俄國菜 - 正宗羅宋湯@Café Cossachok (2014年5月28日)

我 + Mr.T 結婚前已經好想試一試依間俄國餐廳，
不過Mr.T 果時話無興趣......
直至早前有次喺Café Cossachok 附近食飽飽後經過門口，
厚多士及個餐牌，佢就360度改變主意，成日嗌住要去試...吹脹!


成日經過餐廳，但從來無留意過裡面係點........

天花鋪上好有特色不同花紋既俄羅斯地毯~

我既頭盆Borscht，即係羅宋湯~
餐牌上既Borscht 有冷熱兩種，我今次先試熱既，下次先試凍既~
百份百正宗烏克蘭口味...我發現湯裡面一塊牛肉都無!
原來最原始既羅宋湯係無肉! 只有大咋蔬菜，湯色清澈少咗肉湯果份混濁，
但味道同有牛肉既差不多，清甜可口! 讚~ ❤

Mr.T 既頭盆Blini with Smoked Salmon & Sour Cream
熱辣辣blini 配凍凍既厚肉煙三文魚，估唔到又幾夾喎!

我既主菜Pork Steak in Beer
豬扒用啤酒 + Dijon mustard 醃過再煎熟，雖然豬扒略嫌太硬唔夠鬆，
不過醃料味道好突出，都好好味~

Mr.T 既主菜Chakhokhbili with Rice
雞肉塊用蕃茄、蒜蓉、龍蒿 + 九層塔一齊煮，材料雖然簡單，
但效果出奇好味! 齋個汁用來撈飯已經好好味! ❤


平日出街食飯我一向都唔食餐後甜品，
除咗因為我唔好甜之外，好多時仲因為食得太飽!
Café Cossachok 菜式portion 不大，
食完係啱啱好既份量，唔會餓又唔會太飽~

八卦見到隔離枱點咗件千層蛋糕，問侍應攞餐牌睇，
原來係一件叫做"Kutuzov"既蜜糖蛋糕~

點咗一件同Mr.T 兩份分........
賣相好靚，細細一小角承惠£5.95，好鬼貴! 
仲貴過頭盆，不過真係物有所值!!
超light 超軟綿綿，濃濃蜜糖香味但又唔太甜，好味到不得了! 
實在太太太太太好食~~~~~ 爆燈讚，必定要老翻!! ❤

 
由我第一次想試Café Cossachok，
等到有眼不識泰山既Mr.T 感興趣肯去試，
真係足足有10年時間無誇張!  
淨係果塊Kutuzov cake 已經值回票價，果然無令我地失望，
由此證明 - 出街去邊度食飯，應該由女人渣主意! (嘻~)

http://www.cossachok.com