開心復活節之...繼續食食食@Hanley & Manchester (2012年4月9日)

Easter Monday (4月9日)Mr.T 要返半日，
於是我自己喺Hanley town centre 行街shopping 等佢食lunch，
行街時我見到一間逢星期一全日都半價既餐廳 - Revolution~

於是我就同Mr.T suggest 去果度食lunch!
裡面坐得好舒服~~~ 

Revolution 其實係英國一間連鎖Vodka Bar & Restaurant，
全英國有好多分店，其實Glasgow 都有，
但每間分店既offer 未必一樣架! 

依餐雖然唔係buffet，不過都好豐富呢! 

Stuffed Jalapenos 
Breadcrumb 厚咗少少，不過炸得好香脆，熱辣辣好好味!

Chicken Katsu
本來我想點pasta，不過果日無pasta，
所以我點咗依個吉列炸雞配日式咖喱汁~
咪以為洋人整假日本野就一定整得唔好食喎，
我依份就整得好好味嘞!

Mr.T既burger
其實佢地餐牌上有好多種唔同burger，
不過對我來講無咩分別......

我唔記得Mr.T依個係咩burger......
不過我咬咗啖，好香好juicy 好好味!

本以為逢星期一全日都做半價，佢地會將貨就價，
以為portion 會好細份......
點知兩份餐份量好足!
依餐埋單計埋野飲只係£11 (飲品無半價!)，咁好味又咁平，真係好鬼抵食!!  

Revolution Vodka Bar & Restaurant: http://www.revolution-bars.co.uk



等Mr.T 放工後我地又去咗Manchester......又去咗Red Hot 食自助餐! 

今次晚餐時段有壽司食嘞! 

咪睇佢d壽司"一粒粒"咁好樣衰，查實幾好食架!

佢地既頭盆真係好好味!

晚餐主菜同午餐差唔多~
但晚餐甜品多咗個廚師現場整waffles (格仔餅)~

佢地既waffles 整到一條條好似熱狗腸咁! cute~

甜品種類同之前果日午餐既甜品唔同咗!
無咗好好味既creme brulee......

不過今次有個新既Apricot Financier 小蛋糕好好味!

充滿牛油香既小蛋糕，裡面只有好少好少apricot，
我一口氣食咗5粒! 


依餐一樣食到好鬼飽!
飯氣攻心我幾乎一上到車就呼呼大睡，
不過就難為咗Mr.T食到咁飽仲要渣幾粒鐘車返Glasgow，
因為我地第二日約咗朋友BBQ~