最愛自家煮! (附食譜)

近排經常來來回回蘇格蘭 + 英格蘭，
南下期間餐餐出街食，
雖然我好鍾意同老公dining out...
而且我喺南下光顧過既餐廳，
Surprisingly 幾乎間間都好好味......
不過餐餐出街食，真係會食到口都wer 埋!
而且經常無得煮野食，非常手痕技癢!!
After all，都係自己煮既最好~


5月31日: 蠔油雞翼 & 炒菠菜苗

雖然我最鍾意煮既都係三餸一湯，
不過一人前，任我幾大食都好，一餐真係食唔哂! 


簡簡單單蠔油雞翼 + 熱辣辣白飯......;

舒舒服服坐喺自己屋企，一路睇電視一路食飯，just love it! 

6月1日: 蠔油雞翼 & 泰國大蟹膏炒飯

早一晚食剩一半雞翼 + 一半白飯...... 
醒起喺南下泰國超市買咗依樽大蟹膏，一於試吓用來炒飯!

炒飯顏色好靚~ 可惜大蟹膏味道一般，
並無我預期中濃濃既蟹香......

6月10日: 煙三文魚芝士忌廉意粉

最近喺南下食親意大利野都幾乎係點依個，
返到屋企仍然好想食! 
一於自己整!!

如我所料 - 我自己整依個最好味! 哈哈~~~~~ 

煙三文魚芝士忌廉意粉食譜click here~



今年英國既夏天天氣似乎唔錯~
咁喺英國落雨就無可避免架嘞，
而且睇新聞話英國有好多地方有水浸警告......

拔...今年入夏以來，我見得最多反而係藍天白雲!

好多人以為冬天會落雪既英國，夏天熱極有限......

查實英國熱起上來，會熱到我著住背心都不停標汗!  

近幾日都無落雨，雖然日頭天陰陰無咩陽光，
不過連續幾晚一滴風都無，開咗窗都覺得好悶熱~
每逢咁既天氣，我都特別想食湯飯! 

6月11日: 冬菇瑤柱節瓜肉片湯飯

一碗過...有湯有飯有瓜菜有肉有魚(瑤柱當係魚啦!)
實在太好味嘞~~~~~ 

post 咗依張湯飯相上FB，
有幾位朋友不約而同話佢地都煲咗依個湯!
睇來節瓜湯真係好適合6月飲呢，
應該改名叫做"6月湯"! 哈哈~~~~

冬菇瑤柱節瓜肉片湯飯食譜click here~
之前第一次整既法式油封鴨腿已經食哂......

Mr.T 勁鍾意! ♥
我發現整好既油封鴨腿，
放喺雪櫃由佢封一段時間後會更好食!(整比Mr.T 食依餐封咗3個星期!)

本來我想再整定d放喺雪櫃，
不過2個幾月來超市都無鴨腿賣!! 

取而代之係依隻鴨香腸!   (唔通攞哂d鴨腿去做香腸???)


因為天氣熱，今個夏天已經整咗幾次雞絲大蝦沙律~
由細到大我最鍾意既沙律醬就係卡夫奇妙醬!
可惜英國超市無奇妙醬賣，
間中喺一d專賣美國入口食品既店會見到，
但賣得好貴又唔係成日有貨......

我唯有降低自己要求改買一般超市買到既沙律醬，
反正隻隻牌子味道都差唔多!

早排見Heinz 依隻所謂Limited Edition 檸檬黑椒沙律醬做特價，
買咗枝來試吓.......
簡直不知所謂!!!!!!!!!!!!!!!!!!!!!!  

淡而無味 - 無味道兼無香味~
檸檬味...完全食唔出;
黑椒味...完全唔覺有;
唯一感覺係 - 望落 + 食落口既口感均似一樽無味既白色醬溝咗煙灰!
認住依個樽，千其唔好買!!