2014年11月10日星期一

Everything happens for a reason!

逢星期六朝早Mr.T 會返office 3粒鐘,好多時我都會跟埋佢去愛丁堡,
依3粒鐘我就去食個早餐行吓街等佢,3粒鐘話咁快就過~

因為各種原因e.g. 我太夜瞓起唔到身...天氣太差...我已經好多個星期六無去愛丁堡!
好掛住愛丁堡d shop!! 剛過去既星期六一早見到大大個藍天,即時精神哂彈起身去梳洗~

下個月又話聖誕,間間店都推緊Christmas shopping...無逛一排既店,果然多咗好多新貨! 不過聖誕前後都會有勁減價,暫時仍要手下留情!

短短3粒鐘兼忍手下,收穫都唔錯啊! ^^


La Cuisine De Veronica 日式鑄鐵鍋
雖然明知遲吓有大減價,但有d野已經等咗太耐,係時候出手...就好似依個日式鑄鐵鍋!
星期六因為Mr.T office 有少少手尾攪遲咗接我,我想逛既店又逛哂,
於是我入咗一間平時絕少逛既阿婆百貨公司打發時間......
竟然比我遇見依個已經想要好多年既日式鑄鐵鍋!


La Cuisine De Veronica 壽喜燒 Sukiyaki
08年我整過壽喜燒Sukiyaki (食譜click here~)
當時我已經好想買一個日式鑄鐵鍋! 不過店完全無見過,網上又賣得超貴,
最後放棄退而求其次買咗相中依個鋁合金不沾淺鍋~

往後幾年返親香港行上海街都見到依種日式鐵鑄鍋,三番四次都想買一個帶返來,
奈何鑄鐵實在太重秤好浪費行李磅數啊~ 寄返來郵費亦好重皮...點都係超貴! 
我買野從來唔會焗住比一個自己認為唔值既價錢,我寧願唔要既啫!!
所以基本上我一早已經完全放棄咗依個日式鑄鐵鍋,
估唔到因為Mr.T 遲到比我有緣搵到佢! ^^


La Cuisine De Veronica 日式鑄鐵鍋
依個鍋係該店聖誕禮物區推廣其中一件貨品,正常情況聖誕前後都有機會勁減價!
之但係.......
(1) 依個鍋既外型、size + 手工100% 符合哂我要求;
(2) 價錢好平 - 係我見過同size 同質量之中最平既!
(3) 貨架上只有4個......

就以上3點,以阿V多年格價敗家經驗去分析...等到減價好大機會賣鬼哂!
若當年08年我搵到咁平既價錢,我會即時買,而家更加唸都唔洗唸即時立一隻啦!! ^^


不過洋人似乎唔係好清楚依個煲其實係用來做乜........


裡面仲有薑粉 + 乾辣椒碎各一包........


重甸甸鑄鐵無花假! 實在好難相信咁平既價錢可以買到一個手工好既鑄鐵鍋~
由於個煲無塗層,搵日得閒要幫佢開煲呢!


La Cuisine De Veronica 香腸機
舊年年尾買咗個sausage maker 到而家仲未開光!
之前買過腸衣呆喺雪櫃呆到過哂期..........


La Cuisine De Veronica 腸衣
買返盒唔洗放雪櫃既腸衣~ 一定要快d開光!!


La Cuisine De Veronica 朱古力筆
朱古力筆減價,買枝用得最多既dark chocolate~


La Cuisine De Veronica Moffat Meabows
好耐之前網上見到依樽香草花海鹽,好想要~
不過網上買delivery charge 仲貴過樽鹽!


La Cuisine De Veronica Moffat Meabows
終於比我遇到現貨,好開心~ 顏色好靚呢!


應節用品.........


依套聖誕蛋糕裝飾有必於一般"Merry Christmas",而係"Ho Ho Ho"好特別啊! ^^


雪花曲奇模


依本書教用朱古力來裝飾蛋糕,裡面既技巧好有用呢! ^^


香港廣生茶行出品既茉莉花茶茶葉 (我貪佢個茶葉罐有特色!)


