紅燒舌片

由兩年前一道紅砵酒燴牛脷開始.........
之後農曆新年時佢夾錯一塊用來墊盆菜既煲湯豬脷.........
再後來一味蠔油炆豬脷........
Mr.T已經由昔日見到內臟會藐咀，
變成而家我整親豬脷時都會同我爭食!
原來愚公真係可以移山 + 鐵棒真係可以磨成針果喎~

1. 原條豬脷汆水5分鐘後，刮去厚皮沖洗乾淨，備用。
(如何處理豬舌脷苔厚皮click here~)


2. 炆鍋下油燒熱，爆香薑片、拍扁蒜頭花椒和八角。


3. 下豬脷煎至金黃，灒紹興酒。


4. 加入滾水至約豬脷一半，下適量生抽、老抽、蒜粉和冰糖煮滾。


6. 蓋上鍋蓋，轉小火先炆1煮小時，期間間中反轉豬脷。


7. 1小時後不要打開鍋蓋焗30分鐘，之後再開火炆約30分鐘。


8. 取出豬脷，打斜切厚片排上碟，淋上紅燒汁即成。