DIY 苔蘚微景觀(Moss Terrarium)

唔知點解一樣物件縮細或放大後，都會變得好cute?

就好似儲食玩、吹氣鴨...etc
我一向都好鍾意袖珍野! 又好鍾意整袖珍黏土食物，
不過太花時間，所以好耐先整一次半次，而且已經好耐無整過~

想玩terrarium 已經好耐! 不過一直唔知道邊度可以買到苔蘚(moss)~
直至我最近先發現 - 蘇格蘭原來係苔蘚聖地!
雲集不同品種苔蘚，包括全英國有87%苔蘚品種、歐洲60%苔蘚品種，
都可以喺蘇格蘭搵到~ 蘇格蘭苔蘚之多，佔全球5%!!


依個重大發現之後，上個weekend 我 + Mr.T 經過一處nature trail........

喺一段枯木樹幹上搵到一大片翠綠苔蘚草皮! 剷咗幾塊返屋企.......

除咗苔蘚之外，製作moss terrarium 仲要有下列工具:

闊口玻璃容器

不同大小形狀卵石 + 砂
*上3種卵石可以喺水族用品店買到; 右下既白砂係模型用砂~

乾水苔 (售賣插花用品既店有售)

噴水壺

較剪、工藝鑷子、匙羹

抹布

各類小盆栽

防水質地小擺設裝飾 (唔一定要係屋仔!)


製作過程:

1. 玻璃容器最底層先鋪上一層較大的卵石，作為隔水層 + 空氣層。
*卵石大小視乎玻璃容器大小~

2. 在卵石上鋪上一層乾水苔，防止上層泥土向底部流失。

3. 噴濕水苔，用茶匙輕壓造型。

4. 鋪上泥土，噴濕泥土。
*我用小盆栽拆出來的泥土，都是經處理的泥土，否則要在泥土中加入活性炭防止發霉~

5. 輕輕清洗除去苔蘚草皮表面雜質 (小心不要洗去根部的泥!)，苔蘚生得太長可以先修剪一下，噴濕草皮底部。

6. 將苔蘚裁剪出所需大小 + 形狀，鋪在泥土上輕輕壓實，徹底噴濕苔蘚。(底部只有少量積水就夠了!)
預留放屋仔的位置，鋪上一塊較平的卵石墊底，屋仔會較平穩~
*如要加入小盆栽，記得預留位置給小盆栽連根種入!

7. 噴水後可隨意加入裝飾物。

8. 鋪排小擺設，用布抹乾水珠 > 完成!

除咗屋仔之外.......

我用咗淺藍色玻璃彩砂作為池塘水既部份;
因為搵唔到咁細隻鴨，所以我用樹脂黏土整咗2隻天鵝~

裝飾物大小其實唔一定要符合絕對比例，不過如果比例相差得太遠，睇起來會好怪啊!
依點要自行去衡量配襯~

完成品大小對比~

依門手藝係會玩上癮既! 暫時我做咗2盆劣作.......

任何闊口玻璃容器都可以做苔蘚微景觀! 我用玻璃茶壺整咗另外一個~

咪睇佢咁細小，實際做起上來都幾廢神......
不過其實微景觀一d都唔難整，只係要有耐性!

造型天馬行空........

可以隨意發揮你無窮既想像力! XDDDDD