2013年9月27日星期五

畢生難忘的一天 - Maksim Mrvica London 2013 (2013年9月23日)

2013年9月23日 - 剛過去既星期一,
我畢生難忘........



等咗足足10年,
我終於可以親身欣賞到Maksim Mrvica 現場演奏!  photo _1302.gif




10年前2003年暑假,機緣巧合下喺香港見到Maksim 有幸同佢合照,
不過因為之後有約,唔可以去睇佢海港城既現場表演,覺得好遺憾~
Mr.T當時承諾若Maksim 來英國開show,一定會帶我去睇;

可惜2007年因為去咗法國旅行,錯過咗Maksim 倫敦既concert,
再一次錯失睇佢現場演奏既機會,再一次遺憾......... photo _1296.gif

10年後,2013年9月23日,我終於一償依個10年既心願!


IMG_4856jpg1
2個月前收到5月時網上訂購Maksim London show 門票,
由收到門票果一刻開始,一直都好期待!
日子越來越近,興奮地訂酒店訂火車票........

等到頸都長,終於等到9月23日!
前一晚因為心情興奮又緊張,基本上無乜點瞓,
第二朝鬧鐘未響我已經彈起身梳洗.........


先同Mr.T食個熱辣辣早餐.........



之後就搭火車出發去倫敦!


到咗倫敦先去酒店check in.........


然後又係食! 喺Wasabi 食咗一餐非常豐富~



食完lunch 行咗一陣街後,我已急不及待搭車去會場........


會場喺Islington Assembly Hall~

Concert 8點正開始,7點開放正門讓觀眾入座,
由於門票一律無劃位,我地特別提早5點半就到達,
已經有觀眾喺附近休憩處長椅守候,
5.45pm 左右開始排隊,我 + Mr.T排第6 + 第7!  photo 67.gif




會場入口有Maksim 最新專輯"The Movies" 賣,
其實舊年年尾已出咗,不過我未買,Mr.T有默契地攞銀包出來!



入到場嘞! 我地選咗第4排中間位置,
對到個鋼琴正一正~  photo 29_3_16.gif



雖然concert 仲未開始,Maksim 仲未出場,
但見到眼前準備就緒既stage,我既情緒越來越高漲~~~ photo 69.gif



連埋encore,是晚Maksim 總共彈奏17首曲目,
中場有15分鐘小休~



Ready..........




強勁音樂奏起,當Maksim 雙手開始彈第一粒音符,
我當時真係激動到想喊......... photo _077.gif






針永遠唔會有兩頭利!
我地選既位置睇得Maksim 個樣好清楚,
但睇唔到佢對手;

另一邊欣賞到佢雙手驚人既琴技,
但成晚應該只望到佢著住西裝既背脊;

會場有樓上balcony,
樓上可以同一時間睇到Maksim 個樣 + 對手,
可惜距離太遠唔夠近.........



Maksim 除咗出神入化既琴技之外
佢彈琴時既投入仲有一種令人感覺好震撼既
攝人魅力!
所以我選擇咗睇佢個樣~












揼心口~~~~~~~~~~~~~~~~  photo _1332.gif
我事前唔知道會場可以影相 + 拍video,
所以只帶咗傻瓜機無帶大機去,
又怕張咭唔夠大,怕影太多video 唔夠位影相.........


上半場我又唔記得咗部傻瓜機video mode 點操作
好在親愛聰明既Mr.T中場小休時幫我攪返掂個video mode,
我下半場先可以拍到其中5首Maksim 既精彩演出!

以下幾段
Maksim 精彩演出,因為我太陶醉 + 太high,
所以片拍得有點手震.........


Kolibre


Exodus


Mission Impossible


Croatian Rhapsody


Cubana (Encore)

尖叫得最大聲果個就係我來嘞!  photo Laugh-small.gif


等咗10年......約2小時既concert 喺全場觀眾傻著眼讚嘆下完結,
有點失落..........









最失望既係.........


6月我曾經係Maksim 官方FB留言,
想知倫敦show 後會唔會有簽名安排,
我得到回覆話會有簽名..........

不過當日中場休息時,職員告知無簽名安排,
因為Maksim 第二日出發去韓國開全國巡迴show!


我唯有咁樣安慰自己......... photo _1284.gif

雖然依依不捨,但其實有幸現場欣賞得到Maksim 演奏,
一圓我依個10年既心願,我已經好滿足!


已經10點幾,返酒店前先去唐人街食晚餐........

Mr.T點咗三燒飯;



而我呢...concert 完場後我心情一直處於亢奮狀態,
唔多感覺到肚餓,所以我只食咗一碗燒鴨湯麵,
作為完美一日既總結!


想多謝我最親愛既Mr.T~
多謝佢5月一個早晨一早屹起身訂票;
多謝佢放低忙碌既工作請2日假陪我去倫敦睇concert;
多謝佢兌現依個10年前既承諾;
多謝佢made my dream come true!




不過我今朝發現Mr.T 攞咗我3隻Maksim CD返工渣車時聽.......
快d攞返來!!!!!!!!!!






Photobucket

11 則留言:

  1. 睇你文字都感覺到你對呢個concert的期待同重視,有時音樂的力量係好驚人好奇妙,有時令人輕鬆令人笑,又有時令人傷感令人振奮.咁如果Maksim下次再係英國開concert你會唔會捧場?

