2016年6月12日星期日

舒緩懷孕水腫腳 - 紅豆水

去水腫紅豆水

我曾經擁有一對纖瘦,著3.5 - 4號既小足,雖然係一對鴨乸蹄,
但好多好靚既小童鞋款都著得落,令好多朋友都羨慕~

V媽媽朋友既新抱兩星期前生咗個baby boy,
Auntie 問V媽媽: 妳個女對腳有無腫? 我新抱對腳好腫!
當時V媽媽仲同依位auntie 講我無腳腫........


話口未完...上星期有一日我突然察覺我對腳已變咗豬腳!!!!!!


已經有好長一段時間,我低頭完全睇唔到自己對腳!
唔記得上一次自己剪腳趾甲係幾時,幾乎成個孕期都係由Mr.T 幫我剪......

最近天氣好熱,出街時只著夾腳趾涼鞋,
上星期行街時見到有對鞋好靚,唸住買來獎勵吓自己為自己加油,
點知試上腳竟然唔啱著! 望一望鞋底...5號來果喎! 我平時著4號之嘛,
有無攪錯!!?!?!??


震驚過後,我仔細一睇自己對腳,竟然腫到連腳眼都無埋!!


用手指篤吓佢...竟然凹咗! 好詭異既嚴重水腫!!
我一向都唔知道原來水腫除咗腫之外,仲會痛既...... =_="


天呀~~~~~ 我接受唔到呀!!!!!!!
我對腳未腫之前買咗幾對鞋,有d仲未著過架!!!!!!!! >_<
網上尋求去除水腫腳既方法,好多人推薦紅豆水,話好work 好神奇喎~
即管試吓.......

去水腫紅豆水
1. 紅豆和水的比例為1:3或1:4~ 我今次用咗1:4既份量 - 紅豆1量杯。


去水腫紅豆水
2. 紅豆沖洗乾淨瀝乾,放入煲中,加入1L清水浸30分鐘。


3. 30分鐘後開火煲至大滾後熄火,蓋上煲蓋焗30分鐘。


去水腫紅豆水
4. 隔走紅豆,紅豆水當清水飲。


煮咗1L 紅豆水,當日好快已經飲哂,
全日除咗紅豆水之外亦有飲清水,第二朝瞓醒.......

登登登櫈~~~~~~ 腳水腫消失咗7成!
雖然仲未完全回復原狀,但腳背水腫明顯薄咗好多,
痛既程度大大減低咗...紅豆水非常神奇!! ^^


一日之差對照圖


另外抬腿墊腳亦可以幫助舒緩懷孕水腫腳~
早幾日喺Mothercare 睇中依張附埋墊腳既餵奶搖椅,連墊腳都會搖......
舒服到pat pat 一坐咗落去就唔想起身! XDDD


Mr.T 即時買咗比我!
尋日張餵奶椅送咗來,今日搖咗成日(搖得舒服到成日恰眼瞓 XDDD),
無飲紅豆水,但對水腫豬腳都無翻發! ^^

http://www.mothercare.com/Mothercare-Natural-Reclining-Glider-Chair-with-Beige-Cushion/592149,default,pd.html








18 則留言:

  1. 消腫我好明顯喎!勁神奇呀!等我都記住遲d要試下先
    你要休息多d呀,個個都話bb出世就無覺好訓囉

    回覆刪除
    回覆
    1. 好老實,一直都不停有人同我講 - 而家有得瞓就好瞓,第日BB出世後就無覺好瞓......
      不過做得父母就預咗會無覺好瞓架啦! 而且第日無覺好瞓,就算而家日瞓夜瞓真係有用咩?

      刪除
  2. 你好叻女,好積極,不杞人憂天,事事努力勇敢用智慧解決,很欣賞!你會是一個很了不起的媽媽!努力加油啊!祝你生產過程順利!媽媽和孩子們健康!

