金猴年迎新...野!

其實我屋企真係好多杯! 不過最近經常發軟蹄打爛杯，
咁打爛咗就緊係要買新既補返啦! 何況仲要有字母~ ^^

好耐之前買咗一set LC matte black 湯盅，不過一早比我打爛咗一個.......
無耐前又比Mr.T 打爛埋剩低果個.........

打爛我d野就緊係要賠啦! 本來買返依套深灰色........

不過過咗幾日見到依套淺啡，靚過深灰喎! 攞返去店換顏色! =P

今年農曆年唔知點解突然唸起一樣我好鍾意食既賀年點心 - 糖環~
不過從來未見過Glasgow 有得賣，咁唯有自己整啦!
即時上網買咗套糖環模，好心急想試吓呢!! ^^

雖然我已經有AirFryer，不過始終唔可以完全代替到用油炸，
炸糖環就要用油炸啦! 咁啱見到雪平鍋減價，20cm 用來炸野夠哂大~

其實以前都用過雪平鍋，不過只係12蚊店貨仔，
手工質量完全比唔上依隻真正雪平鍋!

其實我已經有2隻不銹鋼既balti dish - 印度人用來盛咖喱上桌既tableware~
不過copper 既真係靚好多! ^^

買咗2隻細 + 1隻大.........

好靚~ 好靚~~ 好靚~~~ ^^



早前喺FB見到有人share 依段片 - 手搖壽司卷器~
朋友告知原來12蚊店有售，可惜英國無12蚊店啦........

不過我又真係覺得好過癮好想要一個...好快就比我ebay 搵到!
賣家係日本人，免郵日本寄來，咁當然唔止12蚊啦~ 不過貴少少無所謂 ^^

發現包裝裡面無厘頭有粒哈撈吉蒂糖.......

原來係咁! ^^ 依個seller 好cute~ 下次有機會會再幫襯返佢!

可以將瓜類或根菜類既蔬菜刨成意粉狀既刨

一向都係用方便既即棄唧花袋，不過一來唔環保，
二來如果一時間用哂無存貨就麻煩...依個矽膠唧花袋可以循環再用~ ^^

鴨鴨浴缸塞

可以through USB 來叉手機既小巧充電器，
仲可以將手機影既相搬去電腦，貪佢似鎖匙扣咁細個~