彩虹傳說Cake Pops (附做法)

傳說彩虹盡頭會有一桶金......


不過我曾經親眼見過彩虹盡頭......證實完全係搵笨既!
既然傳說係呃人，唯有自己整桶金出來發吓夢啦.......


早前無意中睇到人家既blog (Bubble and Sweet)，
見到依個彩虹cake pop 已經好想試吓整~
撞啱最近有個cake pop比賽，
於是我就整咗依個彩虹cake pop參賽!


我既做法同果位網主有些少唔同，大家可以對比參考一下~

1. 先將白朱古力用食用色素粉染成不同顏色，或可簡單用彩色朱古力筆 ，在膠片或baking paper上唧上彩虹，待凝固變硬成型。(網主用fondant來做彩虹!)

P.S. 緊記染朱古力千其唔可以用水溶性食用色素啊!


2. 製作圓形cake pop波波。(用機烤、用模焗或用手搓悉隨尊便!)Cake pop maker做法click here~


3. 黑朱古力一排打碎，以完全乾淨的杯盛起，隔熱水攪拌至完全溶化。(小心朱古力千其唔可以沾到水啊!! )
4. 棒棒糖棍先沾少許黑朱古力溶液，插上cake pop波波; 再將波波垂直插入讓黑朱古力溶液完全包裹波波，將棒棒糖棍輕敲杯邊數下讓多餘黑朱古力溶液流回杯中。

5. 將cake pop垂直放在膠片上(或baking paper)待朱古力凝固。

將cake pop垂直放在膠片上造出盆既邊邊!

6. 唧上朱古力溶液，黏上(1)的彩虹，再黏上金色糖珠珠，最後灑上少許食用金粉即成。


整開cake pop挑起咗條筋!
反正仲有蛋糕波波剩低，
加上比賽submit作品數量無限制........

再整多4隻我至愛既Pikachu!


不過今次依4隻Pikachu，
同上次整果咋有少少唔同.......(網誌)

喜.......

怒........

哀......

樂~


比賽仲有2日就截止，本來我打算再整多一set參賽，
不過99來電託我為佢朋友整個生日蛋糕.......
唔知我仲有無時間整多set cake pop呢?