大家既復活節玩得開心嘛?
我過咗一個飽到不停嗝氣......
買完又買......走走趯趯......
非常忙碌 + 好鬼攰......
但同時又非常開心滿足既Easter weekend 呢!
星期六(4月7日)我搭巴士去Manchester 轉車去Stoke join Mr.T過Easter~
巴士早咗30分鐘到達Manchester，
一落車我如常即時打電話比Mr.T報告行蹤，
行唔夠兩步，電話剛接通，
見有一男一女中國人迎面而來，
位靚女突然上前問我: 妳係咪V女廚房?
原來係香港blog 友海迪同老公honeymoon 歐遊!
雖然海迪只留過一兩次言，而且我亦未見過佢既相，
不過對於記性相當唔錯既我，
(其實我想話自己記性非常好...不過我決定都係humble 少少!
)
海迪一表明網名，我已經好有印象嘞! 
雖然返香港時都曾經有blog 友喺街上認得我上前同我打招呼，
不過海迪同老公千里迢迢由香港來英旅行......
英國比香港大咁鬼多......
仲要咁啱我班車早咗30分鐘到站......
架巴士真係早或遲一兩分鐘都唔會撞到呢!
種種巧合加埋先可以撞到真係非常難得，
簡直稱得上係奇遇呀!!
世界其實真係好細既呢~~~
Nice meeting you 海迪!
雖然返香港時都曾經有blog 友喺街上認得我上前同我打招呼，
不過海迪同老公千里迢迢由香港來英旅行......
英國比香港大咁鬼多......
仲要咁啱我班車早咗30分鐘到站......
架巴士真係早或遲一兩分鐘都唔會撞到呢!
種種巧合加埋先可以撞到真係非常難得，
簡直稱得上係奇遇呀!!
世界其實真係好細既呢~~~
Nice meeting you 海迪!
世界真細小....小小
回覆刪除[版主回覆04/13/2012 09:32:48]
下次你返HK....我又出MK 睇下遇唔遇到你.......HHHHEEEE~~~~ ^O^
回覆刪除[版主回覆04/13/2012 09:32:03]我返香港會周圍躝街，好多地方都會有我既腳毛!
wow~其實我都好大膽，唔怕認錯人走埋來叫你，如果你話唔係我都唔知點算，但我見到你用你最喜愛的品牌喼及手袋，我都有9成9係肯定係你，哈哈!!!~~我睇你Bolg都睇左好耐，我諗都係09年開始，雖然呢唔係日日來，但一黎都會追番哂你寫既野，都算係你小粉c，haha~~果日我撞完你都有同老公講話你煮野食好叻，成日上來偷師啊~~真係好開心，英國咁大都可以撞見，仲要係響曼城，真係世界真細小，好開心認識妳~~
回覆刪除[版主回覆04/13/2012 09:30:48]哈哈~~~ 原來妳唔係認得我，係認得我個手袋 + 個喼!
其實真係要超級巧合先遇到! 架巴士應該4pm 先到站，我搭過依架巴士好多次，次次都好準時，唯獨果日早咗半粒鐘...又要咁啱你地stay 喺crowne plaza 先會行去果頭，我初時都覺得奇怪你地行果邊去邊度呢，因為車站果邊無地方好去(不過車站隔離有間好正既韓國野!) 事後我同Mr.T 講佢都話好神奇!
我都好高興認識你地啊! 希望下次我地可以喺香港再見啦~
le.....d.....就叫緣份囉.......好似妳千里迢迢都可以遇到.....Mr..T.咁....嘻嘻^^o^^
回覆刪除[版主回覆04/13/2012 09:19:40]我同好多位扑友都好有緣呢!
what a good chance to meet someone under that situation!
回覆刪除[版主回覆04/13/2012 09:18:44]what a coincidence!
這個特別的巧遇, 妳事前有否預感呢? 哈哈
回覆刪除[版主回覆04/13/2012 09:18:00]哈哈~~~ 今次我無預感呀! 不過之後有d更離奇既事....遲吓同大家分享~
你同呢位 Blog 友真係好有緣.... ^_^
回覆刪除[版主回覆04/13/2012 09:16:55]其實我同好多blog 友都好有緣，有d仲橋到O哂咀!
wow..係香港相遇都難啦!! 更何況係英國....其實世界唔細^^ 我諗真係叫有緣囉!!
回覆刪除[版主回覆04/14/2012 10:39:32]真係估唔到咁都會撞到! 真係好奇妙~
巧勁呀，咁都遇到~~~~阿v妳之前整個個easter cake好靚呀~~~
回覆刪除[版主回覆04/14/2012 10:37:44]要咁多巧合先遇到，機會真係萬中無一呢!
Thank you Candy!
呢d就係緣份啦
回覆刪除[版主回覆04/17/2012 09:25:28]我同好多網友都有好神奇既緣份! 我記得我係妳老公師妹來呢!!
咁都遇到, 真係好有緣份 !
回覆刪除[版主回覆04/17/2012 09:22:36]我都覺得好神奇!
6年前去過Glasgow 唔知有冇見過妳
回覆刪除[版主回覆04/17/2012 19:29:45]可能真係有遇過架! 哈哈~~~~
真係好有緣份 !
回覆刪除Peggy
[版主回覆04/23/2012 16:45:50]我都覺得呢!
wow, 好巧合嘅相遇呢!
回覆刪除[版主回覆05/09/2012 23:13:50]真係巧合到好出奇!
真好難得咁有緣呀!~
回覆刪除[版主回覆08/03/2012 07:02:50]遇到由香港來既網友我都好意外!