2013年6月26日星期三

東南亞Fusion Noodle Bar - Wudon (2013年6月23日)

星期日去完Japan Fair後,
我地去咗喺附近但好耐無幫襯過既Wudon食lunch!

由於臨時先決定去Japan Fair,
之前喺屋企已經食咗野.........



所以今餐食量比較少!


Mr.T既冬蔭功烏冬~
以前幫襯過佢地,已經知道佢地個冬蔭湯底好正!
隔咗咁耐再幫襯,水準一d都無退步到,抵讚!!
份量足,蝦多又新鮮,仲要大大隻,再讚!!!



我既烤三文魚拉麵~
睇返其中一次之前去Wudon既食記,
有次我點咗個麵豉湯底綠茶湯麵,
結果湯底太濃杰,綠茶麵煮得太腍,
我仍然記得食完果碗麵感覺好漏.........
今次反璞歸真點返最基本既清湯底 + 普通拉麵,
麵來到時,我飲咗一啖湯底 + 食咗一啖麵後,
已經知道我今次無點錯!
三文魚大大片,面烤得香脆但裡面唔會過熟太乾,
依碗外表平凡既三文魚拉麵非常好味!!!!!



今次重點要讚依個Mr.T貪得意點既"大蝦綠茶麵卷天婦羅"!
唔記得咗餐牌上既名字,
不過係一碟4件,用紫菜包住大蝦 + 綠菜麵,
再沾天婦羅粉漿去炸後切件~

Mr.T好鍾意天婦羅,不過我就一般,
所以原本我對依碟野都無乜期望,
估唔到咁簡單既材料做法,出乎意料之外好食!

下一次去依個要再點!!

簡單好味又滿足既一餐~






Photobucket

7 則留言:

  1. 在英國食日本菜,好似幾貴喎。
    [版主回覆06/27/2013 19:12:11]其實喺英國出街食乜都貴,依d唔係日本人開既小店已經算平,依餐都成$300零蚊港紙.....不過喺依度生活,無得下下同香港比較架嘞~

    回覆刪除
  2. 間野D野食好企理WOR...唔會好油甘....
    [版主回覆06/27/2013 19:06:30]妳唔講都唔特別覺......但妳一講又真係好似唔多油! 不過佢係我認為Glasgow 暫時食過最好食既noodle bar~

    回覆刪除
  3. 緊張大師-小女人2013年6月26日 下午7:01

    鐘意睇你們去品嚐美食,或者我好(為食)之故,見到有人食美味食品就好開心,多謝你呀Mrs.T
    [版主回覆07/01/2013 01:57:36]我地約親朋友都一大班人,所以都係去酒樓飲茶居多! 星期一至五我煮喺屋企食,星期六日咪同老公拍拖出街食飯試新餐廳囉~
    [緊張大師-小女人回覆06/30/2013 07:53:37]年輕人這不就是你們的生活嗎?我們老人家現在最開心替是安在家中,閒時同朋友出去逛逛食食聊聊,無約朋友就多會在家吃的
    [版主回覆06/27/2013 19:01:33]我都好鍾意出街食周圍試新餐廳! 不過唔係餐餐都咁好食啊......

    回覆刪除
  4. 哇...咁豐富都叫食量比較少......>_<//, 但你地都唔咁瘦..可惡 >_<..keke
    [版主回覆06/28/2013 17:41:55]我由細到大都係油浸唔肥架......
    [小甫貓回覆06/28/2013 10:33:15]咁食都咁瘦..真係太太太可惡喇.......>_<
    [版主回覆06/27/2013 18:59:45]依餐真係好少架嘞! 我地之前去一人一碗麵、一碟春卷、一碟蝦天婦羅、再加一碟雜錦壽司架!

    回覆刪除
  5. 大蝦綠茶麵卷天婦羅~~咁特別~!
    [版主回覆06/27/2013 18:57:42]我都係第一次見,我都覺得依個卷非常特別,而且出乎意料之外好食~

    回覆刪除
  6. 大蝦綠茶麵卷天婦羅好特別, 好過癮呀! D麵係咪會脆卜卜咁, 真係未見過呢~
    [版主回覆06/27/2013 18:56:51]我都覺得依個大蝦綠茶麵卷天婦羅非常特別! 而且出乎意料之外好食~
    佢好似一般天婦羅咁外面粉漿薄又脆,裡面既麵唔脆架(我本身都唔鍾意脆麵!),大蝦捲喺中間,炸到剛剛熟,好味!!

    回覆刪除
  7. 你都可以似吓整耶
    [版主回覆06/28/2013 17:40:57]我真係想整架! 不過要先搵搵綠茶麵......

    回覆刪除

Related Posts Plugin for WordPress, Blogger...