孖T回"香"省親2010 - 海洋公園幾粒鐘遊 (2010年12月10日)

已經唔記得咗幾耐無去過海洋公園咯!

我對上果次應該係......

 小表妹得幾歲既時候! (小表妹今年已16歲......)

今次返香港，Mr.T 未返來已事先聲明要去一次海洋公園! 我自己都好想去 - 因為水母館 + 熊貓開咗咁耐我都未睇過........

 特別帶埋我咋新架撐窮人三寶去試吓!

 枝55-250 變焦長鏡效果唔錯!

 入場時仲未食野，求其喺依檔"絲路小食"買咗隻熱狗 + 辣魚蛋......

 依幾粒野超級難食!!!!!!!!!!!!!!!!!!  (難食到嚇死人.......)

今次我地去海洋公園主要係睇水母 + 熊貓! 所以一切機動遊戲欠奉~

我地喺水母館都留咗好鬼耐，睇完出到來天已開始暗......

 拿拿淋搭纜車落去睇熊貓!

(開始大風 + 架纜車好鬼搖!  不過Mr.T 攬實我，我唔驚!! )

係咪叫做安安 + 佳佳呀?

我唔知邊隻打邊隻喎!

淨係覺得佢地好懶又好得意~ 完全想像唔到原來佢地會咬人喎......

旁邊職員一路叫遊人唔好開閃光燈影相，不過好多內地人照影睬你都傻!

唔夠光又唔比用閃光燈再加埋無腳架......就唯有靠手定啦!

(早知去睇熊貓先啦! )

當我好專心咁定住雙手影熊貓，突然聽到身旁一位印度藉遊客用英文問職員......

隻熊貓真定假架?

忍唔住笑到我手震~~~~~~

睇完熊貓走去金魚館兜咗個圈......金魚有乜鬼好睇吖? V媽媽舖頭大把啦!!

 (覺得依張相幾靚，所以特登貼出來! )

 見有板可以畫野，Mr.T 技癢又要留返個真跡......

 唔知點解畫到我個樣咁鬼嬲?

Mr.T 話: 係喎!

 即時改返我做開心樣!

 天完全黑哂......走人!