不過我好鍾意彩虹! 一見到彩虹我就會好開心~
蘇格蘭冬季經常落雨;
因為樓宇密度無香港咁高，好容易見到一大片天空，
變相見到一條橫跨整片天空既彩虹機會比喺香港大好多!
星期六(12月3日)同老公一齊由Birmingham 渣車返Glasgow 既途中見到大條彩虹，
我咁鍾意彩虹，見到當然會影餐飽啦!!
喺高速公路上無意影到2張"彩虹盡頭"相~
其實原本我當時見到既係double rainbow 雙彩虹!
打算影既亦係雙彩虹!! (我第一次見雙彩虹咋!!!
)可惜待我攞得相機兼開得車窗後，
條副虹已經消失咗，只剩返條主虹......
除咗第一次見到雙彩虹，我仲係第一次咁近距離見到彩虹!
雖然唔夠手快影唔到雙彩虹，
但我仍然按下快門影咗依2張彩虹盡頭~
影依2張相既時候本來覺得無咩特別，
只係唸起愛爾蘭傳說leprechaun (小矮人精靈)
喺彩虹盡頭收埋咗桶金......
(不過從相中睇得好清楚依個傳說係搵笨既! Don't be silly!!)
但無心插柳......
今日從網上得知原來大部份彩虹都係半空懸浮，並唔會同地面連接，
而且彩虹底部會不停移動改變位置......
換句說話 - 彩虹連接地面見得到盡頭原來係一個罕見現象!
可以一次過見到雙彩虹 + 彩虹盡頭，
我真係好幸運呢! 嘻嘻~~~
你第一張都隱隱約約可以見到條副虹...!!
回覆刪除我住係seattle,可能呢邊雨水多,我見過serveral times既double rainbow!!
發現副虹次次都locate係主虹既外圍...(i wonder why...~)
但我就未見過the end of (double) rainbow!!
你好好彩牙見到&影到!!!
[版主回覆12/12/2011 22:02:17]我用平時部電腦睇唔到條副虹，不過用另一部電腦睇真係睇到少少! ^^
雙彩虹其實係陽光 + 雨水折射再折射下而產生，所以副虹永遠都係喺主虹外圍架!
你就好啦, 好羨慕呀! 不過如果係我咁近見到, 我會衝出去, 企到它的腳底照張相呀!
回覆刪除[版主回覆12/12/2011 21:58:14]我地當時喺高速公路呀! 我老公渣緊車架~ 而且彩虹位置不停變動，行到埋去可能已經無咗......
我好多年無見過彩虹喇...大自然真美! you are so lucky!
回覆刪除[版主回覆12/12/2011 21:56:40]記憶中我以前喺香港只見過一兩次彩虹咋! 仲要係小學時代.....今次同一時間見到2個第一次真係好開心~ ^^
我咁大個人只係喺十幾歲有次 training 嘅時候見過一次咋...真係好靚㗎...但係之後到而家都未見到過喇，好羨慕呀! ^^
回覆刪除[胡李媽媽回覆12/12/2011 22:09:27]只係彩虹咋 =.= ....但已經好靚....當年環境未被破壞...大自然都好似靚D咁 gei...
[版主回覆12/12/2011 21:55:23]見過一次彩虹定彩虹盡頭呀? 可惜今次影唔到雙彩虹，希望下次有機會影到啦!
我好耐冇見過彩虹!
回覆刪除[版主回覆12/12/2011 21:54:22]香港多高樓大廈嘛!
彩虹盡頭真係好靚
回覆刪除[版主回覆12/12/2011 21:53:42]可惜無一桶金......
嘩!!!!
回覆刪除[版主回覆12/12/2011 21:53:10]=)
雙彩虹我見過一次，彩虹盡頭就真係未見過啦
回覆刪除[版主回覆12/12/2011 21:52:56]雙彩虹同彩虹盡頭我都係第一次見咋! 可惜今次影唔到雙彩虹，希望下次有機會影到啦! ^^
彩虹盡頭好有意境...好靚...
回覆刪除[版主回覆12/12/2011 21:48:00]係啊~ 可惜無桶金啦! 哈哈哈~~~
哇, 0甘都俾你影到0既, 0甘好彩, 要去買六合彩呀....真係好靚呀, 多謝分享=D
回覆刪除[版主回覆12/12/2011 21:43:08]真係好好彩呢! 同一時間見到2個第一次，美中不足影唔到雙彩虹，希望下次會有機會影到啦!