    回覆刪除
    回覆
    1. 多謝 + 過獎嘞~ ^^
      其實我只係覺得 - 要發生既野,擔心都於事無補;
      未發生既事,先擔心只會浪費時間 + 令自己情緒變差...
      所以何必呢? LOL

      刪除
  3. 或者呢個就係產前產後既經驗分享呱... 哈哈
    可能要到生左先會感受到... 呱 ^^
    不過唔大過肚都真係唔感受到原來做人媽咪,由大肚開始已經偉大緊...身體唔舒服既反應呀、緊張呀、擔心呀 等等

    祝你同bb都平平安安,健健康康,肥肥白白呀 ^^

    回覆刪除
    回覆
    1. 我啱啱有咗BB時有一位鬼婆朋友同我講: 好快就會有好多人走來同妳講,妳而家要咁咁咁,妳第日又要點點點...不過妳唔洗理佢地,妳還妳,佢地還佢地!
      不出所料真係好多依d人! 比我預期中更多!!

      所謂產前產後經驗分享,難聽d講句好多時只係一咋生過小朋友既媽咪自以為好有經驗,
      要以過來人身份要"教精"新手媽咪,藉此逼人聽佢地回味自己既懷孕回憶,
      無論妳想唔想聽都好 :-w

      一樣米都養百樣人啦,每個人情況都唔同,佢地所謂產後經驗分享,未必人人啱聽人人啱洗!
      每個媽咪由大肚一刻開始到BB出世,需要 + 感受都未必一樣,
      我會依自己意願去experience 當中過程,而唔係人地叫我要點點點
      決定咗做媽媽既一刻開始,就預咗BB出世後會無覺好瞓 (咪當減肥囉! LOL)
      而家有時間,我會寧願多做一d自己鍾意做既野over 瞓覺

      刪除
  4. 我都飲過紅豆水但無你咁有效,就生果時真係唔想行!!! ::cc9014

    回覆刪除
    回覆
    1. 我都見有人話紅豆水唔work,我唸可能每個人體質唔同啦!
      紅豆水唔work 既話,可以試吓香蕉 ^^

      刪除
  5. 嘩~真係水腫得好緊要, 督左落去仲有時間影相, 哈哈, 不過應該生完就無野架啦~
    張櫈真係咁好坐, 係咁搖唔會好似暈船浪既咩?
    不過呢啲餵奶好呀, 我果陣抱住阿囡坐梳化餵, 搞到個梳化比我坐爛左呀, 哈哈

    回覆刪除
    回覆
    1. 篤落去仲有時間影相 <= 係因為我用自拍神棍篤落去! 而家個肚頂住,對手根本伸唔到咁長 / 對腳屈唔到咁近

      係咁搖唔會好似暈船浪既咩 <= 唔係吓哇? 如果搖椅會似暈船浪,我唸依個世界唔會有rocking chair, rocking baby cot bed........

      刪除
  6. 真係勁腫!我試過一次腳嚴重受傷, 都係腫到彈唔返出嚟, 嚇得我吖即刻要搵醫生開去水丸!你好叻用自己既方法攪返惦!聽過紅豆水, 但唔知真係咁work, 間唔中都要煲嚟飲下去下水腫先得!

    回覆刪除
    回覆
    1. 其實我對腳未完全回復狀態架,
      而且事實有60 - 70% 女人生完BB雙腳係會大咗細唔返架 :-O
      暫時我只求無佢退緊d水無咁痛,
      其他野等生咗BBs 先算啦! 水腫啫,無乜大不了~ ^^

      紅豆水對好多人來講好有效(我係其中一個!),
      不過我亦見過有人話唔work,我唸係視乎每個人體質!
      另外我research 時亦睇過,水腫有唔同原因,
      紅豆水對懷孕引起既水腫有效,但其他原因引起既水腫就唔知嘞
      如果試過唔work 的話,可以試吓食香蕉 ^^

      刪除
    2. 多謝你既資料!!而家多左運動水腫已經好多,試左紅豆水work話你知吖😊

      刪除
  7. 我自己都有買rocking chair, 生前幾個月日日坐,墊高腳 un un 下,勁舒服!瞓唔著坐下坐下都瞓得好過係床。連老公都話好坐(睇波一流咁話喎!) 點知生完後,好快發現餵唔到奶!放唔落nursing pillow 係心口/腰位,改用pillow啦, 好快又唔得,因為bb長,扶手太高呢....

    回覆刪除
  8. 由你係BK睇你寫嘢到而家,祝你一家快樂健康 :)
    一切順利!

    回覆刪除

Related Posts Plugin for WordPress, Blogger...