蠔油冬菇炆豬脷豬手

原本只係想炆豬脷，見冰格仲有一隻豬手順便炆埋佢!

1. 冬菇浸水一晚後搾乾水切去菇蒂(我會留返d菇蒂來煲湯! ); 冬菇放碟內加入鵝油1小匙拌勻，加入薑片蒸1小時; 燒熱白鑊，倒入花菇和蒸出來的汁炒至乾身。


2. 豬手刮清細毛及斬件。

3. 豬手和豬脷一同汆水5分鐘，撈起豬手沖淨瀝乾; 豬脷刮去厚皮沖洗乾淨，切件備用。
(如何處理豬舌脷苔厚皮click here~)


4. 燒熱油鑊爆香薑片和拍扁蒜頭，下豬手和豬脷爆炒一會至金黃，加入(1)之冬菇兜勻後灒酒。


5. 下蠔油和少許老抽兜勻，加水至剛好浸過所有材料，再加入一小塊冰糖煮滾。


6. 蓋上鍋蓋，轉小火炆1.5小時，期間間中反轉豬手和豬脷。


7. 1.5小時後熄火不要開蓋，焗最少30分鐘。


8. 再次煮滾，勾粟粉水芡至汁稠，上碟即成。