我地去咗喺附近但好耐無幫襯過既Wudon食lunch!
由於臨時先決定去Japan Fair，
之前喺屋企已經食咗野.........
Mr.T既冬蔭功烏冬~
以前幫襯過佢地，已經知道佢地個冬蔭湯底好正!
隔咗咁耐再幫襯，水準一d都無退步到，抵讚!!
份量足，蝦多又新鮮，仲要大大隻，再讚!!!
我既烤三文魚拉麵~
睇返其中一次之前去Wudon既食記，
有次我點咗個麵豉湯底綠茶湯麵，
結果湯底太濃杰，綠茶麵煮得太腍，
我仍然記得食完果碗麵感覺好漏.........
今次反璞歸真點返最基本既清湯底 + 普通拉麵，
麵來到時，我飲咗一啖湯底 + 食咗一啖麵後，
已經知道我今次無點錯!
三文魚大大片，面烤得香脆但裡面唔會過熟太乾，
依碗外表平凡既三文魚拉麵非常好味!!!!!
今次重點要讚依個Mr.T貪得意點既"大蝦綠茶麵卷天婦羅"!
唔記得咗餐牌上既名字，
不過係一碟4件，用紫菜包住大蝦 + 綠菜麵，
再沾天婦羅粉漿去炸後切件~
所以原本我對依碟野都無乜期望，
估唔到咁簡單既材料做法，出乎意料之外好食!
下一次去依個要再點!!
簡單好味又滿足既一餐~
在英國食日本菜，好似幾貴喎。
回覆刪除[版主回覆06/27/2013 19:12:11]其實喺英國出街食乜都貴，依d唔係日本人開既小店已經算平，依餐都成$300零蚊港紙.....不過喺依度生活，無得下下同香港比較架嘞~
間野D野食好企理WOR...唔會好油甘....
回覆刪除[版主回覆06/27/2013 19:06:30]妳唔講都唔特別覺......但妳一講又真係好似唔多油! 不過佢係我認為Glasgow 暫時食過最好食既noodle bar~
鐘意睇你們去品嚐美食,或者我好(為食)之故,見到有人食美味食品就好開心,多謝你呀Mrs.T
回覆刪除[版主回覆07/01/2013 01:57:36]我地約親朋友都一大班人，所以都係去酒樓飲茶居多! 星期一至五我煮喺屋企食，星期六日咪同老公拍拖出街食飯試新餐廳囉~
[緊張大師-小女人回覆06/30/2013 07:53:37]年輕人這不就是你們的生活嗎?我們老人家現在最開心替是安在家中,閒時同朋友出去逛逛食食聊聊,無約朋友就多會在家吃的
[版主回覆06/27/2013 19:01:33]我都好鍾意出街食周圍試新餐廳! 不過唔係餐餐都咁好食啊......
哇...咁豐富都叫食量比較少......>_<//, 但你地都唔咁瘦..可惡 >_<..keke
回覆刪除[版主回覆06/28/2013 17:41:55]我由細到大都係油浸唔肥架......
[小甫貓回覆06/28/2013 10:33:15]咁食都咁瘦..真係太太太可惡喇.......>_<
[版主回覆06/27/2013 18:59:45]依餐真係好少架嘞! 我地之前去一人一碗麵、一碟春卷、一碟蝦天婦羅、再加一碟雜錦壽司架!
大蝦綠茶麵卷天婦羅~~咁特別~!
回覆刪除[版主回覆06/27/2013 18:57:42]我都係第一次見，我都覺得依個卷非常特別，而且出乎意料之外好食~
大蝦綠茶麵卷天婦羅好特別, 好過癮呀! D麵係咪會脆卜卜咁, 真係未見過呢~
回覆刪除[版主回覆06/27/2013 18:56:51]我都覺得依個大蝦綠茶麵卷天婦羅非常特別! 而且出乎意料之外好食~
佢好似一般天婦羅咁外面粉漿薄又脆，裡面既麵唔脆架(我本身都唔鍾意脆麵!)，大蝦捲喺中間，炸到剛剛熟，好味!!
你都可以似吓整耶
回覆刪除[版主回覆06/28/2013 17:40:57]我真係想整架! 不過要先搵搵綠茶麵......