100th Day (2016年9月29日)

開心既時間過得特別快...眨吓眼大小A已經100日嘞! ^^
有時唸返仲大緊肚既時候，好似只係幾個星期前既事 XDD

100日咁重要既日子，當然要為我2個小公主影返d靚靚相留念啦!

大小A一日一日長大，佢地除咗越來越重，越來越多衫仔唔啱著之外，
表情越來越多，越來越古靈精怪~
大小A一定係因為有我依個開心媽媽，所以佢地兩個都好少喊，係開心寶寶來! ^^
經常瞓著覺都會甜笑~~~~ ❤

大A好含蓄，好多時扭盡六壬引佢笑，佢多數都只係微笑......^^

小A就好十三點，無啦啦都可以傻笑一餐 XDDD

超愛笑既小A~

有一日我清晨起身換片餵奶洗奶樽蒸奶樽洗碗洗衫......
忙完一大輪去之後BB房check 吓大小A，大A熟睡中，小A好醒瞓，
佢一睜開眼見到我就對住我甜笑，真係幾攰都即刻唔記得哂! ^^

其實大A成日都笑，不過佢一見到個相機就起哂鋼好快變到無表情，
要影佢大笑真係要眼明兼手快 LOL


最近大小A開始笑出聲，而且好鍾意玩伸脷........

仲開始衣衣吖吖扮講野! XDDD 好期待佢地快d識叫爸爸媽媽~ ^^

我地少讀書，你地唔好呃我地! XDDD

李小龍係Mr.T 偶像...Mr.T 網上見到依套李小龍衫仔，即時忍唔到手!
仲親手整埋奶樽雙節棍!! XDDD

有時帶佢地出街，途人會停落來睇大小A，仲會問我湊佢地辛唔辛苦?

睇住佢地一日一日開心健康長大，我一d都唔覺得辛苦~ ^^