我成為了準媽媽的19個星期 (2016年2月19日)

今日剛好19w~ Due day 雖然係7月中，
不過醫生話triplets 大約35w 就可以卸貨 - 即係6月中左右!
換句說話我既大肚生涯已經過咗一大半...time flies~~~~ @@

自從7w 照到3粒花生，12w 第一次正式同123見面!
之後每2星期見一次.........


12w (2016年1月5日)

B1

B2 + B3  第一次正式見面，B3(右)好唔比面地用背脊對住我地.......

碌咗一輪先肯乖乖轉過身來影相! XDDDD


14w (2016年1月19日)

B1似葉問，一照即時踢腳又搖手~

B2老闆格，咁細個就學人蹺腳! XDDD

B3可能唔鍾意影相，今次爬咗上B2上面，攪咗好耐先肯落返來乖乖度頭仔......
3個都好鬼曳! 果然係馬騮來!!!

14w 走去剪短咗頭髮.........

3個半月著闊袍大袖都已經遮唔到.........

雖然個肚仲未見有紋，不過成日覺得肚好痕! 係時候開始要搽cream 嘞!!
本來打算買好多人推介英國最普遍既Palmer's cocoa butter，
但我實在頂唔順佢又厚又黐立立既質地 + 果陣濃烈既朱古力味! XP 
正好依隻Cussons Mum & Me 超市做緊半價，香味清淡好乾淨既感覺，
好有效止肚痕呢~ ^^


暫時除咗V媽媽買比我果2條大肚婆褲之外，我一件大肚婆衫都無買過!
只係買咗6條加大碼既厚legging~

有時想著裙，但蘇格蘭仍然凍 + 間中會落一兩場雪，我需要較厚既襪褲~

以前一直著開細碼，但而家當然要加大..... =P

之前無論冬天夏天一直都係浸浴, 所以一直都無用浴缸墊，
有咗BB後要沖shower，鋪返張墊安全好多! 不過英國d 浴缸墊款式好鬼老土......
好彩比我喺IKEA 搵到依塊平靚正既cute cute 鱷魚! ^^

隨住個肚越來越大，沖shower 企喺度洗腳板好高難度!
依張IKEA 膠櫈仔高矮啱啱好適中，沖涼時坐喺度洗腳就唔怕跌親~


16w (2016年2月2日) 

B1今次一見面即同我地揮手! ^^ 醫生話B1係女仔來呢~ ^^

至於B2........

同埋B3兩個搗蛋王似乎越大越曳! 每次照B超都超大動作郁來郁去，
淨係度頭仔都攪咗好耐，暫未睇到性別~

是日產檢後Mr.T drop 我off 行咗一陣街，知道最少有一個女仔，
見到Minnie 手套仔襪仔好可愛就買下來~ ^^


18w (2016年2月16日)

已經第4次正式照B超...一次比一次曳!
今次3個都碌來碌去打大風咁款，一張靚相都影唔到~

B1巴黎鐵塔反轉再反轉.........

B2....... =_="

B3.......囧.........

醫生話佢地太活潑，今次d B超無一張影得清楚~
醫生抱歉地: I've tried my best! LOL
不過醫生話曳曳孖B都應該係女仔來...女仔都咁鬼曳，真係滴哂汗!! XDDD

暫時我個肚仲未見有紋........

不過有d後悔十幾歲時懶有型走去釘臍環，
而家個肚大咗，臍環窿好似少林足球黃金右腳咁拉到闊哂...... XDDDDD