我會以"去舊迎新"既方法來獎勵自己!
剛過去既weekend 我開始咗迎新嘞!
(其實都唔係去咗好多舊......
)
第一站係依度!
先去醫飽個肚先慢慢行~本來唸住食返上次既confit duck.......
點知一睇餐牌......已經無咗confit duck!!
(唔知第日仲會唔會有呢?
)咁食肉丸囉......
我 + Mr.T 兩個人......
叫咗咁多野食!
食完2大碟肉丸配薯蓉 + 肉丸配pasta 其實已經好飽......
個士多啤梨撻好鬼甜，撻底又淋劈劈...唔合格!
個啫喱就唔錯，唔太甜~
依個煙三文魚配佢地既蒔蘿汁(dill sauce)真係好好味!!!
原來喺IKEA 食野都唔平呢! 依餐都食咗£17......
食完野即時"開工"!
其實今次係特登去IKEA 買依塊野! 
早幾日無聊睇IKEA website，
無意中發現依塊45cm x 62cm 附心型膠刮既矽膠墊~
雙面圖案可直接用來唧朱古力花;
容量 + 溫度換算對照表;
刮板一邊扁平，可用來剷起朱古力圖案;
另一邊心型，可用來印餅乾;
塊墊面積夠哂大，而且啜枱唔會跣，
用來搓麵包粉糰一流!
我強力推薦依塊矽膠墊!!
http://www.ikea.com/hk/zh/catalog/products/30175258
上次買咗一盒IKEA大既密實袋，
雙重封密膠邊，質地厚唔易穿袋，
用後覺得比超市任何牌子都好!
今次買埋盒細既!
洗碗海綿一排~ 紅、黑、白3色組合好有型，
我唸用佢來洗碗都會洗得特別有型!
碟三文魚個蒔蘿汁實在太好味!
買樽返屋企慢慢嘆~~~~
右邊果樽希靈魚子用來配炒滑蛋，又鹹又鮮又香兼卜卜脆!
IKEA 真係好好玩! 攞咗大叠食譜咭~
離開IKEA，下一站Le Creuset......
去買依隻雀仔 - Pie Bird Fennel~
上次焗咗個steak and kidney pie 後就想買依隻雀仔!
係咁用既!
作用係焗面積較大既批時支撐住批皮防止下陷;
焗批裡面既汁滾時，蒸氣會由雀仔咀噴出，
防止出現谷爆批皮漏汁既情況!
造型可愛~ 唔焗批時可以用來做廚房裝飾呢!!
再下一站 - TK Maxx......
Le Creuset baby pink pie dish
反轉睇得清楚d個顏色~
紅色pie bird 配淺粉紅pie dish 都幾襯吖!
TK Maxx 既收穫仲有......
20cm 靚仔白色陶瓷sauce pan;
豬牛羊部位圖tea towel~
早幾日無聊睇IKEA website，
無意中發現依塊45cm x 62cm 附心型膠刮既矽膠墊~
雙面圖案可直接用來唧朱古力花;
容量 + 溫度換算對照表;
刮板一邊扁平，可用來剷起朱古力圖案;
另一邊心型，可用來印餅乾;
塊墊面積夠哂大，而且啜枱唔會跣，
用來搓麵包粉糰一流!
我強力推薦依塊矽膠墊!!
http://www.ikea.com/hk/zh/catalog/products/30175258
上次買咗一盒IKEA大既密實袋，
雙重封密膠邊，質地厚唔易穿袋，
用後覺得比超市任何牌子都好!
今次買埋盒細既!
洗碗海綿一排~ 紅、黑、白3色組合好有型，
我唸用佢來洗碗都會洗得特別有型!
碟三文魚個蒔蘿汁實在太好味!
買樽返屋企慢慢嘆~~~~
右邊果樽希靈魚子用來配炒滑蛋，又鹹又鮮又香兼卜卜脆!
IKEA 真係好好玩! 攞咗大叠食譜咭~
離開IKEA，下一站Le Creuset......
去買依隻雀仔 - Pie Bird Fennel~
上次焗咗個steak and kidney pie 後就想買依隻雀仔!
係咁用既!
作用係焗面積較大既批時支撐住批皮防止下陷;
焗批裡面既汁滾時，蒸氣會由雀仔咀噴出，
防止出現谷爆批皮漏汁既情況!
造型可愛~ 唔焗批時可以用來做廚房裝飾呢!!
再下一站 - TK Maxx......
