遲來了的慳家文 (長~~~~~~~)

身體不適連行街shopping 都無精神無心機，
新年前2個月行少咗好多街! 不過，shopping 唔一定要出街架嘛~ ^^

網上團購既鼠鼠毛氈，相片自定，超可愛 ❤

舊年4月時抽獎抽中既BBC Good Food Show 入場劵，
11月時Glasgow 有BBC Good Food Show Scotland，終於有機會用嘞!

是日天氣好差，橫風橫雨，加上我地一早到場，個場仲好空無乜人~
不過令我地好失望! 今年縮水只有一個展館 (以前有2個架!)
而且好多大品牌都只做贊助，根本無攤位，
比過往少咗好多野睇，好彩兩張飛唔洗錢啫!

見到我偶像~ ❤ 不過無買佢本新書(因為係甜品...)所以無得同佢合照.......

但一場去到，無理由完全無收穫.......
買咗套Bamix 配件SliceSy，之前格過價，知道Food Show 會賣得平d! ^^
仲有一pack 煙野生三文魚...不過幾日之後就知道有咗BB，所以無食到........

一直都好想買Bamix 既powder disc，不過一塊仔膠價錢實在太貴.......
結果網上搵到最平都要£16，不過買埋佢就一了百了~

早前買咗同Mr.T 一人一隻既靚靚金色美術字咖啡杯，一次都未用過，
就被我發軟蹄打爛咗.........

幸好行咗幾轉之後，最終買得返! ^^ 今次一定要小心d唔好再打爛~

Amazon 見到依套骨瓷，買咗之後先發現原來係老翻Noritake Portshore! 
無咩所謂...反正本身唔知係抄牌子款，只係鍾意佢個款~ ^^

雖然間唔中要保養擦洗一下，不過我仍然鍾情紅銅鍋~ ❤
大鍋夠哂嘞，今次買隻的的式式既可愛迷你鍋! ^^

再買埋隻迷你煎pan ^^

其實隻隻都已經有，不過依幾隻鍍紅銅實在太靚又太平，買來齋掛都抵! XDDD

舊年聖誕Mr.T 送我一套法國彩色Laguiole 扒刀........

今年上網買返同一牌子彩色叉襯返! ^^

早排有個手作仔想整，喺德國超市買咗枝hot glue gun，不過有咗後V媽媽叫我唔好黐野....

都係德國超市買既金屬彩色水筆~

又係德國超市超抵買食物抽真空機用膠卷，大細都係£5一pack，
大既每pack 有2卷，細既有3卷，£10已經有2大3小! 超值~

£1店好物 - 好舒服又好暖暖既羊毛襪，每對£1，我足足買咗十幾對! =P

前年喺香港買既自拍神棍無啦啦斷咗個較位.......
好彩而家£1店已經有自拍神棍賣，個柄仲有顏色花紋呢~ ^^

放喺洗碗架下面既索水墊布，花花靚到不得了，又係£1 each，買哂3隻色!

同系列既抹布，一pack 4條，不過只有2條有靚花花，其餘2條係淨色.......

聖誕節連日用品都好有節日氣氛! 聖誕布甸垃圾膠袋.......

聖誕樹洗碗海綿 XDDDD

其實無特別儲，只係見到無既顏色就會買~

返香港時見到喺香港機場第一次見到LOQI Urban 系列春捲包環保袋，
鍾意佢夠大夠sharp 又輕又摺得細，但搵勻機場 + 數間CitySuper，
歐洲國家都只有英國、德國、意大利 + 俄羅斯，竟然無法國! 
心唸可能無出法國啦 (奇怪....) 最後喺沙田CitySuper 買咗個意大利(左) 
依個環保袋實在太好用! 有日心血來潮上網搵吓，原來有出法國，即買!!!

見俄羅斯公仔都好靚，買! ^^

阿V由細到大係茶怪來，自從有咗後要戒茶真係好殘忍!
有晚同Mr.T 去Nando's 食燒雞，佢地賣一隻無咖啡因桃味博士茶好好飲~
可惜依隻茶喺英國暫時只有Nando's 有得賣，價錢仲好鬼貴.......
$30HKD一罐，Mr.T 二話不說買咗6罐比我，承惠$180HKD @@

用咗4年半既Philips 電水煲有點壞壞地，雖然仲煲到水，但經常水未滾個制就自動熄......

壞得正合時! 新年大減價以來暫時乜都無買過，只買咗依個Bosch 水煲~

立吓眼同Philips 款式差不多，不過我覺得依個靚過Philips!
原價£30，而家半價只£15~ ^^


同場加映 - 聖誕 + 生日禮物........

朋友Angel 寄我2枝義香麻油~

朋友艾莉寄來cute cute 豬公仔1個，仲有親手畫既靚靚聖誕卡1張~

V媽媽聖誕前寄來大包裹一個...毛毛褸1件、大肚婆褲2條、
花膠 + 瑤柱 + 紅棗各1包、湯包2包、利是4封........
即 ‧ 沖 ‧ 奶 ‧ 茶...又3盒!!!!!!! @@

大伯送比我 + Mr.T 既聖誕禮物~ 我已經好耐無買過護膚品，而家更加有排唔洗買! XD


今年我 + Mr.T 已經收到最好既聖誕 + 生日禮物! ^^
不過Mr.T 另外送阿V額外禮物.......

聖誕禮物

生日禮物...用過其他牌子super zoom 傻瓜機後，還是覺得Panasonic Lumix 最好!

仲有Mr.T 今年親手整比我既"生日卡"! XDDDD