我畢生難忘........
等咗足足10年，
我終於可以親身欣賞到Maksim Mrvica 現場演奏!
10年前2003年暑假，機緣巧合下喺香港見到Maksim 有幸同佢合照，
不過因為之後有約，唔可以去睇佢海港城既現場表演，覺得好遺憾~
Mr.T當時承諾若Maksim 來英國開show，一定會帶我去睇;
可惜2007年因為去咗法國旅行，錯過咗Maksim 倫敦既concert，
再一次錯失睇佢現場演奏既機會，再一次遺憾.........
10年後，2013年9月23日，我終於一償依個10年既心願!
由收到門票果一刻開始，一直都好期待!
日子越來越近，興奮地訂酒店訂火車票........
等到頸都長，終於等到9月23日!
前一晚因為心情興奮又緊張，基本上無乜點瞓，
第二朝鬧鐘未響我已經彈起身梳洗.........
到咗倫敦先去酒店check in.........
喺Wasabi 食咗一餐非常豐富~
食完lunch 行咗一陣街後，我已急不及待搭車去會場........
Concert 8點正開始，7點開放正門讓觀眾入座，
由於門票一律無劃位，我地特別提早5點半就到達，
已經有觀眾喺附近休憩處長椅守候，
5.45pm 左右開始排隊，我 + Mr.T排第6 + 第7!
會場入口有Maksim 最新專輯"The Movies" 賣，
其實舊年年尾已出咗，不過我未買，Mr.T有默契地攞銀包出來!
對到個鋼琴正一正~
但見到眼前準備就緒既stage，我既情緒越來越高漲~~~
中場有15分鐘小休~
強勁音樂奏起，當Maksim 雙手開始彈第一粒音符，
我當時真係激動到想喊.........
針永遠唔會有兩頭利!
我地選既位置睇得Maksim 個樣好清楚，
但睇唔到佢對手;
另一邊欣賞到佢雙手驚人既琴技，
但成晚應該只望到佢著住西裝既背脊;
會場有樓上balcony，
樓上可以同一時間睇到Maksim 個樣 + 對手，
可惜距離太遠唔夠近.........
Maksim 除咗出神入化既琴技之外，
佢彈琴時既投入仲有一種令人感覺好震撼既攝人魅力!
所以我選擇咗睇佢個樣~
我事前唔知道會場可以影相 + 拍video，
所以只帶咗傻瓜機無帶大機去，
又怕張咭唔夠大，怕影太多video 唔夠位影相.........
上半場我又唔記得咗部傻瓜機video mode 點操作
好在親愛聰明既Mr.T中場小休時幫我攪返掂個video mode，
我下半場先可以拍到其中5首Maksim 既精彩演出!
以下幾段Maksim 精彩演出，因為我太陶醉 + 太high，
所以片拍得有點手震.........
Kolibre
Exodus
Mission Impossible
Croatian Rhapsody
Cubana (Encore)
尖叫得最大聲果個就係我來嘞!
等咗10年......約2小時既concert 喺全場觀眾傻著眼讚嘆下完結，
有點失落..........
最失望既係.........
6月我曾經係Maksim 官方FB留言，
想知倫敦show 後會唔會有簽名安排，
我得到回覆話會有簽名..........
不過當日中場休息時，職員告知無簽名安排，
因為Maksim 第二日出發去韓國開全國巡迴show!
雖然依依不捨，但其實有幸現場欣賞得到Maksim 演奏，
一圓我依個10年既心願，我已經好滿足!
已經10點幾，返酒店前先去唐人街食晚餐........
而我呢...concert 完場後我心情一直處於亢奮狀態，
唔多感覺到肚餓，所以我只食咗一碗燒鴨湯麵，
作為完美一日既總結!
想多謝我最親愛既Mr.T~
多謝佢5月一個早晨一早屹起身訂票;
多謝佢放低忙碌既工作請2日假陪我去倫敦睇concert;
多謝佢兌現依個10年前既承諾;
多謝佢made my dream come true!
快d攞返來!!!!!!!!!!
睇你文字都感覺到你對呢個concert的期待同重視,有時音樂的力量係好驚人好奇妙,有時令人輕鬆令人笑,又有時令人傷感令人振奮.咁如果Maksim下次再係英國開concert你會唔會捧場?
回覆刪除P.S. 睇埋你最後的感謝詞,真係慶幸你當初無錯過Mr.T,替你開心
[版主回覆09/27/2013 23:55:18]嘻嘻~~~~ 不過concert 完咗後有d失落......因為佢近年集中喺東南亞巡迴concert，喺歐洲開show 既時間好少，佢自己都話已經好多年無喺倫敦開show，唔知幾時先再有機會.......下次佢再喺英國開show，當然一定捧場啦! 果晚完show 後，Mr.T同我勾咗手指尾，佢話如果久石讓 + Maksim 撞埋同一日喺英國開show，佢都會陪我睇Maksim~
哎......我忘記咗多謝Mr.T幫我攪返好個video mode呢.....
