(當然係由Mr.T 全力贊助啦!!)
不過唔知係咪我仲未瞓醒呢?
我既購物意慾好似尚未甦醒過來!
只帶咗好少冬天衫返來，因為唸住喺香港買咋冬天衫......
但暫時香港天氣對我來講完全唔凍，
我仍然著緊我帶返來既夏天衫;
又唔知係咪我平時買廚具買得太勁?
行街睇廚用品時發現自己好似樣樣都有，
無咩需要買 / 想買!!
所以依幾日以來我荷包尚未開始縮水! (嘻嘻~~~~)
咁我返來幾日，係咪一d收穫都未有呢?
又唔係喎!! 去相......
返來後第一個收穫 - Panasonic ZS10 (aka TZ20 in UK)
返香港前已經開始睇緊傻瓜機，
由於肯定香港買一定平過英國買，
所以一直忍忍忍手~~~~~~~
本來考慮過其他牌子 + 型號......
不過之前一直用開TZ3(左)，發現自己始終最愛Panasonic!
最後都係買返同系列既最新model~
喺香港買電子產品除咗平之外，最筍就係有大咋跟機贈品!
原裝機套; 後備電池; 8GB SD card; card reader + 三腳架~
依咋贈品配件喺UK 唸都唔洗唸!!
原本個三腳架係迷你版，
但我發揮我既"師奶討價心理戰術"，
成功令哥哥仔減價1舊水兼送枝大腳架過我!!
本來我打算格多幾間電器舖價先決定買......
不過喺我隔離既V媽媽話: 妳作死咩? 問完人地一大輪又唔買!
就係咁扑槌交易成功......
不過此相機由V媽媽慷慨送贈，因此我荷包尚未縮水!
買完相機同V媽媽去咗工展會.......
見到京瓷counter 八卦過去及吓試吓把刀係咪真係咁好切，
其實我真係無唸住買 - 因為怕自己論盡好易整爛......
不過我仲未放低把刀，V媽媽已經走咗去比錢!
依套白雪雪好靚啊! (好怕五顏六色果咋.......)
仲送個紅卜卜既陶瓷磨刀器~
除咗1套陶瓷刀，我同V媽媽仲掃咗廿幾枝食油 + 豉油返屋企......
下一站......吉豬島!
雖然已由10蚊店變成12蚊店，不過我仍然愛逛!! ♥
舊年已經想買既心心盆~
當時只有一個比另一位女客人手快立咗，之後一直無貨，
今次一去到已經見到，好鬼開心!!!
尋日去上海街走咗轉......
不過收穫只有一個蜂蜜蛋糕模......
或者遲吓再走多一轉~
返咗來香港一星期都未夠，暫時收穫都算唔錯!
我會繼續加油架嘞!!
或者遲吓再走多一轉~
返咗來香港一星期都未夠，暫時收穫都算唔錯!
我會繼續加油架嘞!!
我諗妳下一站要掃定個大喼至得嘞~~~haha!!
回覆刪除[版主回覆12/19/2011 16:49:05]係呀~ 我都打算買多個喼! ^^
我果日行$12店見到好多好靚桃紅色盆估妳見到一定鍾意呢^^
回覆刪除[版主回覆12/19/2011 16:47:33]舊年已經見到架嘞，不過無貨......今次買到好開心啊~~~~ ^^
我尋日都行咗$12店...hehe...而家買嘢既意慾唔大, 因為條街太太太多人...唉...但我都想去工展會睇下你買嗰把刀呢...白色好靚
回覆刪除[版主回覆12/19/2011 16:46:03]唔知係咪平時買得勁得滯，用哂quota? 真係少咗意慾買野.....我一陣再去工展會呢~ ^^
hK買電器都應該係最新的了 （比較歐洲呀下）
回覆刪除[版主回覆12/19/2011 16:42:02]以前的確係差好遠，近年已經update 咗好多! 好似我買依部相機，歐洲 + 香港都係同步推出，但價錢始終香港平好多!
i bet your mum must be very happy that you are back!
回覆刪除[版主回覆12/19/2011 16:39:54]im very happy too! ^^
多謝你促進香港經濟繁榮呀, 買多D, 不過年近歲晚, 請提防小手。
回覆刪除[版主回覆12/19/2011 16:39:31]多謝提醒!
好期待V媽煮的靚餸, 有時間去牛陣火煱放題, 佢個澳洲和牛$248 食得過,唔好去isquar嗰間,口福街分店好啲,但就冇$4xx日本和牛.
回覆刪除[版主回覆12/19/2011 16:33:34]謝推介~ 有時間會去試吓! ^^
加油加油, 我都好期待 V 媽媽靚餸篇呀!!!
回覆刪除[版主回覆12/19/2011 16:33:02]暫時V媽媽煮咗3餐飯，不過屋企無wifi，過兩日先再upload 比大家睇! ^^
haha....咁快買咗咁多嘢....你要快 plan 定番去嗰陣D嘢點send 番去先得喇.... XD
回覆刪除[版主回覆12/19/2011 16:31:57]妳同我定 - 我今次有46kg 寄倉行李! ^^ 再唔係咪好似平時咁先打箱寄返英國囉!! =)
繼續加油 ! ^^
回覆刪除[版主回覆12/19/2011 16:26:38]will try my best! ^^
努力加油．．．
回覆刪除把白雪雪陶瓷刀好靚．．．
[版主回覆12/19/2011 16:26:08]佢話係聖誕特別版來喎! (不過唔知堅定流.....)
