聽日就係中秋節嘞，
去年Mr.T畫咗"阿V奔月"，
今年阿V化身成玉兔去搗藥，
Mr.T就代替吳剛伐桂! 哈哈~~~~
阿V近日忙於整月餅派比人!
99已經兩年無喺英國過中秋，
今年99返咗來英國，早兩星期前99已經問我今年整唔整月餅，
叫我整埋佢果份.........
上星期攞月餅返去比99，
剛啱99同朋友girls night in 喺屋企睇緊篤篤撐，
其中有位auntie 鍾意食豆沙月餅，
於是99叫我整盒豆沙月比auntie，
仲用咗auntie 自製紅豆沙去整.......
所以99又話要多2隻豆沙月餅!
今年連一向似鬼妹多過似中國人既姑仔都話要月餅，
我唔想分幾次開爐，於是星期六晚一炮過整咗廿隻!
因為有白蓮蓉 + 豆沙2種餡; 又有朋友唔食蛋黃齋要餡.......
所以要分餡又要分有蛋黃無蛋黃~
開工前已先計好邊種月餅要整幾多隻........
點知一開工發現auntie 既自製豆沙無落油，
所以雪過後硬如石頭!
(後來99告知原來auntie 既自製豆沙係用來煲紅豆沙糖水，所以唔落油!)
幸好機智既阿V情急智生唸到解決方法~
先將部份auntie 既自製豆沙用好駛好用既Bamix 打碎，
再混入少許台灣罐頭紅豆沙(好彩我有存貨!)拌勻成豆沙餡，
終於可以順利開工嘞!
(阿V真係好醒目啊! 呵呵~~~ 
)
攪足一晚終於完成!
每盒當然唔少得Mr.T幅大作啦!
第二日星期日帶埋月餅約咗99 + 姑仔afternoon tea，
再約朋友比月餅佢地!
朋友客氣地回禮......
(我未來得切影相，已經比Mr.T鯨吞咗差不多一半!
)
其實我今年仲未整哂月餅架........
不過星期日落足一日雨，天氣突然一下子凍咗好多，
星期一朝早難以置信竟然只得5C!!
可能我冷親發燒了~~~~~
不過今日已經退燒，聽日要作最後衝刺整埋今年最後一水!
廣式月餅做法click here~
---------------------------------------
我大大大愛今年玉兔V既造型!
我想過咗中秋都可以成日見住依個公仔，
不過唔係中秋仲搗乜鬼野藥呢?
所以Mr.T將玉兔V改咗少少野........
印咗件top，咁我就可以成日對住佢嘞! 
Mr.T仲手痕畫咗張玉兔銀行"100蕉"!
仲要印埋出來! 我有200蕉，唔知買到乜野呢?
祝大家人月兩團圓，有個開開心心既月餅節啊!
開工前已先計好邊種月餅要整幾多隻........
點知一開工發現auntie 既自製豆沙無落油，
所以雪過後硬如石頭!
(後來99告知原來auntie 既自製豆沙係用來煲紅豆沙糖水，所以唔落油!)
幸好機智既阿V情急智生唸到解決方法~
先將部份auntie 既自製豆沙用好駛好用既Bamix 打碎，
再混入少許台灣罐頭紅豆沙(好彩我有存貨!)拌勻成豆沙餡，
終於可以順利開工嘞!
(阿V真係好醒目啊! 呵呵~~~ )攪足一晚終於完成!
每盒當然唔少得Mr.T幅大作啦!
再約朋友比月餅佢地!
朋友客氣地回禮......
(我未來得切影相，已經比Mr.T鯨吞咗差不多一半!
)其實我今年仲未整哂月餅架........
不過星期日落足一日雨，天氣突然一下子凍咗好多，
星期一朝早難以置信竟然只得5C!!
可能我冷親發燒了~~~~~
不過今日已經退燒，聽日要作最後衝刺整埋今年最後一水!
廣式月餅做法click here~
---------------------------------------
我大大大愛今年玉兔V既造型!
我想過咗中秋都可以成日見住依個公仔，
不過唔係中秋仲搗乜鬼野藥呢?
所以Mr.T將玉兔V改咗少少野........
Mr.T仲手痕畫咗張玉兔銀行"100蕉"!
祝大家人月兩團圓，有個開開心心既月餅節啊!
你99好幸福...我將來都想有一個好似你甘乖既心袍...好正!
回覆刪除[版主回覆09/22/2013 04:36:37]Thank you 小車!
