懷孕雜記

最近開始週圍搵媽媽會註冊，企圖為123搲d著數! XDDDD

有d有免費試用品攞...不過一大包裡面賣廣告既印刷品多過贈品.....囧

隨住個肚越大，去洗手間既次數越來越多 + 密，
洗手洗到又乾又痛，開始有輕微煮婦手!
唔敢用香噴噴既hand cream，改用無味既E45，希望對手唔好惡化啦~

早前喺Mr.T 協助下花咗2日時間整理咗屋企過千本書! 200多本留返喺屋企.......

約一半唔要捐去圖書館; 其餘入車房擺住先~

書堆中搵到依本雞仔書...幾個月之後既我 + Mr.T! XDDDD

因為係三胞胎，所以我要每兩個星期去醫院做一次產檢~
18w 產檢時，喺醫院門口見到幾位婆婆義賣手工蛋糕果醬，
幫一個癌症療養院(Maggie's Centre)籌款~
等緊Mr.T 攞車時我買咗一樽士多啤梨果醬 + 一個牛油蛋糕，
牛油蛋糕雖然其貌不揚，個底仲有少少燶...不過其實唔太甜仲幾好食架! ^^

20w 照結構時再次見到義賣婆婆，原來佢地每個星期二下晝都會喺醫院入口擺檔義賣，
是日義賣既係手作復活節勾針鴨仔，每隻鴨仔身裡面放咗一隻吉百利creme egg~
買咗3隻，當係123一人一隻 ^^ (不過我唔食creme egg 既!)

醒目Mr.T 見婆婆們另一邊有賣二手書，於是問吓佢地收唔收書，佢地好開心話會收喎!
之前整理書櫃執出來唔要果咋書，攞咗2箱中文書捐去圖書館，
剩低一箱英文書再下一次產檢時攞埋比婆婆們義賣啦~ ^^

22w 產檢去到醫院門口，義賣婆婆們正準備開檔，
Mr.T 即刻攞埋箱書比佢地，等佢地可以即時整理攞出來賣~

產檢後婆婆們再次向我地道謝，佢話我地d書好受歡迎啊，
當佢地知道我肚裡面係三胞胎，開心到送咗個handmade 公仔比123，so sweet~ ❤
佢地話遲d會義賣handmade BB衫呢，好期待! ^^

個肚越來越重，躝街意欲越來越低...除咗產檢買餸散步之外，越來越深閏，
復活節假期天氣超好，不過我好乖無出街，摷咗咋唔要既毛公仔出來，
逐隻抹乾淨再吹乾，下次攞比義賣婆婆們~
眨吓眼已經25w 嘞! 真係要清吓屋企d無謂野，準備迎接123~ ^^


雖然已知道123都係女仔，而且我每次見到d超可愛裙仔鞋仔除咗尖叫之外，
仲全部都想買哂! XDDD 
不過暫時我仲控制到自己忍手，始終仲有幾個月時間，
而且英國連普通超市都有大量初生BB用品賣，買得幾多? 而家有其他priority~

我一向都唔係吉蒂控，不過喺£1店見到依條口水肩好可愛，而且質地手工又唔錯，
咁平無所謂啦! ^^

今日剛收到早前訂比123既繡名帽仔，細細頂好可愛啊~ ❤
123既英文名暫時賣個關子~ 所以唔洗估嘞!
P.S. 唔洗留言估係咩名，無論估啱估錯我都唔會回覆 =P

白色全棉質地好好，最鍾意簡簡單單既款式~ ^^


尋日3月30日產檢照B超，醫院新整咗個暖座用來坐暖d啫喱，
以前d啫喱唧落肚凍冰冰，今次係熱熱地，唔知123係咪唔慣呢?
醫生唧完啫喱都未開始碌，突然B1大力踢咗我肚池右邊一下，
(B1位置偏右 + 最活躍最多動作!)
我個肚有一舊凸起咗隨即又縮返入去，今次係第一次見到肚皮比BB踢到變形，
可惜依個2、3秒既moment 只得我 + 姑仔睇到，Mr.T 啱啱剥緊外套錯過咗......

今日都試過2次，好想拍video 影低比Mr.T 睇，
但我一攞起相機影到手軟都無動靜! 好難捕捉依一刻啊~~ >_<