再見McHamHam (2014年9月29日)

經過一個多星期平伏心情...可愛既McHamHam 上星期一(9月29日)上午9.24已經去咗彩虹橋.........

之前我提過因為留意到McHamHam 身體開始慢慢瘦下來， 毛色慢慢變得暗啞，食量比以前減少，瞓覺時間長咗...我知道McHamHam 開始年老，所以返香港前特登帶佢去獸醫處檢查身體........

一直留意住McHamHam 身體狀況變化，其實去睇獸醫前我已有心理準備......
就算睇完獸醫話McHamHam 好健康，我都好擔心我地喺香港時佢會突然走咗........

不過McHamHam 好乖，我地去完香港返到來仍然好活潑~


 
McHamHam 一直都好健康無病無痛，不過佢真係已經好老，畢竟舊年收養佢時，佢已經超過1歲........

9月4日剛好係我地收養咗McHamHam 一年既日子，
之後既日子McHamHam 瞓覺時間越來越長...我已心裡有數.......

其實McHamHam 已比我預期中活得長，但人總係貪心，心想佢過得到"生日"，就會希望佢過得埋聖誕新年甚至更長........

 
9月28日晚我已經知道McHamHam 就快要走，
整晚我都瞓得好差，每隔個零鐘頭我就會責醒一次...
每次去check McHamHam 見佢仲抖緊氣，個心一直好似搭緊過山車上上落落......

9月29日朝早8點，我抱起仲瞓緊覺但氣息微弱既McHamHam，
佢臨走前幾分鐘掙扎住撐開雙眼，我想大概佢想同我say goodbye......
McHamHam 一直喺我手中，終於去咗彩虹橋.......

雖然一早有心理準備，但當果一刻終於來到.......心如刀割.......

喺遇到McHamHam 之前，我一直只鍾情體型細小既侏儒倉鼠，對McHamHam 依種熊仔鼠完全無好感......因為當時既我覺得熊仔鼠眼細鼻大唔夠可愛........

記得當日Mr.T 放工時打電話比我話要遲少少返來，因為佢staff 既妹妹搬屋有隻鼠鼠唔要，Mr.T 決定收養隻鼠鼠........

坦白講...當Mr.T 捧住大大個鼠籠返來告知係一隻熊仔鼠，我當時的確有點失望......
但當McHamHam 從屋仔爬出來，我第一眼已愛上佢!

因為McHamHam，令我知道原來熊仔鼠可愛到爆，令我再次開始養返鼠鼠;
因為McHamHam，毒埋我朋友第一次養鼠鼠，大家都越養越多........
就算後來有新加入既鼠鼠，Mr.T 一直話我偏心McHamHam.......

McHamHam 走咗我好心痛，但我無後悔過收養佢........

好多謝朋友傳來一段話開解我......

可愛既McHamHam~ 多謝妳喺依一年多年時間帶比我好多歡笑 + 快樂回憶.......

RIP my sweet wee legend~ ❤