白花膠木瓜螺頭煲雞腳

白花膠來自白花魚(又稱黃唇魚)，被公認為最上等既花膠~
白花膠口感較其他品種花膠特別，煲完幾粒鐘都好有咬頭好爽口唔會淋劈劈!


1. 乾響螺頭浸過今夜; 花膠浸發備用。(咁唔一定要白花膠既!)


2. 木瓜批皮去果核，切塊備用。


3. 雞腳剪去腳趾甲，和瘦肉一同汆水後，洗淨備用。


4. 水大滾先放入瘦肉和雞腳，再放入其他材料，加入薑片和蜜棗，煲至回大滾。


5. 轉小火續煲3小時，以海鹽調味即成。