2014年9月24日星期三

南下一週前後戰利品 (超長!)


上星期四(9月18日)蘇格蘭獨立公投,
不過禮拜頭我陪Mr.T 南下出trip 一星期,錯過咗投票機會.......
投票前夕,我地無論去餐廳食飯或雪糕車買雪糕,
人人都聽得出Mr.T 既Glasgow 口音,總會問我地一句"Yes or No?"
我地當然係better together 啦! ^^


上一篇敗家文我提過"洗面機考慮中"......
我心水係中價價位既Clinique Sonic or Rio Sonicleanse,
本來唸住上星期六(13號)扑槌,點知無意中比我睇到廣告,
星期一(15號)有一部超平價洗面機上市! 超平...其實並唔係重點......
重點係上市前夕有報紙美容專欄介紹過依部洗面機,而且評價唔錯!

於是星期一我晨早出去敗咗部返來! 朝早10點幾,貨架上只剩返十零盒........


依部洗面機我已用咗一星期,我個人認為好好用,而且效果幾明顯!
不過詳細review 留返遲吓先分享,因為我正考慮緊買唔買埋另一部機,
或者到時可以比較一下效果~


蘇格蘭天氣雖然仍然熱到標汗,但有風或落雨時真係開始感覺到寒意........

喺Primark 買咗一件可以摺細放入袋既薄羽絨,即係類似Uniqlo 果種呢~
款式同Uniqlo 幾乎一模一樣,個人覺得條領靚過Uniqlo! ^^


內外lining 同Uniqlo 一樣係100% 尼龍; 內裡都係90% 羽絨;
不過價錢...Uniqlo £39.90; Primark £23 ^^


著上身好輕好暖好貼身,身體好似包咗一層暖空氣,完全無擁腫既感覺!
近期出街最鍾意帶依件外套~


Primark 非常價廉物美! 依兩件款式一樣既V neck top 質地好靚呢!



以前一直只著純黑色既棉襪,不過成日比Mr.T 順手牽羊......
我睇吓佢敢唔敢攞我依d印花襪來著!!!!!!


我唔算係米奇米妮飯屎,不過依咋米妮實在太太太靚~~~~~~


Passport 套 + 行李牌


Tablet 套


不過我唔鍾意個粉紅蝴蝶結,又娘又阻訂...比我拆鬼咗! =P


Mr.T 網上見到依對超可愛倉鼠襪,買咗送比我!


直情同Mr. Buttons 餅印一樣! XDDDDD


粉紅靚靚星星刷


其實...三尖八角...有預感佢會唔好用! 只係純粹貪佢靚........


新既pizza 焗盆...我本身有塊pizza stone,不過實在太重! 
早前唔小心比塊pizza stone 夾到手指,一怒之下決定揼鬼咗佢!!!


雨季將近,水鞋又要出動! 買定兩對水鞋襪~


一向用開眼線液...最近用緊眼線gel...心血來潮來枝眼線筆!


以上果咋係南下前既戰利品~ 
南下一星期Mr.T 做緊野時,我緊係去行街啦!!

喺Coningsby 小鎮一間雜貨店搵到依盒超平點心組合........


個包裝咁old school 都知佢好有歷史...不過估唔到竟然係30年前既產品! @@


南下停留咗好多個不同地方,終於比我有機會行到蘇格蘭仲未有既HomeSense!
(* 愛丁堡就快開店嘞~ ^^)
不過行完之後...感覺同TK Maxx 完全無分別!! 不過都有收穫既........

復古碌saucepan


紅陶砵


其實之前都買過類似既蛋糕裝飾筆.........


不過依枝無論設計、品質、手工、功能...都同之前既差天共地! 依枝超哂班~


zak!designs 雪糕匙


書店大減價...好手痕有好多手作想學!!!


£1店搵到超筍Stila 粉盒


只係得盒,並無粉芯..........


不過我之前喺同一間連鎖£1店買咗咋粉芯......(網誌)


正哂! ^^


到咗Birmingham...去親Birmingham 都要去Seoul Plaza(韓國超市)走一轉!


第一次見既鮑魚蠔油~ 我咁鍾意食鮑魚緊係要試吓啦!


都係第一次見既蕃薯莖乾........


聽聞韓國人好興用來整涼菜...我又買包研究一下先!


之前喺小鎮Coningsby 一間Fish & Chips shop 試咗依個fried cod roe (炸鱈魚春),超好食超讚!!!!!


喺Birmingham 室內市場魚檔見到,太興奮急急買咗一大罐......
後來先醒起 - 其實超市係有細罐賣既! XDDDDD


依隻叫做Rooibos 既茶來自南非,叫做南非茶,又名博士茶~
南非茶含抗氧化成份,有抗衰老功效,又可以去除有害自由基,維持血壓正常,
仲可以降血脂,降膽固醇,降血糖,對糖尿病 + 心臟病都有好好療效,
仲要不含咖啡因 + 低單寧酸,男女老幼都啱飲...唔怪之仲有個好勁既名叫做"國寶茶"!


南下最後一日,去咗Cheshire Oaks Designer Outlet shopping......

早兩個月特登去專門店想買依個charm,可惜店員告知係舊款唔會再返貨.......
估唔到今次南下比我喺outlet 搵到! 勁開心~


打開裡面有隻鍍金小蜜蜂,cute 爆~~~~~


後面刻住"Sweeter than honey"~ 超靚!!!!!!


Pilgram 又買咗3個charm........


依個心心charm 可以打開啊!



2隻青蛙王子


儲charms 真係好好玩! 我條sweetie bracelet 一早已掛滿,下次輪到新手鍊!!?!?


Kit Heath treasure chest locket necklace


個箱仔又係可以打開! cute~


玫瑰金天使翼戒指


 
頭先話咗雨季將近...依對Original Colour Block (Dark Ruby)迎接雨季來臨!






6 則留言:

  1. 多謝妳之前回覆詳細的蒸爐問題

    回覆刪除
    回覆
    1. 再有一問題請教,今天收到蒸爐,但我本身不太懂英文想問如第一次完係唔係要set水的軟硬度,如Set英國是軟水or硬水那一個才正確

      刪除
    2. 英國唔同地方唔同水質,妳知唔知自己住果度係咩水呀?


      刪除
  2. 睇完我又開心晒...哈哈~~~

    回覆刪除
  3. 你部洗面機係邊度買? 我都想買冼面機,但係唔知買邊部好。

    回覆刪除

Related Posts Plugin for WordPress, Blogger...