    P.S. 睇埋你最後的感謝詞,真係慶幸你當初無錯過Mr.T,替你開心
    [版主回覆09/27/2013 23:55:18]嘻嘻~~~~ 不過concert 完咗後有d失落......因為佢近年集中喺東南亞巡迴concert,喺歐洲開show 既時間好少,佢自己都話已經好多年無喺倫敦開show,唔知幾時先再有機會.......下次佢再喺英國開show,當然一定捧場啦! 果晚完show 後,Mr.T同我勾咗手指尾,佢話如果久石讓 + Maksim 撞埋同一日喺英國開show,佢都會陪我睇Maksim~

    哎......我忘記咗多謝Mr.T幫我攪返好個video mode呢.....

    回覆刪除
  2. 雖然我唔認識佢,但在字裡行間完全感受到你對偶像既熱愛,能夠睇到自己偶像既演出,仲要老公甘釋心安排,lum死你啦
    係啦v,你搬blog去邊呀??你之前好似在blog話過我聽,但我找唔返果個電郵通知呀==
    [版主回覆10/04/2013 03:11:39]唔洗多謝我~ 係好野遲早都會有人識得欣賞嘛! 佢喺東南亞好紅,韓國日本台灣...都好多show,佢都算常去香港,反而歐洲近年較少,留意多d 可能妳都會有機會現場睇佢表演啊!
    [Judy回覆10/02/2013 11:05:55]之前唔識佢, 但睇完你d相及介紹, 立即上You-tueb search, 嘩, 真係正! 多謝Mrs T你的超級好介紹
    [版主回覆09/30/2013 17:22:58]我未落實搬去邊,如果我搬咗都唔會喺依度update!
    我會喺限期前決定,決定後會喺依度通知大家

    回覆刪除
  3. 好精彩的演出
    [版主回覆09/30/2013 17:14:15]Maksim Mrvica 係一個真正既鋼琴天才!

    回覆刪除
  4. 嘩!果然十分精彩,簡直出神入化,多謝你的介紹,我是第一次看這樣精彩的表演,再加上他的靚仔樣,我明你為何那麼喜歡他了。他是什麼國家的人呀?
    [版主回覆09/30/2013 17:05:56]Maksim 係克羅地亞人~ 佢真係一個真正既鋼琴天才! 佢18歲參加第一次鋼琴比賽,佢一彈完評判就終止比賽,唔聽其他參賽者即時決定Maksim 攞第一! 睇過佢現場演奏,絕對明白當日評判點解會咁決定!
    靚仔...佢既外型的確比其他出名鋼琴家吸引好多! 由其佢彈琴時既投入 + 佢笑時真係好charming! 不過佢結咗婚 + 有個好可愛既女架嘞,我純欣賞佢既才華 + 佢既音樂啫!

    回覆刪除
  5. 返緊工未聽到D現場...不過睇文字同相...完全感受到你既興奮....同埋MR T 對你既呵護....
    [版主回覆09/30/2013 16:50:27]非常回味啊小車! 不過等咗10年2粒鐘就玩完,今次佢又無時間簽名(我事前計劃好想同佢握手架嘛!!!!!!!!!!!!),下一次佢再來英國又唔知幾時......有點失落啊!

    其實果晚我帶咗10年前既合照去打算比佢簽名,雖然佢無時間簽名,不過中場休息時我同其他觀眾吹水,我有攞張相出來show off 呢!

    回覆刪除
  6. 尾場加入你2公婆咀咀照, 真係 SWEET 爆.
    [版主回覆09/30/2013 16:45:18]依個姿勢既咀咀相我地有好幾張架! 由我地honeymoon 開始,我地去唔同國家旅行,都會喺當地既出名地標前以同一姿勢影張咀咀相~ 今次先發現我地去過倫敦無數次,原來都未影過大笨鐘......

    回覆刪除
  7. 真心感到你的輕憤!希望佢會來Sydney 啦!
    [版主回覆10/04/2013 02:55:04]等足10年...興奮完2粒鐘...唔知佢下次再來英國係幾時...而家有點失落啊.....

    回覆刪除
  8. 我都好中意佢, 道Croatian Rhapsody 經常比我loop 住播
    [版主回覆10/04/2013 02:53:19]我loop 得最多既係Totentanz, Somewhere in Time + Kolibre~

    回覆刪除
  9. 好感動啊,睇到眼濕濕…

    Mr.T.對你真係好Sweet...
    [版主回覆10/04/2013 02:51:12]哈哈~~~~ 其實Mr.T 有呷Maksim 醋架!

    回覆刪除
  10. 你wasabi果碗有cover既系咖哩嘛? 好犀利啊, lunch食到咁多!! 我平食去探細佬既時候, 頂多都係買佢一件手捲同一條roll就已經飽.. ... 不過, 終於還你心願, 睇到佢既表演! 開心曬啦!!!
    [版主回覆10/04/2013 02:49:07]果兩碗係味噌湯來

    回覆刪除
  11. 哈哈~~~~ 我估Mr.T 會呷Maksim 醋添喎!
    [版主回覆10/07/2013 05:58:06]Mr.T講笑啫! 如果佢真係呷醋,佢就唔會帶我去睇Maksim concert 啦~

    回覆刪除

Related Posts Plugin for WordPress, Blogger...