二人世界晚餐4月下旬全紀錄 (附食譜)

仍然大掃除中! 最大鑊係好似越執越多野 + 越亂......
一邊超級大掃除，一邊主持正常家務，你都咪話唔辛苦!

大掃除意外收穫 - 竟然比我搵返N年前唔見咗既鑽石耳環! 算係小小鼓勵~ ❤


Easter weekend 百忙之中為Mr.T staff 囝囝Jose 整咗幾枝Pikachu cake pops......

Jose 親手整咗張Thank you card 比我，so sweet~ ❤
(最攪笑係張咭裡面仲夾咗張£10! XDDDD)



因為好忙執野，煮飯時間其實都好抆水! 最近煮得簡單d + 好少煲湯.........

4月14日: 南乳炆齋

是日農曆十五，得我一個食齋，所以只整一味for 自己......

太懶...軟豆腐無煎過直接入鑊，好彩未至於煮到爛溶溶......

我食齋，Mr.T 自己整世界最正既火腿芝士奄列比自己食!

4月16日: 韓式辣醬烤豬肉; 海鮮泡菜煎餅; 韓式涼拌菠菜

最近食得多韓國野，食上癮要自己整埋一份! 一於來個"韓國之夜"........

第一次整依個...大成功! Mr.T 話仲好食過韓國餐廳呢!! 嘻嘻~~~~~

Dwaeji Bulgogi 韓式辣醬烤豬肉食譜click here~

自從喺Birmingham 一間韓國餐廳食過涼拌菠菜後，同菜有仇既Mr.T 愛上咗依個!
估唔到原來咁容易整喎~

Sigeumchi Namul 韓式涼拌菠菜食譜click here~

Haemul Pajeon 海鮮泡菜煎餅...依個係失敗之作!
因為我懶無分開來煎，結果個煎餅太厚又唔脆，食落好粉......
依個等我整到滿意先出食譜啦~

4月23日: 花生眉豆雞腳湯; 蠔油雞翼; 清蒸水蛋; 清炒西蘭花

好耐無煲過湯，突然興起想煲湯，煲個屋企已有全部現成材料既湯!

花生眉豆雞腳湯食譜click here~

蠔油雞翼食譜click here~

清蒸水蛋(參考食譜)click here~

4月25日: 鹹魚蒸肉片; 韓式海鮮煎餅; 清炒白露筍

FB見到朋友整依味，攪到好想食埋一份!

鹹魚蒸肉片食譜click here~

再來韓式海鮮煎餅，但今次無落泡菜~
今次整得比第一次進步，不過仍然唔夠薄! 一定要整到自己完全滿意先出食譜!!

買咗札好新鮮既白露筍，原本唸住用來煮白露筍忌廉湯........
是晚叫Mr.T 放工返來時返個西蘭花做餸，佢竟然話"聽錯咗"...買咗蒜頭!!
西蘭花 + 蒜頭都可以攪得錯!!?!?!
我認為只係Mr.T 唔想食菜既藉口! 
Anyway 我一定要食菜，所以焗住炒咗札白露筍~

4月28日: 白切雞; 西蘭花炒肉絲

買咗隻細細隻corn fed 走地雞仔，一開二，蒸咗半隻做白切雞~

白切雞做法click here~

西蘭花炒肉絲食譜click here~

4月29日: 素蠔油炆齋

話咁快又到農曆初一食齋日!

今次軟豆腐先煎咗，煮出來靚靚又好味~ ❤
雖然Mr.T 無陪我一齊食齋，不過佢都話依碟齋好似好好味!

素蠔油炆齋食譜click here~

4月30日: Pizza Hut

是晚本來唸住煮飯，不過之前攞咗2部相機去比人整，
對方臨時通知相機已整好，我等Mr.T 放工跟埋去攞相機，順便問問題，
攞完相機已經好晏，好鬼肚餓去Pizza Hut 攪掂算數!
平時我會食pasta，唔知點解是晚竟然想食pizza?