薑蔥沙茶炒豬雜

依碟只有豬心 + 豬腰...本來想加埋豬潤，
不過一個豬心真係好鬼大，再加埋兩隻豬腰，切埋有一大碟，
Mr.T 又唔食內臟，所以依碟野得我自己食...唯有捨豬潤啦~


1. 豬腰2個剝去表層薄膜，打橫切半，去清白筋(要完全無白筋啊!)後切成薄片。


2. 豬腰片沖洗一下後浸清水30分鐘，瀝乾備用。


3. 豬心切片，同樣浸清水30分鐘，瀝乾備用。(因為豬腰和豬心煮的時間有分別，所以要分開容器盛載!)


4. 燒熱油鑊爆香薑片和蒜蓉，先下豬心片炒至約8成熟，再下豬腰片兜勻。


5. 炒至豬腰開始變白時灒少許紹興酒，快手炒勻。


6. 將豬雜用鑊剷撥在一旁，鑊騰出少許空間下炒茶醬先炒香，再和豬雜一同兜勻。


7. 加入蔥段，下胡椒粉、糖和生抽各少許，快手炒至豬雜熟透，上碟即成。