一個weekend 買勻3個地方! (London, Birmingham & Glasgow)

自從Mr.T 去咗Birmingham 做野之後，

除咗擴大咗我shopping 既範圍，

仲大大提升咗我既血併能力!

剛過去既weekend 我血併指數直達"癲瘋"，

Shop 足London, Birmingham + Glasgow 三地!!

去相~~~~~~~~~

上個月情人節講過 - 我既情人節禮物將會係一部新laptop~

不過而家比較少時間見到Mr.T，

一直無認真討論過揀過要邊部!

星期五(3月23日)我去到Birmingham 見到Mr.T......

佢已經買咗部新laptop......

原本係比我既，不過我唔鍾意!!

我都知道依部係好野來......

而且佢又快又型仔......

不過對瘦小既我來講...佢實在太太太太重嘞! 

都係留返比Mr.T 用，我已要求要過另一部!!

至於係邊部......等我慢慢唸吓先啦!!! 哈哈~~~~~

星期六(3月24日)去咗倫敦，今次特別去行Camden Market，

上次去時落狗屎，雨大到完全行唔到，

今次補返數行過夠本!

(Camden Market 之行將會不日呃post 貼出~)

Camden Market 係英國有名fashion 地，

各路鍾意古著既fashion 型人必到此地尋寶!

古著我就無膽著嘞......

一來唔知上手(或再上唔知幾手)係咩人;

二來最重要係我有潔癖!

不過Camden Market 除咗古著之外，

仲有其他既"古物"，而吸引到我既就係......

Vintage cameras!

離遠一見到依檔野，我已經忍唔住小聲尖叫歡呼~~~~

行到埋去Mr.T 見我雙眼發光，就叫我揀一部~

花多眼亂! 其實好多部我都鍾意，

不過有d實在太殘舊，舊到好似掂一下都會散哂咁款......

眾裡尋它我選中咗佢 - Kodak Duaflex II

我選依部因為佢外型仲保存得好好~

而且佢係英國倫敦製，啱哂紀念今次倫敦之行!

(Kodak Duaflex II 英國生產年期約為1949 - 1955)

檔主話佢賣既所有老爺相機，全部都仲work 既!

我都好好奇睇吓依種老爺機影出來既相係點既樣?

希望仲可以買到依種菲林啦!

不過就算買唔到菲林影唔到相，

我都好鍾意依部老爺相機會好好收藏~ ♥

自從買咗部Samsung Galaxy 後，

一直好想買粒防塵塞塞住earphone 位個大窿!

不過英國手機配件遠比香港少 + 醜，

Mr.T 之前網上order 咗隻鴨仔比我又未收到......

咁啱喺Camden Market 小檔攤見到咋韓國防塵塞!

買咗粒紅玫瑰頂住檔!

插咗落去之後突然覺得粉紅玫瑰會靚d.......

接住依樣唔係我既......

係Mr.T 既新手機 - Huawei Blaze~

我 + Mr.T 多年來一直都係用同型號既手機，

今次終於打破咗依個傳統......

因為我部Galaxy Europa 實在太鬼細部，

手指粗既Mr.T 試用我部時篤到火滾!
依部screen 大一倍for Mr.T 易篤好多!!



行完Camden Market 搭巴士去Piccadilly 食飯，
不過唔小心早咗落車!但錯有錯著喎.......
落車處正係之前去過既韓超Centre Point Food Store!

既然一場來到，當然要入去逛逛~~~

收穫: 素麵1大包; 湯麵4小包 + 粟米鬚茶1枝
枝粟米鬚茶完全係因為未試過貪得意，
不過仲未試未知係咩味...試完再話比大家知~



終於返到Piccadilly!
食飯前我有2處地方要先去......
1st Stop@Uniqlo Regent Street~蘇格蘭無Uniqlo，
所以我去親倫敦都一定會入去打個白鴿轉，

今次係特別去買Uniqlo x Hello Kitty~

我本身唔係吉蒂迷，我揀依款就係鍾意佢無咩吉蒂feel + 有少少怪雞!
好看嗎?



買完吉蒂T再行過隔離街Japan Centre......
3星期前喺Japan Centre 已經見到依隻日清以外既高筋 + 低筋麵粉 - 理研......

當時心大心細好唔好買來試吓呢?
不過礙於屋企高、低粉都已經有非常充裕既存貨，忍手無買到~
但3星期以來一直對依2包麵粉念念不忘好想試吓，
今次把心一橫買哂佢!
重就係重d，不過有Mr.T 做搬運嘛!!



第二日星期日(3月25日)特首選舉當日，
我地一早搭火車由倫敦返到Birmingham......繼續shop!
第一站係好似我自己有股份既TK Maxx~
(我話好似之嘛!)

Cath Kidston hand lotion~ ♥


上星期焗餅乾時我發現......
我屋企2個淺既baking tray，
原來個底都係有少少曲曲地唔平既!

今次依個夠哂平! 而且仲係陶瓷不沾既呢~



下一站去咗一間之前我喺Birmingham 發現既家品店，
本來今次係想返去買多1隻咖喱碟......

依塊手提電動打蛋器用既防彈cover，
我只考慮咗1秒就決定買!
因為上星期剛剛整咗餅乾，
我深深感受到當乾材料 + 濕材料未打勻時百花齊放既盛況......
有咗依塊野以後用手提電動打蛋器唔洗再就住就住咯!!

當我遇見依個充滿Cath Kidston 風格既系列茶具碗碟枱布焗爐手套......

即時心花怒放愛不惜手!
不過考慮到我一個人攞唔到咁多野返Glasgow，
所以暫時刻制地買住2樣野先!
(雖然Mr.T 話我可以留低部份shopping 比佢weekend 先帶返去Glasgow......不過心急既我唔想等呢!)

1 set 2個餅乾罐~ 靚成咁點忍到手?

最開心係買到依套枱墊!
想買枱墊一段時間，心水亦係英倫風花花圖案，
不過之前一直未睇啱合意既~ 依套110% 大愛!! ♥ ♥ ♥ ♥ ♥
(見到花花太開心，唔記得咗隻咖喱碟......)



買到依個時候，我無可能唔留低部份shopping 比Mr.T!
留低咗我唔等用唔等食既麵粉 + 素麵，
星期一(3月26日)我揹住塞到就爆既行李搭火車返Glasgow~

中午返到Glasgow 見有大太陽天氣咁好，
我唔想咁快返屋企住! 於是.......
我揹住勁重行李又去咗趟TK Maxx!

其實我真係唔多鍾意Staub，
不過Staub 既stoneware 比LC 輕好多 + 價錢平一半......

之前想買隻細size LC baking dish，
最後買咗依隻平一半既Staub;

依2隻白色細碗，碗型 + 大小都好"飯碗"......我就係買來裝飯架嘞!



以下依個係掹車邊啱啱今日趕得切入閘......
(最近睇特首選舉睇到上哂腦! )

上星期已經睇中咗依個cute cute 迷你cake stand，
不過嫌佢貴無買到......

事隔唔夠一星期竟然減到半價! 殺你~~~~~~ ♥