Candlelight Christmas Dinner - The Grill Room@The Dome (2012年12月19日)

上星期三整完2隻蛋糕比Mr.T帶返工送比人後，
傍晚我去咗愛丁堡行街 + join Mr.T 食early Christmas dinner! 


去Harvey Nichols 行唔夠一陣，Mr.T就會合我~

不過訂咗枱仲未夠鐘，
於是我地去行Christmas Market..........

見到熱辣辣香噴噴熟食檔......


忍唔住買咗兜大既Polish stew 兩份分! 


喺街執到張£10喎! 呵呵~~~~ 


之前都去過The Dome 既Grill Room 食飯(網誌)，
佢地既食物好有水準! 
依餐飯已經想食好耐，不過連續幾星期都訂唔到位!! 

皆因The Dome 既聖誕燈飾好出名~ 
幾乎每個經過既路人，都會停落來影幾張相!


除咗正門靚之外......

後門都一樣好靚......


出面靚，裡面仲加靚! 





棵巨型聖誕樹會變色既呢! 

不過多數都係紅色...同我好襯啊! 嘻嘻~~~~ 


食野嘞.......

我既頭盆 - Duck & Peppercorn Terrine原粒新鮮胡椒粒配埋有口感既鴨肉，特別又好味~ ♥
可惜太細份咯......
我一向都唔鍾意食果幾塊oatcakes，
所以比哂Mr.T幫我攪掂佢!


Mr.T頭盆 - 勁濃蘑菇湯
I'm not a fan of 蘑菇湯! 不過依個係好飲既~

我既主菜 - Confit of Duck Leg
唔知點解是晚好想食鴨!
依隻油封鴨肶真係好大隻啖啖肉，
肉煮得好化好離骨，個gravy 仲好好味~ ♥
不過同我自家製既油封鴨肶相比之下，
我都係覺得自己整既好味d! 哈哈~~~~ 

Mr.T 主菜 - Chicken filled with Chestnuts & Bacon
個白酒忌廉汁好好味!
但可能個汁太濃，遮咗栗子陣味........


食物好味，環境又靚，充滿聖誕氣氛~ 


食完餐飯都唔想咁快走住.......

不過我一向出街食飯好少食甜品，
所以我來一杯飯後茶(當然係earl grey 啦! )

Mr.T就陪我來杯飯後咖啡~

附送一小個minced pie~
來咗英國咁多年，我都係第一次食minced pie 咋......此minced pie 並非免治肉批喎! 
而係一個傳統英式聖誕節小食甜品，餡料以果乾 + 香料為主~個皮好香牛油味又好鬆化，
不過我唔鍾意個餡，因為好勁玉桂味道!! 

一頓滿分既燭光聖誕晚餐~ ♥

The Dome: http://www.thedomeedinburgh.com