2014年9月3日星期三

鮑魚花菇雲耳炆雞

La Cuisine De Veronica 鮑魚花菇雲耳炆雞

好多人都會有一個謬誤 - 罐頭之可以存放幾年都唔變質,係因為裡面有防腐劑......
所以罐頭鮑魚既湯汁都有防腐劑,用罐頭鮑魚湯汁煮餸等於食防腐劑......

其實罐頭食品(唔止罐頭鮑魚!) 係以高壓高溫殺菌後,
再經真空密封既原理來防止食物變質,根本就唔需要添加防腐劑~


罐頭清湯鮑魚既成份,其實只有鮑魚、水份 + 鹽架咋,倒走實在太浪費!
不過.........
罐頭食品無防腐劑,但並不等於無其他添加劑喎! e.g. 色素、增味劑etc~
所以買任何經加工既食品前,最好先睇清楚標籤啊! ^^


1. 花菇8浸水一晚後搾乾水切去菇蒂,放碟內加入鵝油1小匙拌勻,加入薑片蒸1小時; 燒熱白鑊,倒入花菇和蒸出來的汁炒至乾身備用。


2. 雲耳數朵洗淨,浸發後搾乾水份備用。


3. 走地雞肶2隻斬件,用胡椒粉、糖、生抽、麻油和粟粉撈勻醃最少30分鐘。


4. 燒熱油鍋,將薑數片和切碎乾蔥頭1棵爆香,下雞件爆炒至金黃色,加入(1)的花菇兜勻灒紹興酒。


5. 1/2罐清湯BB鮑魚的清湯對同等份量清水,加入冬菇和雞件煮滾,下一小塊冰糖,蓋上鍋蓋中小火炆15分鐘。


6. 加入鮑魚和雲耳,以適量蠔油調味所有材料兜勻,再滾數分鐘即成。






2 則留言:

  1. 阿v, 紅米飯食落會唔會好"孩"架, 如是, 我試3份紅米, 7份白米,至得, 同埋d 鮑魚花菇雲耳炆雞 好鬼正,我沒有你果隻牌子鮑魚, 我只有阿一鮑魚, 同埋阿一鮑色比較咸d,我會落小小調味試試, 多謝你的好介紹

    回覆刪除
    回覆
    1. 我覺得唔會"孩"啊! 只要浸水足夠,其實同普通白米飯差唔多,只係多咗一份口感 + nutty 既香氣,好好食呢! :-bd

      我自己比較鍾意用清湯鮑,因為煮法比其他汁果種罐頭鮑比較多~ 不過當然用紅燒或蠔皇鮑汁既都可以啦~

      刪除

Related Posts Plugin for WordPress, Blogger...