2010年12月26日星期日

孖T回"香"省親2010 - 做冬@佐敦太平館 (2010年12月22日)


已經好多年無同V爸爸V媽媽一齊做冬嘞!

點解冬至V媽媽都唔煮飯呢?

因為佢做冬前幾日唔小心扭傷咗條腰囉!

所以是晚去咗佐敦太平館食飯做節......

 一人一個好好味既太平館招牌海龍皇湯~

好鍾意佢個熱辣辣軟綿綿既餐包呢!

 肥瘦適中既燒豬脾飯~

 每次去太平館都必食既瑞士乳鴿~

雖然瑞士乳鴿比普通既燒乳鴿要等耐少少,但了咀既我一定要食瑞士!!

 另一個招牌菜烚鹹牛脷~

依個我第一次食咋,厚切牛脷柔軟微鹹! 正~~~

 香噴噴既芝士焗肉醬意粉~

 無人吼既炒雜菜......(鬼咩~ 炒鬼佬雜菜!! )

一餐好味既冬至飯~ 不過最緊要都係同屋企人一齊食!

 好多人話我外表似V爸爸......

 但直性子就似足V媽媽!

V爸爸性格太淋善嘞~~~~




16 則留言:

  1. 難得返香港同家人 做冬
    一定好開心啦,
    祝,永永遠遠都開心,健康
    [版主回覆12/27/2010 01:19:00]係呀~ 咁耐無同屋企人過過冬,真係好開心!
     
    多謝妳既祝福啊wabby~ 大家咁話 - 大家都開開心心 + 身體健康啊!
     
     

    回覆刪除
  2. 下次要食太平館..去銅鑼灣果間..好食好多...
     
    [版主回覆12/27/2010 01:17:00]除咗中環分店未去過之外,其他3間分店我地都去勻~ 我地一致認為最好食果間係尖沙咀加連威老道分店; 反而係銅鑼灣分店最唔好食喎........
     
     

    回覆刪除
  3. Mrs. T 聖誕快樂呀.....我都經常經過太平館附近....但從未入過去, 見妳依D 了咀人都話好, 我都照妳order的去試下先.......
    [版主回覆12/27/2010 01:15:00]聖誕快樂啊Quietness!  did you have a nice one?
     
    太平館有4間架 - 中環、銅鑼灣、尖沙咀、佐敦~
     
    我地未去過中環果間! 但 V家一致認為最好食果間係尖沙咀加連威老道分店; 最差係銅鑼灣分店~
     
    記住一定要食個瑞士乳鴿呀!!!!
     
     

    回覆刪除
  4. 味味我都啱呀,都係除咗個雜菜之外   我未去過太平館架,睇完妳依篇blog,我都要搵日試下先得 
    [版主回覆12/27/2010 01:11:00]太平館有4間架 - 2間港島2間九龍~ V家未去過中環果間,其他3間都去過!
     
    V家一致認為最好食果間係尖沙咀加連威老道分店; 最唔好食係銅鑼灣分店~
     
    記住一定要食個瑞士乳鴿呀!!!!
     
     

    回覆刪除
  5. 下次要試埋佢個瑞士汁炒牛河呀, 我冇quota食都一年整佢一劑黎止痕!
     
    [版主回覆12/27/2010 01:05:00]試過好多次啦! 太平館我由細食到大架嘞~
     
     

    回覆刪除
  6. 個肉醬意粉同乳鴿都好正呀~ 好想食
    [版主回覆12/27/2010 12:03:00]我好鍾意太平館依2個菜!
     
     

    回覆刪除
  7. 《Ka MaN 日記》2010年12月26日 下午2:39

    同屋企人一齊食飯真係好開心。。!!! 祝你日日都開心快樂。。。!!!  
    [版主回覆12/27/2010 11:59:00]多謝妳啊Ka Man!
    係呀~ 過節同屋企人一齊過就最開心~
    我都祝妳日日開心快樂!!
     
     

    回覆刪除
  8. Gaileは林家歐巴桑2010年12月26日 下午5:07

    見到妳地個個冬至都一家人開開心心過真係溫馨羨慕,好懷念我喺香港做節既日子...發覺台灣硬係冇香港咁熱鬧~今年冬至我老公仲夜一夜先放工,一d做節mood都冇
     
    我覺得V爸爸個樣比V媽媽嚴肅d同惡d咁,一睇V媽媽就知佢係豪爽派
    [版主回覆12/27/2010 11:51:00]係呀~ 過時過節無野好得過同屋企人一齊過! 如果老公都喺埋度就perfect 嘞~~~
     
    妳比V媽媽慈母咁既外表呃咗嘞! 雖然佢慈起上來時真係好慈,不過佢發火起上來非同小可架!  反而V爸爸係唔會發火既~
     
     

    回覆刪除
  9. 咦~ 你咁了咀都介紹得話好食, 咁就一定要去試下啦~~ 我對個咸牛脷好有興趣~~ ^^
    [版主回覆12/30/2010 12:03:00]太平館我由細食到大,水準多年來仍然係咁好食~
     
     

    回覆刪除
  10. 一家人坐埋一齊做冬雖然好簡單, 但我覺得已經可以好開心 我都覺得您似V爸爸呀!  btw 請代向V媽媽講保重呀! 唔好做咁多“操”重工夫呀!
    [版主回覆12/30/2010 12:00:00]Jo 有心嘞~ V媽媽條腰已經好返哂嘞! 有我晚晚幫佢捽藥嘛!
     
     

    回覆刪除
  11. 女孩同常会像爸爸,看看你以后生女儿像不像你老公。
    [版主回覆12/30/2010 11:59:00]我唔覺得女仔一定似爸爸喎! 我見親戚朋友既仔女多數係第一胎似爸爸就真~
     
     

    回覆刪除
  12. 你媽咪好年輕咁呀﹗~
    [版主回覆12/30/2010 11:57:00]Thanks 妹妹妹~ V媽媽20歲出頭就生咗我嘞!
     
     

    回覆刪除
  13. 好多謝您香港 的相給我們看祝新年快樂
    [版主回覆12/30/2010 11:54:00]新年快樂啊開心人! 祝妳新一年每日都開開心心~~~
     
     

    回覆刪除
  14. 見你上次返香港都有去尼間餐廳食飯...有機會過黎我都要去試吓先....
     
    一家人齊齊整整一起食飯....係最開心不過既事....
    [版主回覆12/30/2010 11:53:00]依間餐廳我由細食到大 + 每次返香港都一定要去! 下次過來香港時去試吓吖~
     
     

    回覆刪除
  15. 做冬同家人一齊食飯真係好溫馨
    我都好期待新年到時就可以一家人食飯
    [版主回覆12/30/2010 11:47:00]食乜都無所謂~ 最緊要同屋企人一齊過!
     
     

    回覆刪除
  16. 你一講v爸 我就諗起佢上次"倒左煲湯渣"啦
    [版主回覆12/30/2010 11:46:00]哈哈~~~ 咁啱V媽媽尋晚又炆咗煲牛腩!
     
     

    回覆刪除

Related Posts Plugin for WordPress, Blogger...