二人世界二餸晚餐 - 2014年5月1日至7日 (附食譜)

最近因為忙少咗煲湯煮飯，煮飯時又煮得簡單d份量少d，
但我發現煮少咗既份量反而啱啱好，幾乎可以餐餐清唔洗食隔夜餸!

5月1日: 魚露雞; 炒西蘭花

早幾日買咗隻corn fed 走地雞仔，半隻整咗白切雞.......

剩低果半隻用咗Gigi 姐魚露鴨既方法去整，一樣好正好味道!

魚露雞(參考魚露鴨食譜)click here~

5月4日: 蕃茄蛋煙肉腸菜心湯麵

是日去完街返到屋企不停打乞嚏，之後仲開始鼻塞喉嚨痛，晚餐求其煮碗麵算數!

5月6日: 素蠔油炆齋; 麻醬菠菜

是日係佛誕，所以食齋~

素蠔油炆齋食譜click here~

真係好鍾意食涼拌菠菜! ❤
今次唔食韓式，改為麻醬~ 不過因為是日食齋，所以無落蒜蓉!

麻醬菠菜食譜click here~ 

5月7日: 魚露豬腩; 清炒菜心

早幾日整完魚露雞，見剩返幾多汁，倒咗好似好浪費.......
買咗2 pack 有皮豬腩肉，汆水後爆吓佢，用剩餘魚露汁炆一陣，
可能個汁之前吸收咗果半隻雞精華，腩肉好好食好好送飯!
Mr.T 一路食一路讚口不絕~ ❤

不過煮完雞煮完豬腩肉後...d汁似乎無點少到!
我打算keep 住個汁 (當然要放喺雪櫃啦!)
我唸as long as 個汁唔發毛，萬年汁會越煮越好味~~~