£1店又有好野!


花花矽膠朱古力模...花花形狀似高級朱古力呢~


早排跟Mr.T 南下出trip 時買過一枝設計完全一模一樣既蛋糕裝飾筆(網誌),
用過後的確係好好用! 真係估唔到£1店都有得賣~ 
坦白講£1店依枝手工的確無果枝咁好,但質料大同小異,而且價錢只係1/4! ^^


價廉物美既忌廉抹刀...鍾意佢夠硬身~


 
之前買過既有框隔渣袋,用來磨豆漿整豆腐花一流! 買多一隻~


英國d翻糖喱士矽膠模貴到黐孖筋! 細細塊郁吓都要10幾20鎊!! @@
上網買3塊大既連郵費...£8有找~ ^^


仲有我至愛既鴨鴨~~~~


好平既Wilton 朱古力叉


Wilton 翻糖印專用顏色


Toy Story 4色食用色素顏色筆


之前唔小心整爛咗個用來做手作仔既手動鑽,去過好多art shop 都搵唔返,
唯有上網搵...發現手動鑽價錢同電動鑽差唔多! 咁緊係買個電動架啦!!


成套好迷你~


好pro 好齊全!



買時只單純唸住用來鑽孔,收到先發現依套野仲有好多功能!
一時間成咋鑽咀...都唔知有乜功能!!?!?! 要時間慢慢摸索一下.......


雖然我叫做識織野...但只係獨沽一味織頸巾~ =P 希望可以挑戰冷帽成功啦!


依個就快變古董但全新既衣車,係Mr.T N年前送比我,我一次都未用過...因為唔識用!
我同自己講: 今個冬天我一定要學識點用! 最少要有一件見得人既製成品!!


所以我買咗包布碎........


一包有4款...雖然係花花,但都唔係好靚...勝在好鬼平,車衰咗都唔會心痛嘛!
等我學識技術又精咗先買靚布~ ^^


6隻鼠鼠...去pet shop 去得越來越密...... XDDDD






15 則留言:

  1. Mrs T , 請問個鐵鍋在那間百貨公司買?我都好鐘意呀 唔該。

    回覆刪除
    回覆
    1. Mrs T ,
      多謝你! 我尋日買咗啦 好鐘意呀

      刪除
    2. 妳買係咪有20% off? 估唔到一個星期就減價......不過原價我已經覺得好抵~ :D

      刪除
    3. 係呀平多£5.00,多謝你時常比D好介紹我地,等閒買D九菜同菜油清潔吓

      刪除
    4. 我南下時見到BHS 開始減價,雖然比多咗少少錢,不過我都無後悔早d買咗~ 返到蘇格蘭BHS 竟然未減價,今日先開始減!

      刪除
  2. 我都有買整香腸架,同妳一様從未動工,就妳整完分享吓

    回覆刪除
  3. 我想問吓你de buyer隻wok好吾好用,因為我都想買一個, thx

    回覆刪除
  4. Mrs T, 唔好意思又係我啊,我喺de buyer 個網址見到force blue wok ,個樣睇落去好似好好用咁,想問你有冇見過實物?我在考慮買force blue wok or 你介紹個隻,不過我嫌你買嗰隻太細,但係又唔知道force blue wok 係唔係好似cast iron 咁重

    回覆刪除
    回覆
    1. 我隻係28cm, 妳知唔知仲有隻32cm?
      Force Blue 系列無用過 + 無見過,無可奉告~ 不過以我所知Force Blue 價錢平過Mineral B 好多,質料亦唔一樣,依點妳自己衡量
      BTW De Buyer 官網每隻鑊都有註明重量

      刪除
    2. oh i thought you bought the 32cm one. anyway 32cm still too small for me, the Force Blue wok has 40cm i bought it already but have to wait for 3 weeks cos it's currently out of stock. I will let you know if it's good.

      刪除

Related Posts Plugin for WordPress, Blogger...