雖然我唔認識佢，但在字裡行間完全感受到你對偶像既熱愛，能夠睇到自己偶像既演出，仲要老公甘釋心安排，lum死你啦
回覆刪除係啦v,你搬blog去邊呀？？你之前好似在blog話過我聽，但我找唔返果個電郵通知呀＝＝
[版主回覆10/04/2013 03:11:39]唔洗多謝我~ 係好野遲早都會有人識得欣賞嘛! 佢喺東南亞好紅，韓國日本台灣...都好多show，佢都算常去香港，反而歐洲近年較少，留意多d 可能妳都會有機會現場睇佢表演啊!
[Judy回覆10/02/2013 11:05:55]之前唔識佢, 但睇完你d相及介紹, 立即上You-tueb search, 嘩, 真係正! 多謝Mrs T你的超級好介紹
[版主回覆09/30/2013 17:22:58]我未落實搬去邊，如果我搬咗都唔會喺依度update!
我會喺限期前決定，決定後會喺依度通知大家
好精彩的演出
回覆刪除[版主回覆09/30/2013 17:14:15]Maksim Mrvica 係一個真正既鋼琴天才!
嘩！果然十分精彩，簡直出神入化，多謝你的介紹，我是第一次看這樣精彩的表演，再加上他的靚仔樣，我明你為何那麼喜歡他了。他是什麼國家的人呀？
回覆刪除[版主回覆09/30/2013 17:05:56]Maksim 係克羅地亞人~ 佢真係一個真正既鋼琴天才! 佢18歲參加第一次鋼琴比賽，佢一彈完評判就終止比賽，唔聽其他參賽者即時決定Maksim 攞第一! 睇過佢現場演奏，絕對明白當日評判點解會咁決定!
靚仔...佢既外型的確比其他出名鋼琴家吸引好多! 由其佢彈琴時既投入 + 佢笑時真係好charming! 不過佢結咗婚 + 有個好可愛既女架嘞，我純欣賞佢既才華 + 佢既音樂啫!
返緊工未聽到D現場...不過睇文字同相...完全感受到你既興奮....同埋MR T 對你既呵護....
回覆刪除[版主回覆09/30/2013 16:50:27]非常回味啊小車! 不過等咗10年2粒鐘就玩完，今次佢又無時間簽名(我事前計劃好想同佢握手架嘛!!!!!!!!!!!!)，下一次佢再來英國又唔知幾時......有點失落啊!
其實果晚我帶咗10年前既合照去打算比佢簽名，雖然佢無時間簽名，不過中場休息時我同其他觀眾吹水，我有攞張相出來show off 呢!
尾場加入你2公婆咀咀照, 真係 SWEET 爆.
回覆刪除[版主回覆09/30/2013 16:45:18]依個姿勢既咀咀相我地有好幾張架! 由我地honeymoon 開始，我地去唔同國家旅行，都會喺當地既出名地標前以同一姿勢影張咀咀相~ 今次先發現我地去過倫敦無數次，原來都未影過大笨鐘......
真心感到你的輕憤！希望佢會來Sydney 啦！
回覆刪除[版主回覆10/04/2013 02:55:04]等足10年...興奮完2粒鐘...唔知佢下次再來英國係幾時...而家有點失落啊.....
我都好中意佢, 道Croatian Rhapsody 經常比我loop 住播
回覆刪除[版主回覆10/04/2013 02:53:19]我loop 得最多既係Totentanz, Somewhere in Time + Kolibre~
好感動啊，睇到眼濕濕…
回覆刪除Mr.T.對你真係好Sweet...
[版主回覆10/04/2013 02:51:12]哈哈~~~~ 其實Mr.T 有呷Maksim 醋架!
你wasabi果碗有cover既系咖哩嘛? 好犀利啊, lunch食到咁多!! 我平食去探細佬既時候, 頂多都係買佢一件手捲同一條roll就已經飽.. ... 不過, 終於還你心願, 睇到佢既表演! 開心曬啦!!!
回覆刪除[版主回覆10/04/2013 02:49:07]果兩碗係味噌湯來
哈哈~~~~ 我估Mr.T 會呷Maksim 醋添喎!
回覆刪除[版主回覆10/07/2013 05:58:06]Mr.T講笑啫! 如果佢真係呷醋，佢就唔會帶我去睇Maksim concert 啦~