Yahoo La Cuisine De Veronica 倒數尾二篇: 敗家與禮物

8月中一口氣買咗1隻Tefal 紅點鑊 + 1隻Beem 雲石鑊;
上個99又送咗隻Fissler 易潔鑊比我，
本來我預計有一段長時間唔會再買鑊..........


不過人算不如天算!

比利時品牌Green Pan 28cm 平底陶瓷鑊，
John Lewis 賣緊£60......咁又點呢?

因為TK Maxx 又打錯價錢!
Mr.T一見此鑊價錢都好驚訝: 哇咁平~ 買咗佢!
店員咇完價錢後望吓個盒，似乎覺得有d唔妥......
Oh well 係你地自己打錯價錢咋! 嘻嘻~~~~~

莫講話係一隻名牌鑊，就算雜嘜鑊我都未曾買過咁鬼平!
Mr.T攬住個盒行出TK Maxx 時同我講...........
"個價錢同正價爭咁遠，就算無用都應該買咗佢!"
(我唔敢相信依句說話出自Mr.T個口.........)

市面上大部份膠鑊剷都係尼龍膠(硬身)，
有朋友試過煎野膠溶........
我都有用過尼龍膠鑊剷，膠無溶，
但用耐咗洗得多，邊邊會"呸"口........
之前買既孖人牌鑊剷 + 湯勺，
依個鑊剷係矽膠造(軟身)，好剷唔溶又唔"呸"口，非常好用!
不過最近發現剷既邊緣甩咗一小忽，
要物色一隻新既矽膠剷........

搵咗一輪終於喺John Lewis 搵到!

Le Creuset Petite Casserole

印象中未見過細成咁(stoneware)，有點無聊........
除咗當豉油碟咁用，我唸唔到用來做乜? 純綷貪得意~



某日同Mr.T 經過Buchanan Galleries 裡面既Lego store.........

見有個counter 可以自己來砌自己想要既樣，
我地兩個大唔透又砌埋一份 - Lego versions of Mr.T & V!

搵唔到長頭髮，唯有揀個札馬尾，我手攞住一隻超級巨蕉;

Mr.T 就攞住隻雞脾(豬脾??)

Poundland 勁靚發花癲dinner plate~

靚到暈£1一隻，抵到爛!

用開既IKEA salad spinner，
被我唔小心但粗暴地整爛咗裡面個筲簊，轉得好勉強........

本來打算搵日得閒去IKEA 買返個新既........
點知咁橋Home Bargains 最近入咗salad spinner 喎~
顏色雖然樣衰少少，不過質地比IKEA 既更加好，
轉得更加暢順......價錢又比IKEA 平呢!



的起心肝打算今個秋冬天努力轉研糖花! 先準備好工具........

大玫瑰糖花模

百合花瓣模

用翻糖整糖花可以用清水黏合;
但用gum paste 整糖花的話，就要用食用膠水~



自從收養咗McHamHam 後，我shopping 親都有佢份!

依包野好鬼貴，細細包要成50蚊港紙!
裡面有乾既小麥穗、蘋果乾、玫瑰花乾 + mellow 花乾~
雖然好貴，不過McHamHam 似乎好鍾意食，尤其係小麥穗，
睇住佢個緊張食野可愛樣，貴d都係值得既!

臨近哈囉喂，堅果當造，周圍都有得賣，
依籃特別買比McHamHam 食既! (當然要我幫佢開啦.......)

最近發現Home Bargains 有寵物用品賣!
雖然種類唔多且集中貓狗，
不過佢地有倉鼠用木屑賣，可以幫我慳返唔少啊!

以依包大號木屑為例.......
Pets at Home 一樣大細，最平要£4.50 ($56HKD);
而依包Home Bargains 只售£1.49 ($18.5HKD)!Pets at Home 食水深得好離譜!!

順帶提提各位有興趣養倉鼠既網友~
我特別影低依個對照表比大家參考，
希望大家養倉鼠前要注意一下........

事源我有位朋友新手養倉鼠，
佢到一間知名寵物店想為領養返來既小倉鼠買日用品，
不過依間知名寵物店並無賣倉鼠用品，
無恥既店員為求做得成生意，
竟然叫我朋友買咗包乾草 + 兔砂!
仲同我朋友講倉鼠用貓砂都得!! 亂來到離哂大譜!!!!

首先乾草或稻草只適用於兔仔、龍貓 + 天竺鼠，
因為乾草 + 稻草會刮傷倉鼠兩頰既頰囊;

第二 - 倉鼠唔可以沖涼!
因為倉鼠毛皮上有一層保護油脂，
洗走咗會令倉鼠容易受感染，對倉鼠來講好危險!
乾洗(sand bath)亦完全唔需要，
倉鼠本身係一種愛清潔既小動物，每日佢地會自行清潔數次，
只要主人幫佢地保持倉鼠籠清潔，咁已經好足夠~

記住- 倉鼠唔需要沖涼，唔洗用兔砂，貓砂更加係黐孖筋!!
如果倉鼠身體發出異味(唔係個籠有異味!)，
意味住倉鼠可能有病，主人要帶佢去睇獸醫咯~


----------------------------------------

講完敗家，就講吓我最近收到乜野禮物!

Mr.T 送我一套Royal Albert New Country Roses Tea Set，
大愛~~~~~~

Maksim Mrvica Pure II 台灣版
歐美似乎已絕版，因為見好多人網上呻話搵唔到，
Mr.T 搵到台灣版，反正d音樂都係一樣，
只係封套多咗咋中文字 + 大咋用字老土hard sell 廣告........

Maksim Mrvica Appassionata
(仲爭一隻Maksim 最早期既作品"Gestures"，
我就有齊哂佢既專輯嘞! Thank you Mr.T~ )

尋日10月14日收到好友阿四寄來既禮物~

我本來打算網上order 既12蚊店矽膠朱古力模，
阿四特登幫我去12蚊店搵! 真係唔該哂啊~

兩大包/大盒扮靚靚媽屎~

順記餅家蛋撻 + 菠蘿油........番梘!

Pizza 造型既pizza 刀 + 剷

香港麥麥之前送既發聲Pikachu 公仔~ 個樣好靚啊!

佛經機 (唔知係咪咁叫呢?)

據聞烚蛋前用依個野拮一拮蛋殼，
蛋烚好後會好容易剥殼......喎!

柚子皮粉

以為豉油先有頭抽......原來魚露都有頭抽果喎!

多謝哂阿四送咁多好野比我啊~