開心復活節之...抵食平價自助餐1 - Taybarns@Newcastle Under Lyme (2012年4月7日)

講完復活節shopping，而家講吓eating 嘞!
(唉...啱啱先醒起上個月仲有幾餐喺倫敦仲未寫!! )

最近經常搭巴士或火車去Manchester + Birmingham，
好有經驗......幾粒鐘車程我係一定會肚餓既!  
 

今次我好醒 - 早一晚焗定大盆腸仔包帶埋去搭車!
咁就唔怕餓親V啦!! 

一盆10隻我緊食唔哂! Mr.T又話要食~

雖然喺車上食咗腸仔包，
不過轉車去到Stoke...等埋Mr.T 搞掂手尾...再去酒店check in...
已經7點幾! 
我 + Mr.T 都好鬼肚餓~~~~~ 
若肚餓時仲要用腦唸去邊度食 + 食乜野會更加痛苦!!
好彩Mr.T已一早唸定帶我去邊度食野! 

Mr.T 朋友介紹Taybarns 自助餐又平又抵食，
於是我地去咗Newcastle Under Lyme 既分店試吓! 

一入到去我好想喊~~~~~~~

一來因為感動餐廳好大間，食物種類選擇好鬼多;
二來因為爆哂棚waitress 同我地講要等40分鐘! 
好彩最後只等咗大約20分鐘就有位~ 

新鮮沙律吧;

各式烤肉;唔好睇d烤肉好似乾爭爭咁款，其實只係因為佢地無汁!
客人流量大，每款食物都好快清哂，
佢地要不停補充新鮮食物，所以烤肉全部都好juicy架~

唔同款式pasta + pies;

薯條、焗薯、烚薯、茄汁焗豆、蘑菇、烤雜菜......等等配菜;

除咗洋人菜式，仲有咖喱 + 中式菜式

味道唔會話頂呱呱，
食物當然亦唔夠酒店自助餐咁精緻，
不過星期六晚飯時段每位£8.99仲想點?(平日成人£7.99, 小童£3.99) 

食物種類有咁多不同選擇，味道又過得去，
overall 來講真係非常唔錯架嘞!
個人認為最抵食係以下依2樣......

(1) 現搓現加料現焗新鮮熱辣辣pizza!

(2) Carvery Corner 雖然只得燒火腿 + 烤火雞，
不過火腿+ 火雞水準都真係拍得住酒店自助餐架!
Yorkshire puddings, stuffing, gravy,
烤薯, 薯蓉, 烚雜菜, 芝士焗椰菜花...... 
除咗只係無燒牛肉之外，
酒店自助餐Carvery Corner 有既食物Taybarns 都有~ 

淨係食幾碟燒火腿烤火雞都值回票價啦! 

仲有一大咋望到都覺得甜到阿媽唔認得既洋人desserts...... 

其實仲有好多蛋糕雪糕之類，
不過太多0靚仔喺甜品區，廢事行埋去影相!

依餐食得超滿足!
至正係入座前先比錢，
食完拍吓蘿柚唔洗等埋單就可以鬆人~

由行去car park 攞車途中開始，
直至返到酒店沖完涼覺覺豬，
期間我 + Mr.T 飽到整晚不停嗝氣.......


Taybarns Website: http://www.taybarns.com