Le Creuset baby pink pie dish
反轉睇得清楚d個顏色~
紅色pie bird 配淺粉紅pie dish 都幾襯吖!
TK Maxx 既收穫仲有......
20cm 靚仔白色陶瓷sauce pan;
豬牛羊部位圖tea towel~
豬牛羊部位圖tea towel 好得意
回覆刪除[版主回覆03/20/2012 23:11:22]一千零一塊，好彩我手快!
套床單同喱屎好靚啊！！
回覆刪除[版主回覆03/20/2012 23:12:02]2樣我都好鍾意呢!
Hello V,
回覆刪除你係未鐘意係買一堆新野前,又會 dump 下 d 舊野先呢?....我呢.....屋企得果 2 個人..屋企有 成 40 隻碟, 又唔會一次過招呼一大棚人來...所以都要"分段式" dump 咁 一d 碟...今日我先揀左 3 隻 dump...而家剩番 19 隻..我發覺我自己只享受擁有果一殺那...之後就放埋一邊..
無呀...見你今日買d 廚具...突然有感而發,問下你 如你心態不是(即你好珍惜及享受你每個廚具), 請勿介意
[版主回覆03/20/2012 23:21:12]我係好鍾意買野，不過我其實好少買之前揼舊野! 我買每一樣野都會好珍惜 + 物盡其用，所以我老公先會任我買!
今次大掃除係因為我農曆新年返咗香港過無打掃過廚房，所以徹底d，將一d用咗比較耐或唔係咁好用既廚具執出來~
我好少揼廚具，我揼得既一係唔好用; 一係比我用爛咗; 一係我買咗另一件更多功能可以取代到舊果件!
[Mok回覆03/20/2012 22:59:23]應該話 : 你會好好珍惜並善用每一件廚具
原來隻雀仔係咁用嘅。。。
回覆刪除[版主回覆03/21/2012 07:38:31]原本pie fennel 唔係雀仔造型，做成雀仔模樣係後期既事~
我好中2塊膠墊!!好特別!!
回覆刪除[版主回覆03/21/2012 07:37:37]塊膠墊一塊來架! 雙面啊~
收穫好豐富啵~
回覆刪除我都好想清下個廚房D野架﹐不過未搵到新既前唔清得~
[版主回覆03/21/2012 07:36:23]其實我都唔係清咗好多野，多數係一d花咗或比較少用既碗碟煎pan 之類.....咁先有藉口比自己買新野嘛!
快d開工清廚房啊妹妹妹!!!
我上次去IKEA都買咗嗰塊墊!
回覆刪除不過我想唔到個心形有乜用, thanks for your advice!
[版主回覆03/21/2012 07:32:27]咁啱既~ 依塊墊真係好啱鍾意整麵包蛋糕既人!
其實我都係睇到IKEA website 介紹我先知個型用來整餅乾架咋~
Happy Shopping..
回覆刪除你塊附心型膠刮既矽膠墊好靚吖....
Ikea 嘅三文魚醬好好味架....我好鍾意...
[版主回覆03/21/2012 07:30:08]哈哈~~~~ 買親野我都開心!
鍾意整麵包蛋糕既人，果塊膠墊一定啱用! 妳都考慮買返張吖~
附心型膠刮既矽膠墊唔知香港有冇得買呢???
回覆刪除[版主回覆03/21/2012 19:23:17]有呀~ 我預咗有人會問，所以上面貼咗香港IKEA條link!
不過係存貨量低唔可以網上order，記住去前先網上check 分店存貨! 前日check 九龍灣分店好似已經無貨，其他2間仲有~
豬牛羊部位圖tea towel，好有趣！
回覆刪除[版主回覆03/21/2012 19:48:30]係呀~ 我眾裡尋它一千零一塊，即時手快立咗佢!
洗碗海棉好靚呀...平時我只係見過黃色加綠色咋...
回覆刪除[版主回覆03/21/2012 19:47:42]我都覺得好型! 雖然有d無聊，不過忍唔住要買~
我覺得隻雀仔好得意ar,hahahah
回覆刪除[版主回覆03/21/2012 19:46:31]係幾得意架! 如果唔靚唔得意我唔會買~
矽膠墊好好喎, 唔知香港有無得賣呢
回覆刪除[版主回覆03/21/2012 19:23:04]有呀~ 我預咗有人會問，所以上面貼咗香港IKEA條link!
