淋試吓新餐廳既自助餐水準如何先!

Mr.T一入到去就覺得........

新裝修雖然好trendy，但無咗舊裝修既"貴族氣"!


我去食野既啫! 對我來講最緊要d野好食~

頭盆仍然係以前果d食物，不過選擇少咗好多!
有少少失望......

看似"正常"既青口，但食落其怪地好"中國式"煮法，
不過係唔好味既中國式煮法.......


不過最重要既主菜 + 甜品，種類 + 選擇都同以前無分別~

頭盆 + 個青口帶來既失望，
因為依碟燒牛肉，我完全原諒咗佢地!
除咗好闊佬大大份之外，仲燒到粉紅色啱啱好~

是日其實仲有火雞，不過因為燒牛肉太好食，
我完全唔想吼火雞!


甜品種類照舊有好多，老公話幾好味~

我攞咗依個唔知咩mousse (無名牌!)
酸微微幾好食~


因為選擇少咗，而且只得星期日午餐先有得食自助餐，Overall 我個人覺得無以前咁好!
不過佢個燒牛肉真係又大份又好味，(我食咗2碟呢!)
而且價錢比以前平咗少少，
所以可以當拉平 - 同以前Minsky's 既水準一樣~

酒店大堂天花裝飾得幾靚~