當Skinny jeans 不再skinny......

好多女人都話因為怕變肥身材走樣而決定唔生小朋友......
但邊個話生小朋友一定會變肥身材會走樣架?

生大小A前幾星期，我個肚超巨型 + 雙腳超級水腫，
體重最高峰時有166磅 (從來無唸過自己會有依一日......)
原本著4號(37碼)鞋既我，當時連5號半鞋半隻腳都塞唔落!
我仲喺度安慰自己: 決定咗生小朋友就預咗架啦~
所以把心一橫執咗好多衫褲鞋攞咗去賣，
衣櫃騰出來既空位，準備迎接生B後大d尺碼既新衫褲......

後來攞咗輯孕照，睇到相裡面既自己塊面脹卜卜，我都係接受唔到自己咁既樣!!
於是從來都唔做運動既我同自己講: 生完BB + 傷口好返之後，我要的起心肝做運動!
但講還講...生完大小A後有鬼時間做運動咩?
奇妙既事喺依個時候發生.......

喺醫院時我對腳水腫已經退得七七八八，出院後正值summer sales~
Birkenstock 減價後再半價喎...咁攞對37碼來試吓啦，
咦~ 點解好似咁大既? 一直都係著37碼，以前都買過Birkenstock，都係37碼......

咁試吓對36碼啦...啱喎! 心唸可能只係Madrid 依個款大少少啦.......

幾日後再行街，睇中依對bling bling 懶佬鞋.......
37碼...又唔啱!! @@

真係36碼先啱喎! (今日著咗對鞋出街，所以鞋底咁污糟 XDDD)

依對Crocs 我已著咗好多年 (無錯，依對真係Crocs 來架!)
依對鞋唔係特別靚，但就真係好舒服!
之前腳水腫時完全著唔落，我好傷心......
好彩Mr.T 話唔阻訂無揼到，叫我生完BB先再試吓著~ ^^
佢係一對4號來，再著返時真係大咗，腳踭位塞到2隻手指!!
好在腳背有條帶先唔會甩鞋 XDDDD

之前睇過baby club 寄來既小冊子，
有60 - 70%女人生完BB後，雙腳會大咗~
但我對腳就反傳統地縮細咗，
由4號 / 37碼縮咗一個碼變咗3號 / 36碼! =P


星期三果日同Mr.T 行街，喺TK Maxx 裡面見到幾位婆婆，
其中一個見到我地推住孖B車，走埋來睇大小A，
婆婆問大小A幾大，Mr.T 話9 weeks......
婆婆詫異地望住我由頭到腳再由腳到頭，
然後睜大雙眼話: 9 weeks!!?!?!? 妳個肚去咗邊? 
跟住依位婆婆嗌佢幾個friend 埋來"望"我，
話比佢地知我9個星期前生咗對孖B，
佢d friend 個個嘖嘖稱奇話我一d都唔似啱啱生完BB~ LOL

當時我只當婆婆們講客套說話......
不過今日當我著上大肚前既skinny jeans，發現條skinny jeans 變得不再skinny，
鬆到起摺同一條普通牛仔褲無分別...>我就知道婆婆們講緊真心話! XDDDD