V家愛心包裹 + 情人節禮物 (2016年2月26日)

好鍾意收包裹既感覺! 
每次收到包裹，無論係禮物或online shopping 都好開心~
一日收2次包裹，雙倍開心!! ^^

尋日1粒鐘內收到2個包裹...第一個又係V媽媽寄來既! ^^

野生冬蟲草

桑寄生茶

V媽媽話盒桑寄生喺個盒裡面"咯咯"聲，所以特登搵包髮菜墊住等佢好有聲! XDDDD

香噴噴靚菜乾一大包

陳年鹹柑桔 (三層密實袋再加個膠盒，完全無漏好安全呢! ^^)

黑忟忟絶對陳年! 正~~~~~

之前V媽媽寄過2條厚身內裡有毛裡既大肚婆褲比我; 
今次依2條係夏天既，褲頭可以調較鬆緊，整個孕期都唔洗再買褲咯~ ^^

剛好20w，個肚大得好快...明明屋企都有全身鏡，喺屋企反而好少影個肚，
反而出街去親試身室都忍唔住影吓! LOL


V媽媽之前話買幾條孕婦裙比我，不過我覺得一來又貴，
二來生完BB又著唔返，叫佢唔好買~ 
於是佢買咗2件衫1條裙比我instead.......

全部都係XXL! @@ 咁鬼大件基本上同孕婦衫無分別 XDDDD

多謝另一位靚靚準媽媽Carolyn 送比我坐月用既薑梘，仲特登攞去比V媽媽呢~ ❤


剛安置好V媽媽寄來既包裹，門鐘又響送來第是日第2個包裹........

等咗足足2星期先有貨既情人節禮物~ ^^
其實如果唔係有咗BB，無耐性慢慢磨豆睇火煮豆漿既話，我會揀個手袋! XDDD

英國soup maker 好少選擇，而且大部份設計都好醜樣!
雖然等咗2星期，不過依個好靚仔呢~~~~ ^^

簡簡單單應該唔難用~

裡面附有既食譜書 ^^