2010年12月23日星期四

架撐 2

今次返香港發現街上多咗好多人攞住大相機......

而且格仔店仲有好多平價又好玩既配件賣呢~

睇來香港好似越來越多人鍾意影相喎!

返香港之前見到有網友買咗部有lomo feel 既DC - Yashica EZ F521,唔洗用菲林都可以有lomo feel,而且只售$700,好鬼吸引!

本來鎖定咗目標唸住買(CitySuper 有售!),不過我覺得自己如果真係買咗部Yashica,我一定會將老公送果部黃金眼打入十八層地獄永不超生!!!!

(係架~ 我好衰架.......)

 早排遊blog 無意中見到網友買咗依舊野!

 Lomo 相機品牌Holga 出品 - 有lomo feel 既DSLR 相機用鏡頭~

依舊野只售1舊水! 我又即時拿拿淋整一舊!!

直接將鏡頭裝落DSLR body 就用得架嘞......

 雖然係一舊塑膠鏡,不過可以對焦架!

 我貪靚買咗好sharp 既粉紅色 ,裝咗落body 就係咁架嘞~

P.S. 黑色$100; 其他顏色$120

 依個Holga 鏡頭仲可以配唔同既filter 一齊使用架!

 e.g. 依set 野有套入鏡頭既鏡座1個......

 包3塊多影filter......

 影出來會有咁既效果!

仲包埋顏色 + 中空焦柔filter,咁就多咗好多變化嘞~

 因為配件好鬼平,所以我另外再買埋一套雙色filter~

 將filter 插入鏡座,再將鏡座套入Holga 鏡頭,就可以用架嘞!

 以上依咋野可以影咁多唔同效果,有排慢慢玩咯! 呵呵~~~~~

鏡頭 + 鏡座連filter 套組,再另買一套雙色filter,成套野加埋$400 都唔洗! 
哇哈哈~~~~~~

咁就唔洗用菲林都可以影到有lomo feel 既相啦!

早兩日見另一位blog 友影聖誕燈飾好鬼靚~ 而且燈光仲係星星型既呢!!

一問之下原來係用咗Star Filter - 只幾十蚊就有一塊嘞!!

即時向旺角各潮商場出動......

 行咗3個場既收穫 - 4星鏡、6星鏡,再另加1塊CPL偏光鏡!

 星鏡影出來可以有咁既效果! (圖為6星鏡~ )

我唸住聽日再買多塊紅外線filter!

 之前買既Canon 窮人2寶無鏡頭袋,所以喺10蚊店買咗有海綿裡既軟布袋; 仲買咗塊粉紅波點靚靚眼鏡布來清潔鏡頭~ (貪靚! )




沒有留言:

發佈留言

Related Posts Plugin for WordPress, Blogger...