Car Boot Sale

Car boot sale - 基本上即係將自己屋企唔要既野攞去開檔賣!
超級大掃除已進行咗超過一半，
打算7月蘇格蘭天氣最好既時候去car boot sale 開檔，
最近我 + Mr.T 四出物色合適既場地.......

前一個星期六(5月3日)，無意中喺巴士站見到依張海報，
等Mr.T 放工後去打咗個白鴿轉~

依個Table Top Fair 係一個教會one off 既義賣活動，
嚴格來講唔算係car boot sale，不過賣既野同car boot sale 差不多~
地點喺一間教堂裡面，場地不大，檔 + 檔之間有點逼夾........
步步為營怕打爛人地d貨，所以場內無影相!

我地去既時候已經開始晏，場內物品大都屬賣剩蔗，一圈下來收穫不多.......

裙金邊骨瓷碟2隻 (50p each)

雀仔形盆栽self watering pot (£1 each)

第二日星期日(5月4日)，去咗Stirling 既Caledonian market car boot sale~

是日天氣麻麻，天陰陰間中毛毛雨仲要大風，不過人流都算唔錯! 
如果天氣好時人流一定好旺~


依個car boot sale 好好玩! 收穫豐富..........

Drive socket wrench set (£7)
 
入去後2分鐘即時買到野...不過買野果個竟然唔係我，係Mr.T!
依套野係用來整車呔既，一套全新既最平要£50，
依套雖然少咗2粒，不過少咗果2粒用唔著，£7好抵買~

古董檔既收穫~ 檔主兩公婆好好人，每件貨價錢都係隨口噏，依3樣野夾埋只£2!

鍍銀茶壺 (50p)

鍍銀杓子 (50p)

返到屋企用洗銀膏抹乾淨後變返閃閃令!

青銅繡花手鏡 (£1)

充滿古典美~ 有d野總是新不如舊!

本來手鏡仲有髮刷 + 衫刷成套一齊出售，
不過髮刷 + 衫刷太貼身，我唔敢用二手，
我只想要依塊手鏡，檔主好好人肯單賣手鏡~

以前喺跳蚤市場或舊物，都見過類似既鍍銀餐具 + 古董手鏡，
不過價錢都好貴唔捨得買，估唔到今次用咁平既價錢買到心頭好! ❤

印度鑲珍珠貝母雕花木茶几 (£6)

雕花好精緻~

中間朵花係珍珠貝母(Mother of pearl)

重覆徹底抹乾淨後，再抹上一層保鑊wood oil，天然木紋明顯突出好多!

日本蛋糕刀 (£1)

全新未用過，好鍾意小手柄既花花~ ❤

士多啤梨橙果醬瓶 (£1 each)

鼠鼠球 (£1.50 each)
Car boot sale 唔係全部都賣舊野，有一檔專賣寵物用品，
買咗2個玩具比McHamHam + 棉花糖，鼠鼠野仲貴過人既野...哈哈~~~~~

士多啤梨 (£1)
有幾檔賣植物既，價錢比garden centre 平好多!


是日買咗咁多野，夾埋只用咗£22........

返到屋企check 一check 早一日買既六合彩...中咗3個字，收£25! 嘻嘻~~~


剛過去既星期日(5月11日)再接再勵!
今次去全蘇格蘭最大既car boot sale - Blochairn market~

Blochairn market 平日weekdays 係蔬果、鮮花 + 海鮮批發市場，
不過一到星期日，market 裡面 + 出面既停車場，就變身成大型car boot sale!

竟然連頭髮都有得剪!!

 
第一次去，去之前網上睇reviews...有曾經去過既人話最好清晨5點去到，
否則好多好野會比人買哂! 於是我地是日晨咁早起身，6am 左右去到，
結果.......好多檔都仲未開!!!!!!!!!!!!!!!!!

場地雖大，但貨既質素唔夠Stirling 吸引，兜咗2粒鐘d檔仲未完全開哂，
好鬼肚餓...正以為會空手而回，準備走人去食早餐之際........

比我搵到依個Le Creuset fondue......only 個兜!
上次喺charity shop 搵到套同款藍色全新未用過£20 (網誌)~

今次依個睇個底就知道係用過.........

不過內籠琺瑯層好乾淨，應該只用過好少次數~
Anyway, only 個兜...£2! 累飯應!! 總算有點收穫~~~

肚餓到打鼓...食早餐去~~~~~~~~