[小車回覆09/18/2013 18:03:58]有你呢D新袍就唔驚
祝MR & MRS T + MAC HAM HAM...中秋快樂~~~~~
[版主回覆09/18/2013 17:46:45]哈哈~~~~ 好攪笑...因為我有好多有囝囝既blog友都同我講過類似既野- 希望第日有個好似我咁好既新抱.......不過佢妳全部同妳一樣都好後生+ 囝囝好細個!
妳地而家就話想有個似我既新抱咯，到第日朗朗真係有咗女朋友老婆，妳就想佢變返細路仔嘞!
個afternoon tea完住係lunch既份量呀!!
回覆刪除[版主回覆09/18/2013 17:35:40]依間afternoon tea 係我食過當中最大份夾抵食既! 喺百貨公司裡面既餐廳，坐得又好舒服
你真係好勁呀！整月餅連包裝都有！好掂！
回覆刪除[版主回覆09/22/2013 04:34:57]Thank you 查太! 過獎嘞~
個包裝好得，你地超級有心機
回覆刪除[版主回覆09/22/2013 04:34:05]Thank you Florence!
你好叻呀！看見個月餅好想吃一口！連包裝都做足！讚！
回覆刪除[版主回覆09/22/2013 04:32:39]過獎嘞May! 多謝讚賞~
祝妳和Mr.T中秋節快樂!
回覆刪除[版主回覆09/22/2013 04:31:33]Thank you Andrea!
正啊！不過，小心身體，吾好再舂藥喇！ Happy mid autumn festival!
回覆刪除[版主回覆09/22/2013 04:30:25]Thank you Jacqueline! 有心~ 已經好返哂無事嘞!
祝中秋節快樂，人月兩團圓！
回覆刪除[版主回覆09/22/2013 04:28:05]Thank you mummy of two!
[版主回覆09/22/2013 04:27:48]Thank you mummy of two!
Mrs.T , 祝妳們中秋節快樂, 人月兩圓, 日日都好鬼happy
回覆刪除[版主回覆09/22/2013 04:26:58]Thank you 安靜人!
你個月餅模有埋名,系邊處買?
回覆刪除你好叻!整得好靚呀!
[版主回覆09/22/2013 04:23:30]Thank you K!
月餅模我係訂造既~ http://www.orangebakingstore.com
你地真係年年都好有心思呀! 親友收到實好開心呢~
回覆刪除最鍾意每你Mr T都為你設計新造型!
[版主回覆09/22/2013 04:17:44]Thank you!
中秋節快樂~~月餅整得好靓吖
回覆刪除[版主回覆09/22/2013 04:14:00]Thank you LING!
阿V, 祝您們中秋節快樂!
回覆刪除[版主回覆09/22/2013 04:14:23]Thank you Oi Ling!
阿V, 補充...須然我冇得試食，但係見到個月餅就整得咁靚，都係超水準，而且自己可調教甜度，食得健康， 您識唔識得整冰皮月餅，我個女學整冰皮月餅，最後冰皮月餅卒之去左堆田區，您真係叻！
回覆刪除[版主回覆09/22/2013 04:13:09]多謝讚賞Oi Ling! 不過過獎嘞，其實月餅並唔係想像中咁難整~
冰皮月餅我未整過，因為無家人朋友鍾意食，佢地都鍾意傳統月餅! 不過我知道冰皮月餅只係熟糯米做既皮，而且唔需要烤焗，所以我覺得唔會太難~
Mr. & Mrs. T,
回覆刪除祝你們中秋節快樂!月圓人圓事事圓.
[版主回覆09/22/2013 04:09:22]Thank you Julia!
看你的BLOG真好開心，而且我從你的圖文菜譜中得到信心和滿足感。多謝你！你可否給我FB 既LINK，因為你而家都唔通知BLOG搬去邊，好擔心以後找不到你個BLOG啊。
回覆刪除[版主回覆09/22/2013 04:08:50]其實暫時我仲未落實搬去邊! 依個星期好忙，我會喺關閉限期前通知大家搬去邊架嘞!
中秋節快樂呀！
回覆刪除記唔記得我之前問過你包月餅問題？最後都有六、七成可以見人，可能未掌握得好好，應該都係包嘅手勢問題⋯⋯
你d好靚呀！
[版主回覆09/27/2013 23:12:02]多謝Florence! did you have a nice mid autumn?
我記得妳問過月餅問題~ 包多幾年就會有進步架嘞! 多謝妳讚我整得靚~