新玩具 - Chocolate Melting Pot ‧ 附生日朱古力牌做法

早幾日幫99朋友整完生日蛋糕後(網誌)，
我意識到我需要一個Chocolate Melting Pot!
說時遲，那時快........

我已經買咗個返來嘞!!

有blog友想我示範點整生日蛋糕上既Message朱古力牌，
正好承機為依個新玩具開光~

依個野除咗可以用來溶朱古力之外，
佢仲係一個chocolate fondue，包埋4枝專用叉~

不沾金屬碗同加熱器可以好容易分拆，方便製作 + 清洗~


Message朱古力牌做法:

1. 預備乾淨膠片或baking paper一張，底墊上砧板。

2. 不用調溫朱古力小塊或Candy Melts適量先放在碗中。
(碗一定要乾淨不能沾水啊! )

3. 開著加熱器setting 1。
(唔同牌子型號用法可能唔同，
我依個溶朱古力係用setting 1，請依照返個別說明書指示! )

4. 待朱古力開始溶化，以矽膠匙拌勻。

5. 待朱古力完全溶化，將溶液倒在膠片上，
連砧板一同拿起向不同方向打斜，
令朱古力溶液平均地攤薄及表面光亮平滑，放平待凝固。

6. 待朱古力薄片凝固後，先撕開膠片，再切出所需大小形狀。

用cutting board可以切得更工整!


7. 朱古力牌造好後先寫上祝賀語句。
可自行溶朱古力液或調製顏色糖霜液來寫字~

又可以用依種香港12蚊店有售既顏色朱古力筆;

我個人覺得糖霜比較易控制寫字時既線條，
而由於寫字用既糖霜份量少，所以我會用依種現成糖霜筆!
糖霜筆好處係攤乾後顏色會更加鮮明突出，
而且凝固後不化，非常方便~

8. 寫好祝賀語句後，就可以自行裝飾。

英國超市或烘焙材料店都好容易買到不同可食用既蛋糕裝飾......

依種威化紙花花堅挺得來輕如羽毛，
好適合用來做朱古力牌裝飾!

各式顏色造型糖花

各式彩糖

自行發揮創意，用朱古力溶液/食用膠水......
或好似我咁用糖霜筆將裝飾黏上朱古力牌上，
待乾就完成架嘞!

P.S. 相中依個成品既糖霜仲未乾，
所以字 + 星既顏色仲未現，唔夠鮮艷!
由於依個只係示範作，所以未待乾已經比Mr.T食咗.........