花花蛋糕 (附織籃紋唧花示範)

好耐之前試過用fondant 造玫瑰糖花，
但效果強差人意.........(網誌)
上星期心血來潮第二次試造.........

今次工具齊全好多，造一朵花既時間比上一次快咗好多，
自覺花形亦比上一次進步咗，加埋玫瑰葉印模，
整體來講成朵花比上一次見得人!

但我嫌花瓣始終太厚唔夠薄，不過依點係意料之中，
造糖花要花瓣薄 + 像真度高，始終都係要用gum paste，
Fondant好難造到gum paste 咁幼細既效果~

見自己糖花手工進步咗，
特別買咗罐我之前唔捨得買既gum paste，
咁下一次再造糖花時可以用gum paste 實習嘞!

今次依個花花蛋糕，周邊我第一次試做織籃紋忌廉唧花來裝飾，
同花花好相襯呢~

造忌廉蛋糕抹忌廉係一個好重要既步驟，
有時抹極都唔夠平滑，真係會好影響外觀!
依個織籃紋忌廉唧花正好急救抹衰咗既忌廉表面用作遮醜!!

織籃紋要用依種狗牙唧咀，
左邊既唧咀只有邊狗牙，唧出來面有紋路，而底平滑;
而右邊既唧咀則底面都有紋路~

我做花花蛋糕時用咗底面都有紋路既唧咀，感覺有點不夠貼，
我建議若以織籃紋唧花作蛋糕周邊裝飾，應用左邊底平滑既唧咀!

圖示織籃紋唧花示範:

繼續重複以上步驟..........

就會見到織籃紋架嘞!

唧花技巧千變萬化，不過好多時就咁睇個唧咀，
好難figure out 唧出來花樣會係點既樣;
就算知道唧出來個花係點，但技巧上又未必做得到..........
所以實踐實踐練習真係好重要!

咁唔整開蛋糕點實踐呀?
唔通無啦啦打包忌廉來練習唧花咩??
我分享一下我自己既分方法..........

英國超市有依種洋人蛋糕既糖霜frosting，價錢好平，
用法同我地忌廉蛋糕既忌廉差不多，
可用來做夾餡、唧花或抹面.......不過甜死人!!

依種frosting 好處係唔需要雪，
亦唔需要打發就可以即開即用~
依小桶frosting 我唔會放入口食落肚，
純粹得閒用來唧幾下當練習唧花技巧，
唧完又放返落個盒度!
唔想下下整蛋糕又想練習唧花技巧的話，
不妨試吓依個方法吖~

雖然糖花仍未做到完全滿意，
不過好好醜醜都照整咗個蛋糕!