Hammy原本屬於Mr.T一個staff既妹妹所養，
不過佢媽媽 + 妹妹將會搬去外國打算唔要佢，
而佢自己本人又唔養寵物.........陰公豬太可憐嘞!
反正我 + Mr.T有養倉鼠經驗 (網誌)，於是我地決定收留佢，
改名"McHamHam"，新名字新開始~
McHamHam好tame又好好奇活潑~
眨吓眼McHamHam來咗T家已剛剛一星期!
一星期下來我發現...........
佢每日一到傍晚6點零7點鐘就會鬼打咁精神，
周圍走周圍爬周圍跌，爬完跌，跌完又爬過好鬼百厭........
直至深夜我 + Mr.T去覺豬......佢仲爬緊!
而日頭呢......基本上佢係瞓足一日!
仲有就係佢勁貪心!
無論你比乜野佢，佢都會照單全塞.......入口，
然後喺屋仔裡面累返出來keep住......有點衰格!!
除咗一般倉鼠糧之外，我地仲會餵佢提子乾.........
可能佢仲未習慣新環境，星期六我用手餵提子乾比佢時，
佢恩將仇報咬咗我一啖!
其實佢並非襲擊我果種咬，佢只係好奇驗探性質果種nibble，
因為佢其實真係只用好細力，只係我皮薄/佢d牙太利......
就算你主人改變主意要返你，我唔會比返佢架!!
McHamHam 攞住西蘭花個樣好得意...我都有問個隻想唔想養倉鼠...佢話知倉鼠唔長命唔養喇....都係我衰養咩死咩攪到個仔甘....
回覆刪除[版主回覆09/12/2013 23:51:30]依種Syrian hamsters 平均2至3年壽命; 侏儒倉鼠就大約年半至2年，其實以倉鼠咁細隻既小動物來講都唔算短命架嘞~
McHamHam好得意呀！
回覆刪除同埋你決定咗搬個blog去邊未？
[版主回覆09/12/2013 23:47:04]佢真係好可愛! 唔明點解佢主人會捨得唔要佢......
我仲未落實搬去邊，多數應該係blogger，落實後會喺度update 通知大家!
你幫mc ham ham沖涼 （用少少暖水末身）的話，佢地會張口裡面塞滿既花生一粒一粒吐出黎。我地試過以前有隻鼠鼠個口裡面居然收埋左20粒花生啊！所以佢地個面先咁肥。。。
回覆刪除[版主回覆09/12/2013 23:45:14]我以前養過好多年dwarf hamsters，所以知道佢地有收埋食物喺口裡面等閒累返出來食既習慣，不過我養過咁多隻，以McHamHam 最誇張!
我知有d人話倉鼠可以用水沖涼，不過我自己唔同意! 依度既寵物店都唔建議用水幫倉鼠沖涼! 除非有對倉鼠有害既外來物黐住毛皮，否則唔應該用水同佢沖涼，因為倉鼠毛上有一層自然分泌既油份保護住，洗走咗好易感染或冷親，對倉鼠好危險架!!
佢隻眼好大好圓
回覆刪除[版主回覆09/12/2013 23:32:25]以前我唔係咁鍾意Syrian hamsters，就係嫌佢地對眼唔夠大! 所以以前養親都係dwarf hamsters ~ 不過McHamHam 對眼的確係特別大，加埋佢d傻樣，真係好鬼得意! 咁可愛佢主人都唔要佢真係狠心.......
McHamHam 好得意
回覆刪除[版主回覆09/12/2013 23:28:15]佢真係好得意! 毛色仲好靚呢~
你隻McHamHam好得意呀! 我覺得佢比一般/香港既Hamster大隻好多呢~
回覆刪除屋企多隻小動物真係會熱鬧好多架!
[版主回覆09/12/2013 23:27:44]香港大部份寵物店賣既係dwarf hamsters (侏儒倉鼠)，體型比Syrian hamsters 迷你好多架! 我之前養既Pikachu + Raichu 都係dwarf hamsters 來~
好Cute,好可愛啊！你的影相skill都非常好播，影到佢好似識擺post,企定定俾你影咁。倉鼠一般有多長壽命呀？
回覆刪除[版主回覆09/14/2013 00:53:05]多謝Jose! 其實佢都幾難影架，因為佢一瞓醒就無時停周圍跑周圍爬，影佢一定要用大機 + 要好手快!
壽命視乎種類~ 我依隻係Syrian hamster，香港叫做"熊仔鼠"，體形較大，平均壽命2至3年，有d case仲可以去到4-5年;
香港好多寵物店賣既係dwarf hamsters (侏儒倉鼠)，例如小灰霸、小露寶、小紫王...依d都係侏儒倉鼠，細細粒好盞鬼，但壽命較短，約1年半至2年左右~
omg so cute its to nice of you and mr T to adopt it
回覆刪除[版主回覆09/14/2013 00:41:05]yes she's such a little sweet cutie pie! ive fallen in love with her totally~
it is super super cute and lovely
回覆刪除[版主回覆09/14/2013 00:35:31]i've totally fallen in love with her!
McHamHam真係越睇越得意！同埋佢個傻更更嘅樣更加可愛都爆燈！
回覆刪除[版主回覆09/14/2013 00:34:16]果日Mr.T 放工前打比我話佢staff 個妹唔要隻hamster﹐問我好唔好收留佢，當時我都未見過佢唔知佢咩樣，只係覺得佢好可憐就決定收養佢，估唔到原來佢可愛得咁緊要! 見到佢好肉緊~~~~~
我依家都成日開你個blog睇McHamHam！
回覆刪除[版主回覆09/15/2013 05:52:25]哈哈~~~~ 咁我努力d幫佢影多d靚相/傻相啦!
佢好cute好似一個bb仔呀
回覆刪除[版主回覆09/18/2013 06:33:31]我晚晚都要同佢玩一輪先安樂! 越來越鍾意佢~
so cute~~~
回覆刪除[版主回覆09/27/2013 22:40:44]yes she is very cute!