開心復活節之...BBQ@Loch Lomond (2012年4月10日)

英國天氣變幻莫測......
今年3月尾蘇格蘭天氣開始似初夏，
經常有大太陽 + 藍天白雲，
有幾日仲接近20C!
於是朋友們計劃趁小朋友4月頭放復活節假搞郊外BBQ，
日子定咗4月10日~

殊不知4月剛來到，
BBQ前一星期氣溫突然急降得返幾度! 
至慘仲要落埋冰雹!!
BBQ三日前開始落雨......
BBQ一日前，我 + Mr.T 漏夜由Manchester 渣車返Glasgow，
零晨3am 返到屋企仍然落緊雨......
4月10日BBQ前幾粒鐘，晨早一起身落緊狗屎! 
心想BBQ要泡湯嘞......
不過朋友已預備好大咋食物唔想浪費，反正個個都有車， 
經過同朋友們一輪whatsapp 商量後，決定搏一搏! 


大人細路一行18人去到Loch Lomond 時已開始出太陽~

仲有藍天白雲呢!  

湖邊風景超靚~~~~ 

氣溫無3月尾時咁暖，大約只有7、8度，
加上早一星期落過冰雹，對面山頭仍然有積雪呢!  

我底一件Prada 滑雪褸;
面套多件Nike 運動褸成隻粽咁先夠暖~
之前落過大雨，所以醒目既人著咗水靴! 

趁住天氣好，拿拿淋起爐...依d野粗重野緊係男人做架啦!

女士們一路hea 一路八卦; 小朋友就周圍跑周圍玩......

或者周圍追吓鴨仔!

原本朋友落咗order 要我整個蛋糕帶去，
不過我 + Mr.T 前一晚3am 先返到屋企根本無時間整...... 
我地買咗盒蘇格蘭無得賣既Krispy Kreme donuts 補數!

經男士們一番努力...終於燒得嘞! 

雖然食物種類唔算多，不過有無數魚蛋、墨魚丸、龍蝦丸......
豬扒、牛扒、漢堡扒、大蝦、腸仔......

啡色蓋果桶係滿滿一大桶雞翼!

仲有粟米 + 蕃薯......食物份量多到食唔哂呢!

剛開始時個個興致勃勃正正經經攞住燒烤叉來燒......

燒咗一段時間個個開始手攰，
又話石頭"銀"蘿柚，坐得越來越衰相......

Mr.T 仲發明咗個"懶人燒蝦法"...... 

後來個個索性hand free 用石頭"浪"住來燒!  

感謝天公造美天氣越來越好陽光普照，大家都玩得好開心! 

上一次我同班朋友BBQ，Mr.T 請唔到假無份去......
今次Mr.T百忙之中請假可以一齊去，我特別開心呢!

早幾篇提及我同blog 友好有緣!
And here is another example......

阿芝係我朋友Wing 拍咗拖幾個月既女友，
從香港來現正留英小住一段時間陪男友~
不過佢地仲未開始拍拖既時候......阿芝原來係我blog 友!  

佢地仲未開始時，Wing喺英國; 阿芝喺香港，靠Internet 傾計溝通~
阿芝一次send我blog條link 比Wing，
問Wing - "你有無睇依個blog?"
Wing 一睇......"依個係我friend 來架!" 

夠哂神奇呀呢?

玩足成日......7點幾執野鬆人!
返到屋企差不多9點，又攰又污糟......
即時去沖返個靚涼~~~~

完美地結束咗依個好鬼忙周圍走，
好鬼攰但同時好鬼開心滿足既Easter long weekend!