不過係存貨量低唔可以網上order，記住去前先網上check 分店存貨! 前日check 九龍灣分店好似已經無貨，其他2間仲有~
我都有買O個盒密實袋呀, 超正呀, 又抵用~GOOD! 妳兩個可以食咁多粒肉丸既, 我食到怕咗呀, 而家屋企仲有一大包呀!
回覆刪除[版主回覆03/21/2012 19:44:31]咁遲先發現佢地d密實袋咁正真係走寶! 之前我用超市買既無論平貴都唔夠IKEA 質地咁好! 我以後都只買IKEA~
我都好耐無食過IKEA 肉丸嘞! 以前我地都會買大包返屋企，不過而家唔嘞.....咁鬼大包次次都有排先食得哂!
好羨慕英國有pink color嘅LeCreuset...美國有都好少...仲要係水煲之類...我至唔好嘅綠色...反而有好多shade...唉~
回覆刪除[版主回覆03/21/2012 19:30:58]仲有一隻baby blue 架，不過一來我唔鍾意藍色 + 綠色，二來baby pink 靚d + 襯隻紅雀多d!
塊膠墊好靚, 唔知香港IKEA有無呢...
回覆刪除[版主回覆03/21/2012 19:21:02]有呀~ 我預咗有人會問，所以上面貼咗香港IKEA條link!
不過係存貨量低唔可以網上order，記住去前先網上check 分店存貨! 前日check 九龍灣分店好似已經無貨，其他2間仲有~
個LC 粉紅色碟好靚呀 !!!
回覆刪除[版主回覆03/23/2012 19:38:16]仲好襯隻雀仔呢!
塊矽膠墊好好喎。可惜宜家住呢邊完全唔就腳，都有一段長日子先會去宜家。
回覆刪除[Ka回覆03/24/2012 03:56:15]睇過，呢個佢無做online buy
[版主回覆03/24/2012 03:08:37]妳唔睇吓上網有無得賣? IKEA 都有online shopping 架嘛~
[Ka回覆03/23/2012 23:00:49]希望我下次去時仲買得到。
[版主回覆03/23/2012 19:30:45]依塊墊真係多用途又好好用，鍾意烘焙既人好應該買返張!
宜家賣既東西......不太貴又實用....我都好鍾意
回覆刪除[版主回覆03/23/2012 19:28:36]勝在選擇多價錢又平~ 不過有時佢地既野設計太新潮我接受唔到!
隻pie dish 好靚呀！請問幾錢？thx.
回覆刪除[版主回覆04/14/2012 10:12:30]唔好意思~ 已經成個月之前既事，而且我買咗其他野，唔記得單件個別物品價錢啊!
外國IKEA啲嘢真係非常好食又抵食
回覆刪除[版主回覆06/16/2012 18:12:37]香港都有IKEA，香港IKEA d野都好食又抵食呀! 外國個月亮唔見得特別圓~
因爲香港d嘢食唔貴，米顯得IKEA唔係特别平咯，
回覆刪除但如果喺歐洲要買5p一條熱狗，3p一杯hot chocolate，我諗只有IKEA
[版主回覆06/16/2012 20:52:55]仲有我唔知香港IKEA 有無分開，不過英國IKEA 係有分開Restaurant + Bistro 既!
Bistro 喺過咗check out，只賣熱狗汽水薯條雪糕等小食;
而Restaurant 係另外供應熱餐既! 我上面依餐係喺restaurant 裡面食，IKEA 食£17我唔覺得平.....
[版主回覆06/16/2012 20:42:08]5p一隻熱狗? 3p一杯熱朱古力?? 妳有無記錯? 定係幾多年前既事? 我真係未見過囉! 細熱狗而家60p一隻~
今年過年喺Helsinki間IKEA幫襯過，Hot chocolate係3p，熱狗餐應該係1 euro
回覆刪除[版主回覆06/16/2012 21:14:36]妳講緊芬蘭，芬蘭用歐羅唔係用英鎊，所以根本唔會係3p (pence)，會係3c (cents)囉!
熱狗無可能會5p - 6毫港紙一條熱狗邊有可能吖? 1euro 就正常好多!
係呀，唔好意思溝亂咗
回覆刪除總之Hot Chocolate 3蚊港幣（呢個肯定，因爲我好中意飲，飲咗3杯）
熱狗1 euro 有包有汽水 汽水任斟
[版主回覆06/16/2012 22:34:22]3蚊港幣 </// 咁即係3c 都唔係，應該係30c! 3c 只大約港紙3毫子~ 汽水歐洲好多連鎖餐廳都係任斟任飲~