原來你返左香港呀，真係好開心哦！！
回覆刪除[版主回覆12/19/2011 16:25:30]係呀~ 過埋農曆年先返UK~
促進香港經濟靠你啦...
回覆刪除[版主回覆12/19/2011 16:10:53]我盡力啦! ;-)
廿幾枝食油 + 豉油返屋企??? How are you going to ever bring these back to HK ??? MY god!
回覆刪除[版主回覆12/19/2011 16:10:33]油 + 豉油係V媽媽架! ^^ 淘大有架手拉車仔~
廚具我都買少咗, 一黎, 冇咁多位放. 二; 好多時買咗又覺冇以前嘅咁好用, 用黎用去都係個d...... 三; 再買應該會俾人鬧.
回覆刪除我上日想買多個LC, 卒之左摸右摸之後同佢講BYE BYE~
[Joanne回覆12/19/2011 16:34:15]佢仲未鬧, 不過應該好快會爆我一鑊 如果我再買的話.... "邊度仲有位擺呀!"
[版主回覆12/19/2011 16:09:32]咁我買野老公又唔會鬧我，只係廚房樣樣都有，無咩需要買~
原來係返左黎香港，haha，買多d野la :D
回覆刪除[版主回覆12/19/2011 16:08:03]係呀~ 返咗來幾日架嘞! ^^
玩得開心D呀!!!
回覆刪除[版主回覆02/14/2012 10:20:38]Thank you baobao! 我已經返咗英國，今次玩得好開心呢~ ^^
No problem to shop. You can claim the 6000 dollars in HK. Cannot back to HK cos no holiday. Very jealous.
回覆刪除[版主回覆02/14/2012 10:20:04]opened the account and filled in the form, jst confirmed my application a week before i came back to the UK, so havent got the 6000 yet.
anyway didnt shop much but i received lots of pressies! ^^
♥ 聖誕新年愉快過 ♥
回覆刪除玩得開心D，並祝你聖誕快樂啦！！
回覆刪除[版主回覆02/14/2012 10:17:38]多謝陳大小姐! ^^ 我已經返咗英國嘞，今次玩得好開心呢! ^^
Oh~I have a ceramic knife from the, too! I bought it from Japan, it was like 5000yen...but it's really sharp! I love to cut 牛筋 with it, so easy!
回覆刪除[版主回覆02/14/2012 10:16:54]didnt want to buy it at first cos im too clumsy! =P i tried it a few days before, it's really really good! but i have to be careful~ =)
努力促進香港經濟喇!!
回覆刪除[版主回覆02/14/2012 10:13:52]少少啦~ 今次返香港太忙都無咩時間行街....不過收咗好多禮物啊! ^^
繼續出血吧~~~~
回覆刪除[版主回覆02/14/2012 10:13:07]無乜機會出血啊...不過收咗好多禮物! ^^
你已返左黎~~YEAH~~
回覆刪除好奇怪, 個心型兜咁細, 點洗面呢! 其實點用嫁 ?
回覆刪除[版主回覆02/14/2012 10:12:30]一返到來就爛鬼咗嘞.....='(
蜂蜜蛋糕模同其他麵包模有咩分別的?
回覆刪除[版主回覆02/14/2012 10:11:11]做蜂蜜蛋糕要低溫長時間來焗先做到鬆軟綿密既口感，普通麵包模因為係金屬或矽膠傳熱太快，用木模就做到低溫既效果嘞! =)
歡迎妳回來啊!
回覆刪除請問想買好的麵包刀, 有冇好介绍?
[版主回覆02/14/2012 10:08:26]唔好意思莎莉，而家先回妳! =P 我喺吉之島生活廣場買咗把黑色波浪刀刃既長刀用來做麵包刀，不過仲未開光唔知好唔好用.....遲吓post 出來比妳睇! ^^
你咁曳自己返黎，唔同老公過聖誕~~~
回覆刪除你住係邊頭ar??
[版主回覆02/14/2012 10:06:22]佢返工忙到甩碌洗鬼我陪佢過聖誕....T_T
我主喺太子架! ^^
唔知有無緣起街見到呢? enjoy your holidays~~
回覆刪除真好回香港過聖誕節 祝聖誕節怏樂
回覆刪除[版主回覆02/14/2012 10:05:30]Thank you 嘉麗! ^^
買多D 買多D... hee hee...
回覆刪除[版主回覆02/14/2012 10:05:08]買咗少少~ 不過收咗好多好多禮物! ^^
買啦買啦, 香港0既經濟繁榮, 靠晒你0勒XD
回覆刪除[版主回覆02/14/2012 10:02:09]最後埋單我都無點買野....不過我2個大喼仍然滿哂 - 因為收咗好多禮物! =P
我好想試用果把刀呀﹐上次想買又心大心細~
回覆刪除[版主回覆02/14/2012 10:00:47]真係好好切啊妹妹妹! 下次見到快d買~ ^^
妳寫返blog 嘞? 遲吓過來探妳~ =) 情人節快樂啊!
把陶瓷刀真係好好用,好利,起初我同老公都好懷疑,回家一用嘩嘩聲,有時老公重攞出來玩我侄仔侄女問佢地估吓把刀得唔得...
回覆刪除[版主回覆02/14/2012 09:59:16]果日開咗光用來切牛肉，真係好好用呢! ^^